感覺亞仔有啲委屈，點做好！！

Jane1983

咁除咗練波，你仔日常係咪同佢一齊玩？

你最錯係一直叫你仔讓佢。有d人，你讓佢佢會心懷感激。但呢d人少，多數係得寸進尺。

Jane1983

回覆 CYWYBB 的帖子

如果只係隊友同埋放學一齊去補習，而唔係日日一齊玩，一齊小息、吃飯的friend。容易做好多，同教練講唔好一組，放學亦唔使一齊去補習。甚至可以改日子，佢逢一、三，你仔二、四。
會動手推朋友，自己一定無錯，歪理多多的，根本係少年丁蟹，避開算啦。

Jane1983

你仔對朋友無理的行為，會強烈表示不滿，有是非感。話以後唔想見到佢，想delete佢的whatsapp，係懂得保護自己，stands up for himself，呢d都係你教得佢好，佢慢慢成長後，會懂得對壞朋友和爛桃花企硬。

Jane1983

CYWYBB 發表於 20-11-27 12:13
本帖最後由 CYWYBB 於 20-11-27 12:14 編輯

前幾日又要打冰球，我叫亞囝去完補習社之後同埋個同學一齊 ...

佢把口係刻薄d ，不過同蝦你個仔比，呢件算小事。

其實初中的男仔唔細唔大，有d係鍾意語出驚人，覺得好有型。唔講粗口淫褻嘢，唔係太惡毒，就當聽唔到算啦 。

Jane1983

係咪我理解錯誤，個男仔話人脂肪多，串人肥？就咁既意思？

如果係真，呢個真係算輕微wor。

Jane1983

CYWYBB 發表於 20-11-27 15:31
我知依樣唔係咁大件事，但見親佢十次十次都串我個仔，咁我不在場會點？做媽媽會心痛㗎！
...

佢試過2次暴力對待你仔，明顯唔係好朋友的材料。呢樣係最主要。

至於同學之間互相取笑，可以係玩。不過重點係“互相”。如果你仔都係串嘴之人，咁大家拉平無所謂。但你仔唔出聲果種，長期被人批評，咁就真係好打擊自信。

Jane1983

gracelam 發表於 20-11-27 22:35
本帖最後由 gracelam 於 20-11-27 22:37 編輯

宜家中學生及朋輩間真係好多互相挖苦，嘲笑，甚至粗口來 ...

可能個男仔覺得自己對住Auntie咁講嘢，係好風趣 。

對住青春期前後的細路哥，只要佢無惡意，d無傷大雅的廢嘢，唔好會太上心。

Jane1983

回覆 CYWYBB 的帖子

唔使出手。
講真，一係就唔同佢玩。繼續同佢見面，就唔使客氣唔使嬲，直接串番佢。唔好忍。人善被人欺，千古不變定律。

Jane1983

回覆 CYWYBB 的帖子

你同你仔講，三人行，必有我師焉。你個同學口舌招搖，幾克人憎，千祈唔好好似佢咁，呈一時之快令人唔開心。