如果係FTM, 收既機會會大點嗎?

ella1029

如題!!如果係FTM(full time mama), 收既機會會大點嗎?

babeBBDoll

係呀，我婆婆好錫我，我出世到五歲星期一至五都係佢湊我，星期六，日我媽咪先得閒溱我，所以同婆婆好好感情，我地今日都同左婆婆去食下午茶 haha 所以當我大肚時已經準備好自己湊小朋友，希望親力親為同佢感情更好

DCMaMe

回復 Vana 的帖子



我相信我們的付出係會有回報的, 未必係D咩實質上的野, 但果種關係, 果D開心的時光, 我相信當我們年紀大了, 我們和我們的小孩都會記得.

當他們長大後, 那些印記便會是閒話家常的一部份, 我們可報以微笑, 又或加作笑談. 好一幅開心的家庭圖像. 無論FTM or Working Mum, 這都是你們應得的,所有媽媽共勉之!!

babeBBDoll

原帖由 ting-ma 於 12-11-15 發表
本帖最後由 ting-ma 於 12-11-15 23:30 編輯

我細個都係婆婆嫲嫲湊架，咁岩既仲要我阿嫲係D勁偏心重男輕女既人，所以我自己想一手湊大個小朋友自己教

Vana

DCMaMe 發表於 12-11-15 09:42
本來都唔想講, 但實在想申訴吓, 我自己亦係一名擁有高學歷 (碩士) 的FTM, 本來有一份非常滿意的工作, 買名 ...

你真係講中哂..... 我都係一個有學歷既ftm..... 未有bb前有一份十分理想既工作....最鍾意做facial/ spa (雖然而家都有做, 但以前係去海港城做..... 而家只可以隔好耐襯個囡nap time先係屋企附近事但做).... 一年幾次外遊更加變左無可能...

基本上自阿囡出世以黎, 我都未試過離開過佢超過5小時...... 去到邊都帶住佢, 煮飯比佢食, 煲涼茶, 整小食, 又要成日唔同款, 真係好似你講..連飲水都要理....仲有記住今日有無poo poo etc.... 以前返工做既野好多元化, 而家每日滿腦子都係芝麻小事但又對於個囡黎講係好重要既事........ 以前著靚靚返工, 而家一年到尾都係著波鞋.... 手袋變backpack....總之比我工人更工人....

我其實真係好鍾意返工, 做野..... 又可以見下人.... 同埋唔駛一日到黑淨係對住小朋友講野...但我明白到如果我將小朋友淨係交比工人/ 老人家照顧....佢既生活, 性格都可能同而家好唔同.... 對各事物既價觀亦好需要我從旁引導... 而且時間過左就過左, 我真係好希望同佢而家個種親密既關係可以build up and prolong得更好....

ching_800322

cat8141210 發表於 12-11-15 15:52
唉...大家都一樣係咁慘...
所以我講請工人唔係人地所諗咁高尚,
只係我地WORKING MAMA冇得選擇先會迫於無奈 ...

其實FTM 或WORKING MA 都各有困難的地方, 總有時會身不由已。 大家都係用自己覺得最好的方法去協調屋企同小朋友，有人犧牲小事業, 有人犧牲了親子時間， 所以大家都唔使咁認真, 我相信得閒上黎八下的, 都係有心教好小朋友的好媽媽!!

Vana

venuscyc 發表於 12-11-15 00:04
我同你的情況相若，分別是我小女兒已出生。
我想講：我也是一個高學歷的ftm。但我倒不覺有benefit 到喎，是 ...

其實我地唔應該咁著眼benefit左係邊到..... 兩母女/ 子間既感情係一點一滴累積.... 更加唔好講咩表現咁啦.....

