统一派位？2

lauwingtai

如此填法並不等於「3間都有兩次抽獎機會」，因是順住抽的，有結果即停。

舉個例；如你甲一填劉德華，甲二填余文樂，甲三填蕭正楠；乙部一、二、三也一樣。程序會先抽甲一，若唔中劉華，就會抽甲二，若你抽中余文樂，恭喜你，甲三、乙一、乙二、乙三都不會再抽了，你會得到余文樂。因此，如你很喜歡劉華，你應在甲一填劉德華，甲二和甲三留空，乙一再填劉德華，乙二填余文樂，乙三填蕭正楠，咁你就可以maximize抽中劉華的機會了。

lauwingtai

柔情爸爸 發表於 14-1-1 21:35
My apology! 若劉華是我誇區之選，我可否「甲一」及「乙一」都填劉華?



  ...

甲部是任何區網，乙部只可填自己區。

lauwingtai

或者我再舉一例。全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：
第一，每個會有50%可供統一派位；
第二，當中5%是甲部(全世界可跨區抽)，和45%是乙部(只供同區抽)，所以乙部名額是甲部的9倍；
第三，抽獎順序是甲1>甲2>甲3>乙1>乙2>乙3>乙4......>乙30；
第四，抽獎跟以上順序，一抽中就停，假如你甲2抽中，甲3至乙30都唔會再抽
第五，甲部雖可填任何區，但如別區冇明星你鍾意，也可填本區。

而家解釋範例：

我鍾意Tom Cruise>劉德華>福山雅治>松本潤>梁朝偉>余文樂>蕭正楠，我會填：

甲1(Tom Cruise)甲2(劉德華)甲3(留空)
乙1(劉德華)乙2(余文樂)乙3(蕭正楠)﹒﹒﹒﹒乙29(麥長青)乙30(艾威)

問題1：我點解甲3留空？做乜唔填福山雅治？
答：因我愛劉德華>福山雅治，如我在甲3抽中福山雅治，咁我咪等於放棄乙1抽劉德華個45%Quota? 所以我情願甲3留空，都要抽劉華。

問題2：點解乙2唔填梁朝偉？而填余文樂？
答：因為梁朝偉與劉華是同level大熱，乙一必然45%全被抽光，乙二仲抽是呃自己，只會浪費機會，所以我填次一皮的余文樂

問題3：做乜要填滿乙部三十個？冇心水可否留空？
答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。

lauwingtai

益一益48區觀塘街坊, 再補充一些例子, 我們可通過調查將明星分Class:

A Class: 劉德華、梁朝偉、周星馳、古天樂、吳彥祖, 此Class必然會在乙一45%被全數抽去, 因有人試過乙一都未必抽中, 所以完全不用考慮塡乙二, 只會浪費機會

B Class: 陳豪、張智霖、黃子華、余文樂、黎耀祥, 此Class都有不少粉絲, 在乙一會被抽走一大部份, 乙二仍可填, 但只是博一博, 機會不算高

C Class: 蕭正楠、王浩信、羅仲謙、王祖藍、黃浩然, 此Class只有少少粉絲, 在乙二好大機會抽中, 甚至乙三都有機會, 除非閣下填表過份進取或極度黑仔


而在48區(觀塘、藍田、油塘、牛頭角東)的2013年分Class如下(分Class並非official, 只是以往年家長們在EK的匯報推測, 未必全準, 大家信七成好了):

A Class: 德兆、藍循、聖馬太、平兆、油基顯、油基法、觀官（秀明道)

B Class: 觀官、聖愛德華、牛基顯、聖安當、基法(月華街)

C Class: 堅樂、陳呂重德、樂華天主、秀明小學、基樂

其他區的家長可各自做功課, 爬一爬自己區的派位舊文, 很有用的, 祝好運!

lauwingtai

angel_soso 發表於 14-1-2 12:16
我想問第三點：抽獎順序是甲1>甲2>甲3>乙1>乙2>乙3>乙4......>乙30；是：1. 抽甲1> 全部人的甲1 抽完，> 全 ...

