約克

藤媽

慘囉，你亞嫂咁講法，我咪垃圾堆之中既其中一件？呵呵

我係真正既用家 (我係york畢業的)， 呃錢就一定架啦，但無可否認佢幫小朋友打個英文底真係唔錯，so far 我自己都仲可以。

我都有幫我個小朋友報左york吖，不過好遲先報依家仲未收到notice。樓主唔好咁介意，你報得既就要相信自己眼光啦 :)

藤媽

LPN，唔好意思啊，借樓主個位問下你...

你係收到信定係電話通知架？

(嘻嘻，因為我都報左等左一個星期仲未有通知喔~)

Thanks!

[ 本帖最後由 藤媽 於 11-11-21 16:13 編輯 ]

藤媽

噢！唔該晒！因為我番緊工... 我都係12號IN架！等我拿拿臨衝番屋企收信先！

THANKS!!! 祝我好運啦 嘻嘻

藤媽

我都收到am offer啦

interview果日見到成個環境同流程，都感覺到學校既誠意 (就算佢真係commercial刻意做俾家長睇都好，都見到佢安排上好有心思，我好appreciate喎！)

果次interview之後，藤仔成日都話要番新學校，我問佢鐘意邊間，佢話要番餅餅老師果間(SC)同老鼠老師果間(YORK)喎！

藤媽

交錢deadline係29號，SC offer 要等到12月8號先出信 (如SC website所提及)，
KV 就十一月尾。

相信我都會交左先，SC係我1st choice，如果SC無緣就YORK了！

藤媽

呵呵~ 多謝你吖LPN！

係吖，我都係報主流，我個人都係主張先學好英文，同埋我藤仔...

話說我並唔主張小朋友太快學多種語言，一步一步黎啦，依家藤仔講廣東話都表達得好好(因為屋企人主要講廣東話，同埋我自己覺得學語言既目的最終都係提升個人表達能力姐)，到最近我開始想同藤仔講下英文故事啦，佢居然同我講... (媽me~ 你講咩吖?)

我真係怕佢讀K1之後突然間太多陌生語言會嚇親佢 (藤仔係屬於膽小型...)，所以全部學校我都係報英粵班。

目前心水YORK，SC，民生。其實我好好彩吖，in SC時個老師係眾多黑面老師之中最和藹可親既一位... 不過餅餅老師果間競爭實在太大啦，我會先去YORK交留位費，如無surprise都係YORK架啦~!

藤媽

萬樂豬，我係報主流班架！

我唔擔心主流班既英文唔會唔夠好啵，我對佢地既教學內容都幾有信心，問題係小朋友吸收到幾多！

重點係你可以一路睇住你小朋友既進度，如果你覺得佢追得上又可以吸收更多既野，咪到時先考慮俾佢參加下其他課程囉~

你唔駛咁緊張啦，今時今日我地多左咁多資源，唔駛擔心知識唔足夠，重點係要按步就班！切合小朋友就OK啦！書係佢讀架嘛 (係咪我太樂觀呢... 哈哈) Cheer up!

藤媽

原帖由 haydeng 於 2011-11-22 01:02 發表
其實封offer letter只係提到am/pm. 無話international or 主流！？係咪睇信紙上的heading? 我果封係York international kindergarten.

Yes，我主流班，letter heading 都係 York English Kindergarten 而唔係 International Kindergarten。支票抬頭都係叫我寫 York English Primary School & Kindergarten 的！

藤媽

萬樂豬，如果你真係咁希望囝囝讀國際班，有冇考慮寫封信俾學校？

我見你好似好心有不甘，與其有條刺，不如盡全力去爭取左先。就算真係唔得，你都可以同自己&囝囝講媽咪盡左力。然之後就可以全心全意係主流班度學習。

見到kiukiu1010媽咪講，主流班同國際班分別在於有/冇外藉老師做班主任，同埋英語以外既主要語言係粵語&普通話，或者換個角度諗，可能囝囝番主流班有種熟識既語言佢會更安心學習呢。到佢catch up 到，相信坊間會有一堆又一堆既PTH課堂俾你慢慢揀。

如果你keep住失望既情緒，囝囝會以為你唔鐘意佢讀呢間學校，可能對佢都有影響架！快d開心番先啦！