我相信你日日夜夜咁照顧住小朋友, 佢地係感受到... 個種intimacy係無野可以代替到架.... (當然我唔係話在職媽媽就無呢種bonding...只係我地ftm有更多共同機會制造一齊既美好memory)

我之前上左一個child psycho既course.... 個導師都話所有野都係建基於同小朋友既關係上.... 佢地識乜做到乜唔緊要, 只要我地同佢關係好, 之後乜野都易教 or 糾正 or lead 佢地既方向.... 大約係咁上下...

anyway, 大家努力啦

kelly0204

回復 cat8141210 的帖子

其實我本身開頭都係FTM,,但依家小朋友返左PN所以可以出返黎個下PT JOB....
你嘅情況我都有遇過.....
坦白講,,,,如果6299都年過70嘅話,,,身力同氣力都差一些(COS我小朋友開頭係62湊嘅,但奈何到佢地識行識走時,邊有可能夠佢地呢D小魔怪快呢？所以先做FTM照顧下小朋友)
一個都還可以嘅,但兩個一齊走,一個走東一個走西就人都顛.....

cat8141210

cclemon2009 發表於 12-11-15 15:20
回復 cat8141210 的帖子

你都好，有人幫你，我老爺奶奶一直吾肯幫手，請過工人，工人走佬，最後返托兒所乍 ...

唉...大家都一樣係咁慘...
所以我講請工人唔係人地所諗咁高尚,
只係我地WORKING MAMA冇得選擇先會迫於無奈咁做,
正如頭先有人講,
全職媽媽同在職媽媽都一樣偉大又何必分勝負同埋對號入座?
現今的女人多數都係有學歷同事業,
係我心目中只要係"肯生小朋友既女人"已經係最偉大同可敬的,
所以人地對我既批評如果係過分我都唔會理會,
正因為係呢度人人既學歷同家庭背景都唔同,
大家都只係討論唔係要爭拗d乜,
頭先有幾位係呢度識既朋友都pm我叫我唔好為一d唔明白事理既人勞氣會影響到自己身體,
想講我都冇話好勞氣,
係職場上大把呢d人,
衰過呢d人既都一堆,
我又點會為左人地幾句野而嬲呢?
講返工人問題,
我62 99成日都覺得自己根本係同一時間湊得掂一個兩歲幾既小朋友同埋一個初生BB,
係佢地既字典上係冇野唔得既,
成日都話自己後生果陣生五個都湊得掂,
但佢地總係唔明佢地後生果陣只係30-40歲,
但係佢地家下已經係70歲了,
同埋要明白70+既老人家,
係咪應該要享受人生而唔係日日在家"看牛"?
佢地如果開口話唔幫我地湊我地都唔會勉強佢地,
但佢地家下係都叫我地唔洗請工人,
但我好驚佢次次同我老公嘈果陣就發老皮大叫"我唔湊你個女啦!!!聽日唔好帶佢黎呀!!!"
跟住次次都係我第二朝帶埋個女去佢家講晒對唔住咁叫佢幫幫手湊因為我要返工...
仲要明明唔係我同佢嘈,
但次次我老公都迫我去做呢個醜人,
有好幾次我去求佢果陣佢比好多"說話"我聽我直頭喊左出黎,
之後佢都怕左我話"你家下咁樣,我唔幫你湊仲有邊個會幫你呀"....
當時真係好難受...
自己又唔係搵唔到錢但老公就一直為左62 99唔比請工人而要我次次咁求人做野...
可能我薄面皮我覺得自己委屈...
但有工人一樣頭痕,
因為我請呢個工人果陣已經同AGENT講明我係將會有一個初生BB要湊,
果陣搵左好耐都冇工人肯接我呢個JOB,
所以家下好驚工人黎到會嫌辛苦突然走佬,
CCLEMON,咁你之後打算點?

cat8141210

JC_mami 發表於 12-11-15 13:56
回復 cat8141210 的帖子

沒請啦！一腳踼。我反而羡慕你有老人家幫到手。FTM真是好困身，最慘是沒病假，

我好明白你既感受...
但你睇我好我睇你好啦...
我都好想做FTM,
可是我唔做野既話,
屋都唔會有...
我覺得最少要有自己既空間果陣,
我先可以有資格考慮做唔做FTM,
因為如果我家下轉做FTM,
我日日要面對既,
唔止係兩個小朋友,仲要對住埋62,99...
佢地幾廿歲我實在唔忍心/唔想佢地一野湊兩個...

