想同小朋友面試K2，但佢好抗拒…

starbabymm

依家間屋村學校仔由N1開始讀，個囡好鍾意，所以上年考到民生都放棄咗（因我都唔係特別喜愛，無謂轉）
今年想再試試報幾間，
同囡囡講帶佢去其他小朋友間學校玩，
但佢都get到係好似上年咁去面試，
講明「我唔鍾意面試老師，淨係鍾意鍾老師！」

我應該點做呀？…我怕佢去到又唔睬人呀…
我應該點威迫佢鍾意去面試、去玩呀？好苦惱…

starbabymm

上年唔係唔想轉，係因為心儀嘅學校唔收...最多都只有WAITING...
當時都一心諗住K2再試多次，
咁既然收嘅又唔係心儀學校，而且又諗住會再試，
所以咪無轉到囉...

咁我都知今年轉到嘅機會仲細，
都係諗住試吓架咋，
如果連試嘅機會都唔試...我會唔心熄..

今朝佢起身返學唔知點解忽然喊晒話：
「我要去面試老師度，唔返學呀」
唉...唔同俾太大壓力佢？
但我只係尋晚同佢輕輕提過吓會面試咗喎...
又無迫佢要點做點做...
唉...