馬鞍山Wellborn N班面試後幾耐先出結果?

Jasmin映

13/10果日面試..22/10收到藍色紙的信話收左上午主流班..點知打去問可唔可以轉翻國際班既時候..發現原來藍色紙係收國際班..只係佢地印錯字寫主流班=.=..唔知其他人係米都係咁既情況?

Jasmin映

剩係寄封取錄信都咁大意..行政真係如其他人所講有啲亂呢..而家諗緊交唔交留位費好..你地點睇呀??

Jasmin映

我都收到威寶同嘉德麗offer..都AM班..我都煩緊交邊間..其實我同老公比較鐘意威寶..校舍大又全英普國際班..嘉德麗雖名氣大啲..但校舍細..又花太多時間背三字經梯子規..唔係我地果杯茶..但威寶唔係太出名..學費也貴..離火車站又遠..返學比較麻煩..不過睇翻之前啲人既評價其實唔差..小朋友返學開心..國際班既師資又唔錯..只係話行政亂..同埋大班..3個老師對3X個學生..有時兼顧唔到...

Jasmin映

我1/9親身去拎簡介會飛,聽左簡介會,又去左開放日,本來間學校真係我既心水,其他學校包括威寶我都只係面試果日先去過校舍一次,但聽完簡介會,我老公好唔鐘意浪費啲時間要啲朋友背三字經弟子規..到開放日果日..有機會參觀幼兒班果邊既校舍..真係好細..只有四間課室..一個廁所..小量遊樂設施..但樓底好矮好似好迫咁..雖然話可能都會過返去幼稚園果邊上堂..但兩邊校舍都相距一段路..而且仲要橫過一條行車路..我心諗..小朋友日日咁樣來回又安唔安全呢?..雖然好多人話應該揀嘉德麗..但我個人真係鐘意威寶多啲..威寶課桯唔淺的..不過國際班相對無主流班咁深..但如果想要英文同普通話環境就一定國際好...

Jasmin映

jjess, 我囡都係大囡呀..^^"..都係夠大2月可以插班,但我都係希望8月先讀..始終覺得到時Repeat一年N..啲小朋友唔同晒..人地可以升班個囡無得升..驚個囡唔開心唔明白以為係自己問題..我同你諗法同Case真係好似呀..我目標都係呂明才..入唔到就可能直資私立..其實威寶N基本上都係直升K架啦..聽講好多人都係讀完N就考其他龍校K..考到就走..我都係咁打算..不過如果個囡真係讀得好好..又唔想走既..可能繼續讀上去都唔定..我都應該會交留位費..反而嘉德麗想唔交...我都會再等下其他offer..其實如果係同樣情況..諗住讀完N轉走..如果沙田英藝新校真的收我可能會放棄埋威寶..因為我住大圍英藝比較近..而且就車公廟站旁..返學放學比較方便..你有無報英藝呀?

Jasmin映

reneemama,哈..你咁諗都好岩呢..到時做大姐姐照顧其他小朋友..或者真係我諗多左呢^^'..有時我都真係諗負面野多過正面野..我都擔心英藝新校架..不過可能因為我同屋企人係做裝修啦..所以唔會話好擔心油漆味..聽大埔英藝校長講佢地3月會收到場開始裝修..約5月可完成..咁離開學都仲有3個月..應該咩味都無架啦..而且而家好多油漆係環保兼無味架..相信裝修幼稚園用油漆都會有規定要安全環保..我反而係擔心一開始行政一定亂..而家未知咩人做校長..邊啲老師調過去..有幾多新老師..搞得好唔好真係未知數..但九龍塘果邊分校都係近年新開的..但至今家長評價都幾唔錯..除左"貴"同"行政有啲亂"之外..普遍家長都覺得小朋友讀得開心,老師幾好,又學到野,程度深一年,到上小學可以輕鬆啲..所以我點都報左先,上星期In完..最遲下星期會有結果..只要收我一定交留位費作首選..但會再交其他一間做後備..等5月開放俾家長參觀校舍和公怖學費資料後..再決定讀唔讀...相信威寶暫時會係我既後備,除非之後有更好offer..如果到時真係讀..我未必會俾個囡搭校車..始終咁細個我會擔心..而且聽講大圍線校車成日遲到..我會盡量自己車個囡返學..放學就睇下有無時間車啦..無就可能叫姐姐接..等佢大小小先考慮搭校車..