cclemon2009

回復 cat8141210 的帖子

你都好，有人幫你，我老爺奶奶一直吾肯幫手，請過工人，工人走佬，最後返托兒所乍，我好嬲佢地，好彩，我個仔返托兒所後，自理能力好，算獨立，所以K1面試時都肯合作。不過，呢斷時間我好辛苦，放工後，要煮飯，家務和親子，和FTM無分別。我一月生第二個，無法下又請工人，工人做左2個月，比辭職信我，佢現在無乜工作，因為我仔返全日班，我比佢激死，話想搵份更好，過兩日又話留低，我現在買佢怕，工人真信吾過，cat ，小心啲工人！

breadbb

原帖由 oooasis 於 12-11-15 發表

講得好好

cycream

原帖由 oooasis 於 12-11-15 發表

  can't agree more!

oooasis

大家都係媽咪，無論返工定全職，我相信都好愛仔女。所以無必要一定要分個勝負好壞，去分化全職媽媽同返工媽媽。
母親的偉大是不分返唔返工的。
我覺得女人真正的偉大在於，當家庭需要錢時，我地便奔赴職場賺錢養家；當家庭需要照顧時，我地便放棄一切回家照顧仔女。
亦慶幸現代社會比女人有選擇的權利。每個家庭根據自身的環境，經濟狀況，家人意見去做出選擇。
但唔需要去批評同貶低一些同自己唔同選擇的家庭。

Heyheyjoyjoy

全職在職媽媽都是在自己能力許可下比小朋友最好的，我現在有番工，大學一級榮譽，大公司，人工不錯，雖然我都擔心有人比說話我聽，但我細b出世後都考慮做ftm，只為覺得小朋友現在需要我，等佢唔駛我陪再番工，當然到時一定冇現在的人工同事業啦。所以既然大家都為小朋友做困難的決定，互相支持吧！

JC_mami

回復 cat8141210 的帖子

沒請啦！一腳踼。我反而羡慕你有老人家幫到手。FTM真是好困身，最慘是沒病假，
最近自己發燒，得一對手，真是好辛苦。

cat8141210

JC_mami 發表於 12-11-15 13:19
回復 cat8141210 的帖子

其實妳有老人家睇住都應該好安全，我個仔出世頭半年由工人帶，

我都好驚自己係咁好快會痴線...
我自己個CASE係62已退休,
99是家庭主婦,
兩人都年過70,
99算係明白事理,
但有時都講佢唔聽,
不過唔係過分果種,
但總是不肯跟我合作比我買既玩具同埋CD個女玩同學習,
一日到黑開住個電視比我個女睇,
睇到阿女眼都痛埋,
我個心真係好痛...
99有教阿女ABC,
可是佢係"有限公司"幫唔到D乜,
佢都有一直講叫我地唔好比個女返PN又話佢乜都唔識講冇人理在學校會好慘...
但佢又唔明佢返學係好事,
因為在家對住62 99佢地絕對唔會帶我個女出去見識下,
一日到黑對住四幅牆...
我大左肚請工人呢件事,
老公已經同99爭執左3個月,
因為62 99心態係驚工人搶孫吧?
我不清楚他們的想法,
我只是想叫個工人來幫忙做家務,
希望99湊住兩個小朋友工人只是幫輕下ONLY,
奈何99發老皮話你地請工人的話我兩個都唔湊,
或者你地唔請工人我兩個湊晒,
你地會唔會相信兩個70歲以上的老人家有能力湊一個兩歲幾既小朋友+一個初生BB?
會辛苦到佢地痴線囉...
我唔想老人家辛苦先會咁打算,
所以如果自己可以做FTM,
我一定唔會請工人,
家下驚緊工人來到如果做得唔好我可以點算...
日日昅住個CAM都唔係辦法...
到最後如果真係咁不幸,
我會迫個老公比我做FTM,
但到時後果係點真係難以想像,
可能係同個老公鬧交或者一家四口又要回99家寄人籬下...
BTW,
你仲有冇再請工人幫手?