不。統一派位每位學童會有一個屬於自己的編號, 如2014年有三萬名學童, 編號就由00001至30000派出, 好明顯號碼愈小愈靚, 愈大愈黑仔, 此編號只有教局知, 學童和家長都唔知的。而抽的機率應從學校(明星)方向思考, 例如:
我的編號是00004, 而你是00089, 而某某是15628, 我們所選的名單都一樣, 結局會呢?

甲一: Tom Cruise, 全世界共有200人填了Tom Cruise甲一, 頭5%直入。我是00004, 當然直入; 你是00089, 不幸你的編號在200人之中只排第八, 你甲一落選; 而某某編號15628當然也落選, 所以你和某某進入甲二抽獎。

甲二: 劉德華, 全世界有100人填了劉華甲一, 頭5%已在甲一收晒, 冇位俾甲二, 所以你和某某冇野可抽, 進入甲三抽獎。

甲三: 你和某某都留空了甲三, 當然也冇野抽啦! 進入乙一抽獎

乙一: 劉德華, 此回合有45%, 本區有100人填了劉華乙一, 而你是00089, 在100人之中排第二十, 恭喜你, 你獲派劉德華, 而某某唔好彩在100人之中編號15628只排七十九, 乙一也落選了, 要進入乙二抽獎。

乙二: 余文樂, 余文樂的45%乙部名額, 已在乙一被抽走20%, 只剩25%放在乙二繼續抽, 在本區有30人填了余文樂乙二, 而由於很多人都在甲部和乙一已抽中上了岸, 某某的編號15628竟然排得好前, 在乙二余文樂排十五名, 恭喜某某, 他獲派余文樂了。

統一派位就是這樣運作, 雖然我、你和某某份表完全一樣咁塡, 但我編號超靚, 就中了Tom Cruise, 你編號幾靚, 也中了劉德華, 某某編號麻麻, 也有余文樂, 就是這樣。

lauwingtai

lsftsang 發表於 14-1-2 14:46
請問可供甲部選的有甚麼學校？甚麼情況甲二才不會被甲一抽晒？學校有冇甲和乙的收生QUOTA列出？Thx. ...

問:請問可供甲部選的有甚麼學校？
答:全港所有官津小學, 詳情在以下網頁
http://www.edb.gov.hk/tc/edu-system/primary-secondary/spa-systems/primary-1-admission/school-lists/index.html


問:甚麼情況甲二才不會被甲一抽晒？
答:A Class冇可能, B Class微可能, C Class或以下才有可能, 但你在甲部抽間C Class或以下黎做乜呢? 所以好多人只抽甲一, 甲二、三留空便算, 直接玩乙部。


問:學校有冇甲和乙的收生QUOTA列出？
答:所有官津小學都是5%甲部45%乙部, 但部份小學在「自行收生階段」收突了, 會在乙部扣番, 所以乙部約為3x%至45%至真。

lauwingtai

lsftsang 發表於 14-1-3 10:58
回覆 lauwingtai 的帖子

甲一通常填那些學校好？唔明點解甲二、三留空便算? Thx.

甲一是純運氣大抽獎, 每校5%, 全港幾萬人抽, 冇策略可言, 你鍾意填乜就填乜。
舉個例, 我心儀拔萃小學、喇沙小學、軒尼詩道官立


甲部得5%, 即拔萃小學3個位、喇沙小學9個位、軒尼詩道官立6個位, 每間都過二百人抽, 邊有可能甲二仲有位呢?
所以任何好的學校都唔會有位剩俾甲二。

咁邊類學校甲二、三仲有位呢? 不受歡迎學校囉! 全港幾萬人, 甲部得幾個位, 咁都收唔齊, 你話幾不受歡迎? 咁揀黎做乜呢?

