有小朋友入讀 的媽咪入來傾下好嗎?

Christy_Pau

大家好:
我的小朋友是在青衣分校就讀, 有沒有其他媽咪的小朋友都係讀緊康傑的?  如有, 不如入來傾下計好嗎?

Christy_Pau

wawa :
好快有回應喎.  乜您可以在公司上網咩?  
馬鞍山的校舍大唔大?  不如講下您點解選擇康傑好嗎?

Christy_Pau

wawa:
公司冇乜野做, 咪成日瀏覽 BK, 所以就可以好快有回應.

嘩! 原來 MOS 有天台可以比小朋友玩沙同學種花, 又幾好喎.  我地青衣都有天台, 不過學校沒有比小朋友上天台玩沙同學種花.  係有一次有個主題叫做: 天台探秘, 學校才比小朋友上天台搜集資料.

係呀, 返到學校係要換鞋架.

查實我都唔知一星期上幾多堂英文堂, 但睇手冊, 好似每隔一天就有英文堂.  每個星期三就由西人(MS. KAREN) 教英文.  每個星期四就由湯老師教普通話.  

不過, 小兒自K1起, 每個星期二留在學校學PHONICS (由MS. IVY) 教, 唔知您識唔識佢呢.  而每個星期四則留在學校跟湯老師學普通話.

係呢, 你有冇參加<閱讀比賽>?  

Christy_Pau

Sumyinmama:
你好! 好開心認識你.
係呢, 你小朋友的名字是什麼?  你每天有冇睇佢地做早會?  我每天看完早會才離開架.

Ivan媽咪:
你好! 好開心認識你.
我已報左林慕德個家長拼音班了.  二月尾至上第一堂. 你報唔報呀.

Wawa:
係呀, MS. KAREN 係幾邊走架.

仔仔的英文OK 啦.  雖然MS. KAREN每星期只來學校一天, 仔仔都學到一些簡單的英文會話.  起碼唔會怕聽英文.
上左PHONIC共20堂了, MS. IVY 教得唔錯, 仔仔學會每個英文字母的發音, 佢有時仲教番我轉頭.  發音都好準.  睇呀仔教番我轉頭時的嘴型和嚴肅的態度就知道.  MS. IVY 雖然是中國人, 但上PHONIC時, 她全說英語. 連小朋友上堂中途去廁所, 都要佢地講英文才可去廁所.

仔仔是給奶奶湊的, 你小朋友由誰來湊?

係呢, 你地有冇得睇早會架.

係咪學校唔記得借書比你地?  直接問下老師好D.  我地學校現在都有書借比我地.  如果閱讀比賽勝出, 可以在畢業典禮拿獎呀.

Christy_Pau

WAWA:
1)學校以外o既圖書都可以計埋入閱讀報告內.  快D將閱讀過任何的圖書寫入閱讀報告內啦.
2)我將會在青衣康傑上林慕德的家長拼音班.
3)如果唔幫佢報phonics,只係一星期上一堂英文, 我諗會爭D.  上左phonics, 聽英文係聽得好d架.  我昨天收到學校通告, 將會有2歲班的phonics喎, 快d報名啦.  不過唔知係咪Ms. Ivy教呢.
4)逢星期三的早會是講英文, 星期四是講普通話, 其餘就講廣東話.

Ivan媽咪:
1)青衣分校係可以日日睇早操架.  各級的家長更可以在指定的日子裡近距離睇.  例如: k1的家長逢星期三就可以走入去學校裡面近距離睇佢地做早會.  好正架.  
2)嘩, 你地咁快有得睇校慶的錄影帶?  我地仲未有得睇.
3)我已報左名去 day camp. 到時記得打個招呼喎.

Christy_Pau

wawa:
1)個名係由相士改的.
2)我家回校只需5分鐘路程，很近呀!
3)你地幾時派成績表?  我地今個成期六派呀.
4)係呢, 你地可唔可以入課室觀課呀, 我地k1安排左在3月頭觀課.

Christy_Pau

sumyinmama:
N 班有得觀課架.  不過好似過左WO.  你試下問番龍校長或王主任啦.

wawa:
所有級別, 除了一年4次評估, 還有一年2次考試架.  佢地之前咪派通告話某個星期是溫習週o既, 其實溫習週即是考試週呀. 你今個星期六應是回去取成績表呀.  呀仔讀N班時, 真係要考試架.  你嘗試問下老師.
我都係這個星期六拿成績表.

Christy_Pau

wawa:
康傑教英文係有佢o既辦法!.  
唔洗急, N 班只是看圖認字.  你試下比幅圖佢再加上一個文字, 你小朋友應該認到.  當然個圖同個字係要在學校裡教過啦.  但到k1就唔同, 冇得看圖認字, 真係要靠死記.
你有冇睇康傑個網頁?  嘩, 你地馬鞍出校真係幾好, 有個私家天台比小朋友玩.
學校今天及明天是年宵市場, 我諗佢地買野買得好開心.  你校有冇攪年宵市場呀.

