特殊和主流幼兒園同時讀

methy

原帖由 Tulip88 於 16-04-14 發表
想調查下有沒有人同我有同一想法，特殊和主流幼兒園同時讀？

有，好多人都咁諗過，但政策上唔能夠容許，因為S位受政府資助，小朋友有需要先入讀，如果一半時間返S位，一半時間返普通幼稚園，即係小朋友唔係嚴重到需要S位服務。學校受社署規管，要解釋點解有人咁樣「濫用」資源。

但身邊有例子係，家長想小朋友轉出主流幼稚園，S位就比小朋友上午返主流，下午返S位.但只能試3個月，得就退出S位，讀主流幼稚園，就無左S位服務。

methy

原帖由 Tulip88 於 16-04-14 發表
謝謝 Methy，好詳細解釋。如果可以好想四日返特殊，一日返主流。這樣的話，社交同其他訓練都可以兼顧到，幾 ...

我果時星期一至五返S位（體障組），星期六返以前N班間幼稚園暫託當社交訓練，隔個星期上NGO舉辦既社交班，係特殊幼兒導師負責，效果幾好。
另外每逢S位長假，我就安排阿仔返之前N班間幼稚園全日託，返足一星期全日主流幼稚園，又見返N班時既同學仔，所以阿仔一直都有好好既社交環境刺激。

之後妹妹出世，又有親戚小朋友，就停社交班，同親戚小朋友玩既社交最自然最有效學到點同正常小朋友相處，今年S位最後一年入左主流組，同組都有不錯語言能力，互動多，語言大進步。

methy

原帖由 SHEEPYEUNG 於 16-04-16 發表
特殊幼兒中心返全日，咁佢哋日常嘅課程係點？想了解下，我b屬體障。謝謝！



  ...

我們體障組都有兩組，我仔算係能力高果組。
S位返全曰，8:30-4:30pm,先以k1k2果時做例子，早餐、去廁所（唔識行就課室旁屏風遮一遮坐尿兜），認知堂，（語文/數學/英文等），當教中文，e.g.學「人」字，7人一班，老師會按能力&治療師指示給予堂上練習，我仔手肌弱，手完全無力，搾筆即跌，就用OT提供既泥膠砌個「人」字，認字型、記筆順，隔離個同學手肌好d,就油顏色，油個放大了「人」字,每個同學以最適合其方式去認字。

午餐就大家著圍裙，手肌無問題自己食，手變型但有能力就用特製匙自己食，需要時老師餵下，我仔當時是班上唯一不用協助下都行到平路，就負責將自己幾食完既碗匙放去收集盆，並協助同組同學收拾（他非常喜歡這工作）

準備午睡，老師協助下刷牙洗面或自己做，更換鬆身衣物（學穿除衫鞋襪技巧），午睡一個鐘多d，起身，更換衣服，著鞋襪，ABC同學分別去上個別治療堂（PT/OT/ST),我仔每日午睡後會搵一搵PT拉筋，餘下既同學，特殊老師同佢地溫習該週主題既語文，做下圖工等，ABC同學上完個別治療堂，繼續上堂：小肌練習，特殊老師按各人能力，派發不同練習教材，A穿殊，B撕貼紙粒貼書，C仿畫直線，做完同能力相約同學交換練習教材。
準備放學，等放學時，A&B同學企下企架，PT會係旁邊聽下老師講下體障組小朋友當日上堂情況，順便搵D同學用步行架行下，最後家長到，老師同家長講返當日小朋友上堂情況，就一個個放學。如果小朋友不適，或是整親或弄損，學校護士會跟進並通知家長。

k3入了主流組，我仔係唯一一個體障，但已有自理能力，課程就跟主流課程，排隊去廁所，上堂互動同主流無大分別，大家都係學消防員，A手肌能力高就自己寫，B能力弱d就寫以copybook方法提示去寫,總之，一班7個，都會根據個別差異而有不同既協助，功課都不一樣。k3最後一年，安排了13堂騎馬班，20堂水療堂，都係安排上堂時間外出上，教長陪同。

另外學校安排很多戶外活動，家長訓練小組，家長有興趣就簽通告參加。課外活動就有非洲鼓，戲劇、體藝，上堂時間內上，家長唔使陪。個別治療堂家長最好出席，跟治療法學下技巧，回家可配合訓練。

methy

原帖由 Tulip88 於 16-04-15 發表
meth, 你的提議非常好及實用，我仔現時讀的幼兒園沒暫托，佢沒兄弟組妹，好有需要找間有暫托的幼兒園。但有 ...

