學之園英文程度

kissobaby

點解只可以學cat,dog,elephant而ostrich 就過左火？我個女2歲睇醫生指住聽筒問我what is it?我唔識答，跟著番屋企check完答番佢。但你又可以選擇同個女講「冇用，唔洗學」。點解可以學red,orange,yellow,pink而學fluorescent 就太深？其實中國人英文既問題唔係淨係口音問題，詞彙少都要注意。我認為學得冇壓力，學多d又有咩問題？！

kissobaby

有朋友教英文，話千祈唔好用中文翻譯。中文文法同英文好唔同。用中文翻譯會令小朋友中英混亂。英文文法用字變得好中文。

kissobaby

原帖由 babieblue 於 14-09-07 發表
想問學之園4間分校課程設計、教材、NET師資有冇明顯分別？比較少聽人講TKO 分校，此校comment 如何？



  ...

課程設計，教材係一樣。師資應該差唔多

kissobaby

英文程度，以雙語幼稚園嚟講算中上。要英文有外國囗音，倒不如去外國讀或讀國際學校唔係更有保證嗎？

揀得學之園，都係想中英兼顧。每日3小時上課，大慨一半以NET教學，學既詞語廣闊，phonics用letterland。letterland以唱歌教發音，易記有趣味。

但係學生多數來自香港人家庭，一落堂通常少講英文，或經過父母、爺爺嫲嫲、公公婆婆或工人姐姐既怪口音「洗禮」真係所餘無幾。學好英文真係要多方面配合，如果諗住學校識變魔術，無論讀邊間學校，你都會好失望。

kissobaby

原帖由 bubuG 於 14-10-16 發表
㷛開EK，見好多家長揀LH 係因為佢英普語境好，原來只要夠膽講英文就已經收貨，發音唔重要。



  ...

我諗只有用家先比較清楚，係夠膽講定發音準唔準

kissobaby

kkqueendom 發表於 14-10-16 10:05
我不是學之園家長,但容許我多事講句,pronunciation正唔正呢樣野,唔好推晒去學校身上,作為家長,自己都有責任 ...

agreed

kissobaby

其實都係個句啦，唔好當間幼稚園係神。比你入到國際學校有close to native 既英文程度，你又會話佢中文淺。但係如果你一路諗住讀國際學校，將來工作又唔會同中國有咩關係，咁中文淺又有咩所謂呢。


我自己做HR，我見到個大趨勢，中文識睇識寫識講好緊要。加上自己係中國人，自己既語言優勢都把握唔到，我會覺得好浪費。思前想後揀左雙語學校，知道英文不能同國際學校比，但勝在兩面都ok。


至於咩chinglish，唔好推哂個責任比學校，做父母自己要努力同配合，放學後chinglish 既語境點都強過學校net既語境。做父母既諗住比幾千蚊就可以安坐家中？你估德成僱傭咩？