Christy_Pau

lingchuling:
好開心認識你.  得閒多d入來傾下啦. 你仔仔叫咩名呀.

wawa:
我地年年都攪年宵市場.  老師以<票代替錢>的形式教小朋友買東西.  又教佢地認識賀年食品等等.  我諗會幾好玩. 不過d老師為了攪年宵市場就成日O.T.  我見學校LEE輪成日夜晚10點至熄燈.  做老師真不易做!

幾時輪到你的小朋友做天氣報告員呀?

Christy_Pau

Ivan媽咪:
錄影帶未剪輯好都給你們睇, 你地真係有眼福啦.

wawa :
我地學校 N 班都要做天氣報告員架.  到時學校會早一天通知你架啦.  今年起, 我們 K3 的小朋友要用英文講天氣.  其餘級別就以廣東話報告天氣.

我年年都有參加親子講故事架.  好好玩架.  你入到課室同小朋友講故事, 你個小朋友會覺得好開心同好威架.  仲有, 你見到D小朋友聚精會神望住你講故事個樣, 你就更興奮.  我次次講完故事都送D食物比每位小朋友.  佢地不知幾開心.
你又會否參加親子講故事呀?

Christy_Pau

wawa:
求其拿本故事書都講得架.
當你說故事時, 我諗你仔仔唔會走過去你度.  因為有老師在場, 佢地會好乖架.

錄影帶一定有得買 (通告有講架).  不過唔知幾錢就真.

Christy_Pau

KK1706:
好開心認識你.

wawa:
唔好意思, 我之前講得唔清楚.  錄影帶件事查實係咁:
為免生意外, 通告上叫我地當日唔好錄影, 學校會找人錄影.  通告上並沒有講明可以買, 於是我地家長走去問校長, 佢話到時會錄番比我地.  但沒有講明要錢.  但我地家長明白到一定要比錢,  因為平時佢地幫小朋友影完d相, 如想要番d相, 就要每張$3.00.

KK1706:
我相信你囡囡當日一定有出場表演. 對嗎 ?

Christy_Pau

wawa:
我明天仲早過你, 8:45 呀.

我估 d 相應該晒左掛, 不過學校未整理好就真. 佢地好鬼死忙架, 都唔知過完年有冇得睇.  唔緊要啦, 等下啦.  
我地學校如果整理好 d 相, 會放在學校大門外比我地 d 家長揀來晒架.  你地係咪咁樣揀相來晒架.

係呢, 你地私底下有冇錄影校慶呀.

Christy_Pau

wawa :
錄影無開聲, 咁大件事件.

26/02 學校 open day, 我諗到時學校會擺校慶d相出來比人欣賞, 到時你咪可以要求晒相 law.  
我地都吹緊學校快d交出錄影帶給我們看.

乜你公司咁好, 07-08 FEB 唔洗返工. 正!

Christy_Pau

我都同大家拜個早年:

祝大家新年進步, 萬事如意.
小朋友快高長大, 聽聽話話.

Christy_Pau

sumyinmama:
嘩, 周老師都幾錫小朋友喎, 自己掏腰包買生日禮物比小朋友.  
你當日有冇睇校慶的影帶呀?

派了成績表, 你地小朋友d成績如何呀?

Christy_Pau

各位你們好:
我今天才開工, 所以今天才可上BK. (唔知點解屋企部電腦唔比我LOGIN, 只可看MESSAGE, 不可覆 MESSAGE).

wawa:
我都唔知佢地比分嚴唔嚴.  你仔仔其它科的成績又如何? 可否講來聽下?
我仔仔N班時的成績就.....嘩....嚇親我.....得美勞係 B+, 其餘係..... A.  
至於今年 K1的成績就差左....美勞,音樂,體育就 B+, 普通話A, 其餘就A+.  不過, 今年K1就有試卷比家長睇番考左D乜野, 合共大慨考左6-7張試卷.  N班就冇試卷睇.  

Christy_Pau

wawa :
你仔仔的成績都唔錯喎.  
英文好好先B+, 咁點樣才可以拿A?  
懶尿都叫常識???? 唔係掛??? 是否老師講的?
看來貴校比分真係比得十分嚴喎. 我校可能比分比得鬆D啦.  如果有青衣分校的K1家長入來講下D成績就可以知道我校比分是否很鬆.  可惜暫時未有青衣分校K1家長入來傾下.

嘩, 佢地個個100分, 乜咁犀利?  

係呢, 你有冇買錄影帶?

Christy_Pau

wawa:

我記得好似係DVD來的 (不過要再問清楚).  每隻係$80.

在 N 班拿成績表時, 我問老師點考小朋友.  老師話:
1) 常識考:  例如, 橙係咩色.
2) 數學則考數概:  例如:  董得什麼是大, 小; 長, 短等.
3) 中文考:  看圖認字: 例如: 比幅有車的圖畫, 隔離有個車字, 看看小朋友會否董得讀個車字出來.
4) 英文考認字:  A, B, C 等.

大概係咁.

Christy_Pau

wawa:


你個仔幾多歲呀? 點解仲未叫人同大小便?

我已訂左DVD啦.  你有冇訂?