唔知你邊區，可打去區內各幼兒園問星期六有無暫託服務，不過最好清楚知道埋星期六有否活動，因為正常星期六不會有課程，但如果多人暫託（我仔果間算多），老師除了安排小朋友各自玩玩具外，都會排安排他們排洗，集體玩，午飯，遇到星期六有親子活動，暫託的小朋友都會一齊參與，的確係好好既社交刺激。

另外多去遊樂場都係好有益身心，又唔使錢，我仔需著腳托，跑唔郁，亦易跌，公園遊樂場設施免強玩到，我都盡量唔幫佢，等佢發揮，遇到其他小朋友「蝦」佢，開頭擔心他被推跌（的確危險），會好快出手介入，慢慢佢體能好左，我在旁觀察，驚訝他夠膽出聲叫人唔好推佢，或本能地推返人地事後會教導他下次再遇到相同情況要點處理。所以星期日去不同區既遊樂場玩係指定家庭活動之一。

如有宗教信仰（我們沒有），返教會有一大班小朋友玩又係好開心，如果朋友間有年紀相約的小朋友，星期六日多組織活動，出席生日會呀之類，增加不同情境既體驗。

methy

原帖由 Tulip88 於 16-04-17 發表
meth, 我之前在我那區問過一些暫托服務，的位好緊張。請問需要講原因嗎，會不會講自己小朋友的情況比學校知 ...

要，點都要比個原因（家人返工無人睇，有人病無人湊小朋友等等）
我仔係肢體問題，一睇就已經睇清楚問題，其他咩自閉呀，過度活躍呀，唔講既話，以老師一日見咁多仔既情況，好快現形的，我從來不理會咩標唔標籤，講清楚小朋友情況、人地覺得照顧到，又有心照顧，我就去果間學校讀&暫託。

methy

原帖由 SHEEPYEUNG 於 16-04-16 發表
好多謝妳咁仔細嘅資料，睇落佢哋嘅學習環境都幾好，雖然我b還有一段時間先返學，真係擔心唔知點㗎。
返學放 ...

我無坐校車經驗，自己接送，仔同學有，入學就會問你要唔要校車服務，如果你在校車路線既第一個站，就要預遊車河。 （其實咩學校都係咁）

我仔足2歲就打電話去區內所排S位申請暫託服務（已於1歲申請左排E+S位），一星期返2-3日，每次2小時既服務，痴下堂上，一路等主流N班，2歲9個月入讀主流N班上左10個月就派到S位,話咁快已經讀到最後一年了。

methy

原帖由 CHOLE_MUM 於 16-04-17 發表
Methy，請問你對幾間肢體殘障學校有無意見啊？

我參觀（有d上埋體驗日）左6間肢體傷殘學校（小一至中六），想了解邊間？定問邊間好？

methy

原帖由 CHOLE_MUM 於 16-04-17 發表
其實仲有2年先到我, 所以間間都想知.....如果岩的，搬都無問題.....

你最後揀成點?

咁你要參觀定了，k2開始慢慢睇，連埋主流，輕度都睇埋，都好花時間，但一讀就讀12年，梗係要選間自己認為適合的。

CAC評估左可選主流或肢體傷殘，考慮到阿仔長遠仍然需要PT+OT服務，讀主流，就要返醫院睇PT&OT，唔夠力度&要周圍去，而且主流課程太快太深，我仔會吃力，最後選擇了肢體傷殘，反正佢有主流課程，我選了港島區果間，快要搬家了。

methy

原帖由 siugigi 於 16-04-18 發表
回覆 methy 的帖子

你介唔介意講你個小朋友讀邊間？我個女都讀緊特殊幼稚園，讀埋出年就升小學。似乎你個 ...

