其實點解中學班家長唔想轉過去崇正,除咗覺得佢麻麻、對佢地有保留外,係真係覺得朗思教得好。撇除校長(我唔知佢整件事點樣,因為佢冇發表過聲明),其他老師、副校長都好好。我親人係朗思家長,佢話學校d老師好有愛心,對小朋友好好,小朋友好鍾意佢地,而且讀書讀得好開心,雖然校舍麻麻,但師資、教學真係好,所以佢地先唔想轉校,因為唔捨得。佢同我講即使發生咗咁大件事,但都暫時中小學冇咩家長想轉校。講真,而家最無辜係班老師、家長同學生,所以都無謂踏多幾腳,輿論壓力只會害到佢地而唔係校長,而家政府應該尋求解決辦法先,settle down d小朋友後,再追究責任都未遲