住屯門的媽咪請入來

yyshiu

我住屯門，小朋友都係返九龍塘。早上我地揸車送小朋友返學半小時左右車程到學校，放學搭校巴約1小時15分，有時九龍塘裡面唔塞車，1小時就到我家樓下。
其實我聽其他住將軍澳返九龍塘，坐校巴都可能要1小時，就算住美孚都要45分鐘，好depend on你係咪尾站先落車及中間停幾多個屋苑。
我有考慮過總車程先決定比小朋友出九龍塘讀，因為都怕龍年競爭大及屯門呢年真係好多雙非童入學。如果你果間k仲係有半龍既，努力搵下唔駛停咁多站既校巴。