屯門堂特殊幼兒中心，你小朋友呢？

間學校我比足100分，由足2歲生日第二日暫託開始、（中間9個月返N班+E位）到正式入學，現在最後一年，差不多度過了4年、9月上小學了，我好唔捨得呀。

methy

原帖由 CHOLE_MUM 於 16-04-18 發表
Methy，點解心儀呢間既？

我最心儀唔係佢，佢排第二或三，另外要就埋妹妹升讀小學，港島係我老家，搬回去讀小學有分。至於第一係沙田果間，參觀日見哂各治療師，好喜歡那裡大家庭既感覺，仔亦喜歡，課程適合等等，可惜細女升小無分。

肢體傷殘學校以居住地址安排入學，平均黎講，各間都差不多，我心儀既你未必心儀，簡單講，我住屯門區，屯門培愛新校舍，靚一靚，治療師有愛心，課程安排滿足唔到我所期望，又無NET，而且我女在屯門區升小無分，搬去一個區域能夠就哂兩個讀書，就係我選港島果間既原因。

methy

原帖由 CHOLE_MUM 於 16-04-18 發表
Methy，點解心儀呢間既？

原來我曾經開個post分享大埔間體障學校，有興趣睇下。

http://www.edu-kingdom.com/forum.php?mod=viewthread&tid=2966850

methy

原帖由 CHOLE_MUM 於 16-04-19 發表
謝謝methy的分享。。。
我睇黎都要展開參觀之旅，我本身住港島，老師都係建議港島或觀塘個間。你個時係跟學 ...

自己區就S位安排，其他區就自己打去學校問有無體驗日，約參觀。

methy

原帖由 SHEEPYEUNG 於 16-04-19 發表
thanks!
知唔知S位連住宿的幼兒中心好嗎？
現在排緊 S位，社工問需唔需要轉排連住宿的，我唔知情況係點？個 ...

連住宿既S位我無經驗亦無識人，人人需要不同，只知道有家庭照顧不到肢體傷殘小朋友，可能係父或母係長期病患之類，或小朋友傷殘程度太嚴重，照顧不了才入宿，都係果句，自己打去S位要求參觀了解就最清楚間S位係咪你所期望。

methy

原帖由 siugigi 於 16-04-19 發表
回覆 methy 的帖子

我的女兒不是體障，是發展遲緩。不過小手不夠力，到現在還有一年就要升小一，都未學寫 ...

小手肌真係無得急，我仔用左兩年多時間（3歲半至5歲8個月）黎做寫字前訓練，有血有淚，泥膠，大力膠，沙，剪紙條剪飲管、筷子夾精木仔，印公仔，手指畫，k2手有小小力，開始扭到薄手巾仔，就搾水筆寫字（有水印提示），寫足一年，不過就認哂A-Z大小階。
第三年終於用深色鉛筆都夠力寫到，但協調都係差，易倦，但佢好想學，每日盡力完成20個中文字。

16-4-19 13:43 上傳

下載附件 (82.75 KB)

methy

原帖由 siugigi 於 16-04-20 發表
回覆 methy 的帖子

很感動喔！勤有功！

你呢句「感動」，正正就係有日阿仔興奮地從書包拎完成了一半「早」字既功課比我睇時既心情。
k2寫直線橫線開始，唔出界，鉛筆出到色就開始臨摹寫A-Z,再仿畫式寫A-Z,難度係慢慢加，k3開波就寫「十、土」不需轉彎既字，都震震下，寫一兩個自己休息，再繼續寫，k3下學期，寫「手、早，小」，出左界自己用擦膠擦，反而係我叫佢唔好擦，因為寫一個字要成幾分鐘，但佢對自己有要求。從阿仔完成一版字既喜悅，我知道佢好用心，所以我更唔想上主流學校磨滅佢果小小鬥心，主流唔等人，有調適都無用。

methy

原帖由 suk_yan 於 16-06-07 發表
社交班～ 點揾？邊度有攪？我囝囝仲未排到做評估，打算自己搵定堂幇住佢先 ....
麻煩大家卑d資料我，謝謝  ...

上協康會網頁搵下，佢區區都有中心，易報d,又有質素保證。