國際校朗思涉違規營運中學高小 今明停課 250學生或須遷校

jtw_ki

applebot 發表於 18-11-13 09:09
唉, 啲家長小朋友就慘,學校啲高層為咗錢,
攪到學生同老師都打亂陣腳, 我估好多人都會轉讀其他IB校
希望事件 ...

佢小學冇問題，係中學有事，中學個班睇嚟要轉校，小學個班可繼續讀，到時再考第二間中學，即還完基本步，變返幾年前未有中學時期。除非呢幾年佢搵到新校舍再注冊中學，否則小學個班變返以前咁，中學要考另一間，冇得直升

jtw_ki

其實唔係好明點解之前搞轉名搞兩年都唔批

jtw_ki

Happi_Kiddie 發表於 18-11-14 10:18
事件揭發後Think 校長一直潛水，唔出黎解話，已經做成公關災難。

可能驚愈講愈錯，始終而家矛頭直指佢，容易講多錯多，可能佢想準備充足先發表意見

jtw_ki

何B仔Adrian 發表於 18-11-14 09:38
Think在林肯道開幼稚園時沒有learn a lesson,
今次仲離譜, 為求多收開幾斑, 多收學生, 多收學費&按金,
不擇 ...

但我見到think有申請轉名，但申請咗2年幾教局都唔批，當然think校長又係衰心急，未注冊到就辦學，但點解剩係轉個名教局都拖咗耐如果一早批咗係咪就唔會有呢件事發生？d家長就唔駛咁彷徨

另外崇正校長話唔清楚呢件事，信佢都傻兩年幾有小學生出出入入都唔知？think中學收益都俾咗好多崇正，而家崇正想撇清關係？建議當局都應該懲治埋崇正

jtw_ki

hkpapa852 發表於 18-11-14 11:10
轉名要由崇正申請先得，因為崇正先係原本牌照持有人。

EDB審批其實只需2星期

即係崇正搞鬼如果係咁，分分鐘think諗住好快搞掂轉名、牌照，所以辦學先，點知崇正拖下拖下，拖咗兩年幾都未交齊文件，最後仲取消轉名兼投訴埋think, 感覺係一隻心急嘅水魚撞到一隻老狐狸

當然，think校長又係衰心急，未等齊文件就辦學，不過聽think d家長講，係佢地要求think盡早開辦中學，等佢地d學生可以直升，可能因為咁先咁心急開辦

jtw_ki

何B仔Adrian 發表於 18-11-14 12:47
我覺得改名係一件事, 用祟正校舍教高小係另一件事.
如祟正一方所講是真的話, 祟正根本沒打算讓校舍作為朗思 ...

你小朋友讀緊朗思？小學部好似聽日復課，中學部就未知

Btw, 我唔信崇正讀嘅說話，如果佢真係冇打算俾朗思小學生用，咁係咪應該兩年幾前同朗思提出？俾佢地用咗兩年幾而家先唔同意？個校長仲話唔知情，唔知有小學生用緊，講真，點會唔知情，中學同小學嘅校服都唔同，日日同一班小學生留校全日，身為校舍持有人點會唔知？我對崇正嘅說法有所保留

jtw_ki

adios 發表於 18-11-15 15:08
嘩!呢間野不斷·違規喎

九龍塘好多學校都有潛建不過個個都唔理，拖得就拖

jtw_ki

其實點解中學班家長唔想轉過去崇正，除咗覺得佢麻麻、對佢地有保留外，係真係覺得朗思教得好。撇除校長（我唔知佢整件事點樣，因為佢冇發表過聲明），其他老師、副校長都好好。我親人係朗思家長，佢話學校d老師好有愛心，對小朋友好好，小朋友好鍾意佢地，而且讀書讀得好開心，雖然校舍麻麻，但師資、教學真係好，所以佢地先唔想轉校，因為唔捨得。佢同我講即使發生咗咁大件事，但都暫時中小學冇咩家長想轉校。講真，而家最無辜係班老師、家長同學生，所以都無謂踏多幾腳，輿論壓力只會害到佢地而唔係校長，而家政府應該尋求解決辦法先，settle down d小朋友後，再追究責任都未遲

jtw_ki

Michelle6128 發表於 18-11-16 11:47
我報左朗思國際，唔知仲有無得interview?如果無，交左既報名費唔知會否退回？
...

報Year幾？year 1應該有得interview,如果唔係下年咪冇人讀其他year我就唔清楚

jtw_ki

shadeslayer 發表於 18-11-16 23:01
八位教師便行到lB MYP同1BDP？ 好利害。

本身好似12位，有4位唔簽約，如果d學生真係肯過哂去崇正，應該之後會再請