因此, 甲二、三填「好學校」就得啖笑, 填「不受歡迎學校」又無謂, 當然, 如果你唔鍾意留空, 可以照填名校, 但要明白世上冇奇蹟, 但就不要填三、四流學校, 萬一咁搞笑入左就喊三聲了。

lauwingtai

kathykwok0412 發表於 14-1-7 13:26
你好呀!我想問下如果本區一間心儀都無,我可否在甲部1 2 3 填晒誇區呢?
在係乙部填返本區? ...

全對

lauwingtai

ccicq 發表於 14-1-9 17:20
Hi  lauwingtai:
想請問如果我無玩自行(因得15分覺得side氣), 到呢round我先入黎玩, 我的大抽獎編號會否愈 ...

完全唔關事, 唔會的, 教局冇咁茅的。

lauwingtai

ccicq 發表於 14-1-9 17:28
回覆 lauwingtai 的帖子

thanks! 但怎麼咁肯定知道他們無咁茅?! hehe...

隨機抽號碼, 參加者又冇得上訴, 我地又唔知自己號碼, 教局立場, 最好人人中第一志願添, 佢做乜要幫一些人, 又蝦一些人呢? 佢地又冇著數, 你估呢度大陸咩?

lauwingtai

fooky-hk 發表於 14-1-13 23:51
請教吓如果區內15間裏有:
頂頭大熱3間 - 相信第一志願之後就無機。
次熱門有4間 - 估計第一、二志願後無位 ...

頂頭大熱3間 - A1, A2, A3
次熱門有4間 - B1, B2, B3, B4
中庸之選5間 - C1, C2, C3, C4, C5
最唔想讀3間 - X1, X2, X3


博Mode：
1) A1 (要博就揀間最鍾意的，葵扇A和階磚A都是一Q樣難抽的)
2) B1 (揀間較多學位的B類)
3) C1 (放棄其他B類，用C類在乙三止蝕，頭三志願之後勝負難測)
4-7) C2-C5
8-10) B4-B2 (如你資料正確，理論上AB乙二後已無位，會直飛X類，但感覺上乙八中X會戇居過乙十五中X)
11-12) A3-A2
13-15) X1-X3


正常Mode：
1) A1
2) C1(飛走B類不博，因一般B類乙二只有5%-30%機會，不如穩取一間C1)
3) C2
4-6) C3-C5
7-10) B4-B1
11-12) A3-A2
13-15) X1-X3


安全Mode：
1) B1 (如無意外，事前調查準確，九成以上乙一，做定校服)
2) C1 (以防萬一)
3) C2
4-6) C3-C5
7-9) B4-B2
10-12) A3-A1
13-15) X1-X3

lauwingtai

pakkoey1119 發表於 14-1-13 21:13
我想問甲部係5%學位定10%？
另外，我會唔會突然派咗去另一校網的學校？



  ...

10%of統派學額=5%of總學額

lauwingtai

yk 發表於 14-1-15 23:42
回覆 lauwingtai 的帖子

如果本區有5間大熱, 佔統一全部學額30%, 係咪可以進取D , 點都揀其中一間放乙一?

我個人覺得，如有心儀學校，乙一幾時都應該博，你點知幸運兒唔係自己呢！？博左冇後悔，但最緊要乙二、三夠穩陣。

而且5間大熱佔30%學額是好靚的數字，乙二、三應該唔會太難填。

請問past record那5間都會在乙一抽滿嗎？網內總共有17間小學嗎？

lauwingtai

yk 發表於 14-1-16 00:17
16網, 頭5間一定係乙一抽滿.

新舊基灣？筲官？愛官？明德？

lauwingtai

yuenedmund 發表於 14-1-16 00:59
回覆 lauwingtai 的帖子

想請問：如40網內總共有21間小學，其中有5間大熱（劉華），9間中等（余文樂），7 ...

