TSL & HKUGA

haihaimom

回覆 chenille_c 的帖子

Assuming that港同有5000人考
TSL 有6000人考
兩間同時中既probability係
=150/6000*120/5000
=0.0006
10000人先有6個，你都中，升中都唔需點擔心，所以鐘意邊間揀邊間都唔錯得去邊。

講漏咗: 你小朋友應該很優秀

haihaimom

回覆 keep-calm 的帖子

我半講笑，個probability係講緊靠運氣噤去計，事實同時有以上offer既小朋友，唔係靠運氣㗎嘛，我相信係相當優秀的。

haihaimom

回覆 小鳯 的帖子

有錯請指正，單元課有戲劇(即係飯後上嗰啲)亦有籃球、舞蹈、非洲鼓、社區服務、乒乓球、兒童文學、游泳、fencing, rugby等等等等........所有同學係必須上既，六年小學生活應該都玩過試過各種不同的活動，發掘學生學習以外的興趣與天份，學校亦有戲劇校隊和其他校隊俾有興趣/天份既同學參加(依啲比賽級就會操練多啲)。另外小四、五學生都會透過drama去學英文的(活動教學嘛!)，所以成績表英文科都會出現drama的grade。

haihaimom

回覆 小鳯 的帖子

佢哋主要學習喺上午，即中英數常、音樂、視藝、體育，下午嗰的叫單元課，一般係冇乜功課，冇壓力嘅。一年有三個學期，六年可以試好多唔同活動。

haihaimom

ch-cheung 發表於 19-2-23 10:10
其中一個主題，例如四年班港同 學緊不同種類嘅詩，可能有啲似EngLit, TSL 教緊外國旅遊景點嘅主題，我較喜 ...

TSL係英小，港同係中小，TSL英文課程深啲亦好合理。

haihaimom

回覆 Ocean419 的帖子

其實大把直中無龍小,點解你朋友要揀港同呢?港同今曰既成績都唔係全靠外校生掛。

haihaimom

回覆 Ocean419 的帖子


小學校長講過,佢哋係12年一貫嘅課程,升中就好似升班一樣,冇特別要求。中學校長喺訪問亦講過,升中一個都不能少。港同就係咁樣。記得十多年前有個舊同事同我呻,佢個同學已經做咗隔離部門嘅主管,佢自己仲喺度浮沉。十幾年後佢已經喺另一間大公司做緊vice president,而家坐正都未定。7/8年前喺小一選校版,好多家長都冇諗過港同,港同vsTSL,真係十個家長十個都揀TSL。港同嘅進步係所有持份者上下一心努力嘅成果(亦包括噤多年學生和家長)。所以DSE都未考,唔好看輕而家下游既學生。當年嘅學生，好多都係被視為「下游」嘅學生。

haihaimom

回覆 buzz1234 的帖子

補習唔係港同獨有,喺香港嘅中產家庭好普遍,特別係父母都要上班嘅家庭。我就見到身邊朋友(乜學校都有)叻有叻嘅補,唔叻又唔叻嘅補。覺得學校語境唔夠,就搵net補oral。中英文都9x分,數8x分,就補數。港同英文的確少grammar 練習,但唔係冇,全年有兩本練習交替做。港同英文功課的確比較少,因為想你多啲時間睇書。練習做多了英文高分等於英文好係假象,大家去初中教育睇一睇就明白。啲家長就係講緊孩子小學時英文高分(冇睇書習慣),轉英中後,課本變英文書,查字典查到叫救命,有啲查咗字典都睇唔明,相反有睇書習慣嘅學生就輕易適應。我仔剛升中一,佢平時睇開嘅閒書深過課本好多,所以完全冇適應問題。

haihaimom

Diversifyedu 發表於 19-2-28 10:28
回覆 buzz1234 的帖子

其實何謂happy school? 唔付出就學得識? 以我所了解HKUGA係活動教學, 只不過課程上 ...

本帖最後由 haihaimom 於 19-2-28 11:11 編輯

同意，愉快學習重點在學習，只是通過較愉快嘅方法去達至學習成效，例如透過閲讀學英文應該比透過做練習學英文會有趣啲，但我都有聽過有啲人真係好討厭睇書。我又以我仔做例子，小六冇畢業試，改交 graduation project,學生自己揀用中文或英文做，我仔用英文做，上網搵資料，睇YouTube,去圖書館借書搵資料（成人圖書館）借咗兩本英文書（成寸厚）睇晒做project（我大學時先係噤做）,我絕對覺得佢學到嘅知識同技巧比畢業考試多。試問嗰啲書都睇得明，中一嘅textbook又點會覺得困難。我仔英文喺班上只算中上。大把人好過佢。

haihaimom

haihaimom 發表於 19-2-28 10:50
本帖最後由 haihaimom 於 19-2-28 11:23 編輯

本帖最後由 haihaimom 於 19-2-28 11:11 編輯

所以我覺得對小學生黎講，學習過程比結果重要，究竟家長想孩子透過什麼方法去學習，死記硬背？定消化運用？個學習方法係咪可以令孩子終生受用？學習如何去學習係非常重要，有時唔應該太看重分數，小學生啲分數有時未必好反映成效同真正能力，當然如果要升中考學校又冇辦法唔重視分數。