聖公會德田李兆強小學

cherry_2005

Hi,

見平田李兆強d家長傾得咁開心, 唔知有冇邊位媽咪既小朋友今年係德田李兆強讀小一呢?

cherry_2005

我老公係兆強舊生, 加10分. 所以係自行分配既.

cherry_2005

佢當年係下午校, 但我記得好似唔洗分開話讀上午校就要報平田, 下午校就報德田, 兩間都係當年讀兆強就OK啦, 不過你都係再問清楚學校好D. 我地心目中一直諗住揀德田, 係因為校舍新, 設備各樣都好好多, 學習環境都好D. 講真, 如果係我自己讀書, 我都會揀間新架啦, 係咪?

cherry_2005

你個女係邊間幼稚園先? 我個女嗰班大把都冇得加分, 統一派位時好多都入到德田喎(而家同班既有, 响隔離幾班都有), 而且你都知我地呢班係龍仔龍女, 爭得勁. 如果你個女係出年先讀, 15分都應該可以入德田喎.

cherry_2005

成績方面, 我就答唔到你, 因為我當初選校時成績唔係我主要考慮範圍, 所以冇比較過. 佢地既website都有今年升中既派位數據, 你可以參考吓.

cherry_2005

edelwise,

唔洗客氣  

cherry_2005

哈哈, 都幾攪笑, 我其實係想開個topic識吓1小朋友既媽咪, 一齊傾吓八吓, 唔洗手忙腳亂, 知D唔知D. 點知俾你地當咗我好有研究忝  

IJJK,

我盡我所知所能答你啦, 唔好介意呀. 我只係知李兆強係藍田數一數二既小學, 由開校以來已經出名成績好, 三十幾年前受歡迎, 到今時今日藍田區都好多家長揀佢(雖然我唔係藍田區).

揀呢間學校既主要原因, 除咗佢出名成績好之外, 最重要係如我之前所講, 我老公讀過有得加分, 我地呢班龍仔龍女, 太多人爭啦, 我地驚揀第二間, 到時一個唔好意思要參加大抽獎, 咁就大鑊, 所以唔敢搏.

學校方面好注重語文, 今年開始實行小二開始用普通話教中文(可選擇的, 亦可選用廣東話教的, 所以到時會再分班).

小三會有精英班, 五班裡面再選人加開一班F班.

15分應該唔難, 我小朋友嗰班第一輪時, 好似得我小朋友一個入到德田, 但佢而家返學, 自已班有三個以前同班同學, 亦有以前隔離班同上晝班都有, 有D就响其餘幾班出現, 咁我相信佢地都應該係10或15分.

cherry_2005

CandyCat,

係呀, 前面個地盤會起4幢新樓, 我嗰日家長日聽到人地話已經打晒樁.

讀金麗機會係大好多, 我個女都係金麗既. 至於機會方面, 我唔識答你啊, 因為我都係住TKO, 但係用66藍田地址報名, 所以同你情況有D唔同. 幼稚園通常會安排講座教你地點填FORM同要注意既事項, 你可以先DROP低到時問.
[quote]
CandyCat 寫道:
請問cherry_2005 , 德田李兆強附近係咪將會起新樓? 因我行過時看見附近的 舊樓已拆.
還有請問是否在Lam Tin 的幼稚園讀 (e.g. 金

cherry_2005

IJJK,

唔好客氣, 舊年呢個時間我咪又係同你地一樣, 所以我可以理解既  

IJJK 寫道:
Cherry: 真係唔該曬!!您已經比我知得多好多!

cherry_2005

kenwong 寫道:
普通話班各級有二班,
並且係由上年開始,
即係今年小三都有兩班,
  

kenwong,
哈哈, 原來收錯風o忝......
不過嗰日開家長會,
個校長都有講過其實佢想最終實行全部以普通話教中文.

係呢, 你個小朋友讀幾年級架
如果第日有d咩唔明可唔可以請教你?

cherry_2005

原來係咁,
不過你囝囝咁大個
起碼好多嘢會識去問
老師講完會記得

小一始終係細個
好多嘢講完轉頭都唔記得lu
唔知唔明又唔夠膽去問
所以我先擔心囉