資料太少，很難建議，40網我亦唔熟。
但基本上我的排位意見，都跟前一版的A、B、C、X例子類似。

若你參考之前一頁的例子，你會發現決勝點在於A類、B類和C類的數量和比重，所以我建議你再查一查這21間小學，乙一會抽晒當A類，乙二會抽晒當B類，乙三至乙八先抽晒當C類，其他當X類。查到可再談論吧！

前一版的例子是15間小學，A類3間，B類4間，C類5間，X類3間。

我身處的區網是23間小學，A類7間，B類4間，C類7間，X類5間。

不同比例難度是不一樣的，查得仔細點比較好。

以教育局及教育顧問Ian Tsang的資料，香港舊年約50%派第一志願，18%派二及三志願，32%派其他。這是很合理的數字，幸運的一半人中了1st choice，不幸的一半人就要看識唔識填表了，填得靚中乙二、三，填得差就唔知派去邊。

為何ABC的分類重要呢？以我的區網為例，約1600人，23間小學有A類7間，約三成，分佈平均，名校很抵博，但乙一抽完之後呢？會有50%人落選進入乙二，800人抽唔中A類要揀乙二，自然會情傾B類，但本區B類太少只得四間，就會出現平均每間B類小學200-150人爭20-40，乙二競爭比乙一更大，因此，在我的區網，我建議用「正常mode」(見前一頁的例子)，即乙一抽唔中A類，就唔再博，乙二直接揀C類。

所以，快些查真你自己區的分類吧！尤其A、B類，一定要準，之後再討論。(A、B、C、X分類，請參考前一頁。)

lauwingtai

Skytree1000 發表於 14-1-16 16:13
甲1 乙1 選同一間  （劉 華是本區）
我應該將甲2，甲3  空咗？
定填別區梁朝偉呢？（ 同 grade )

是同grade就可以, 反正甲二、三同grade唔會中, 好多人填甲二、三為將來扣門博好感, 冇壞。

lauwingtai

Skytree1000 發表於 14-1-16 22:37
另外，你說乙部最好填晒 30 間，
但本區只有 around 20  間,
其中有7,8  間係 淋雪、流以達、8両金類

如只有20間，填齊20間就可以。

lauwingtai

Skytree1000 發表於 14-1-16 22:37
另外，你說乙部最好填晒 30 間，
但本區只有 around 20  間,
其中有7,8  間係 淋雪、流以達、8両金類

統派的機制就是「任何參加者交表後，都必需獲得一個學位」，因此，若果你後面冇填，電腦就會將全區網最後抽剩冇人要的學位給你。所以，若你的區網有1000個考生，有50個人好似你咁填唔齊，而你個區填齊表的950人抽完晒之後，剩番15個八両金，35個黃夏蕙，就會質俾你地50條填唔齊既友仔，一係八両金，一係黃夏蕙，總之就係賣剩蔗。所以，雖然你話有7至8間派到都唔讀，但舉手之勞咪填埋佢囉！一間飲茶俾d姨媽姑姐問起，你答佢抽到黃夏蕙小學，都咪話唔尷。

lauwingtai

emem7 發表於 14-1-17 02:37
請問lauwingtai
66網12間學校
一半都係八両金

12間學校，一半八兩金，好易填啫！即係得6間會揀啦？
因為半打八兩金一定依喜惡排乙7-12，跟著要做的動作就是查一查排頭的六間，A類是熱門校，以往乙一必抽完，B類次熱是以往乙二必抽完，C類是其他，然後參考本post第4頁的「博mode」、「正常mode」、「安全mode」方法。

如果ABC的比例是：
123，正常，安全
132，博，正常，安全
213，正常，安全
231，博，正常，安全
312，正常，安全
321，正常，安全
222，博，正常，安全

lauwingtai

wongbb0811 發表於 14-1-17 08:52
請問怎樣可以查到自己網多些資料？我睇番舊posts, 但都唔係好多人講A,B,C 學校第幾志願入到... 有些學校無 ...

冇人講就慘了，我都知好多細區冇乜人係討論區講，但ABC分類係必要資料，我自己48區就好多人講，如果真係搵唔到，你就可能要辛苦D，要「逐間學校名」search了，看看有乜一些「Yeah，乙二入到呂明材喎！」「你就好啦！我乙二都唔中」之類﹒﹒﹒