快考試了‥........ 想哭了

judy

正所謂台上（考試）一個鐘，台下一年功，唔好臨尾hea。

對，是台下一年功。食粥食飯在乎長期之積纍，試前幾天就算拚晒老命，也斷不可由蛇變龍；温少陣，也不可能由龍變蛇。放鬆啲。

judy

我近來同我女溫書，都有d沮喪。我問我老公，點解我用咁多時間、咁用心同佢溫中文，佢都唔係話好好。我老公不假思索，話：「你教得唔好lor。」

我成日覺得能幫小朋友溫中文嘅係天才。阿仔的教材不外是課文和成語，呢两樣嘢係悶到作嘔的東西，咪搞我。我寧愿提醒自己記得上香，請求佛祖保祐阿仔成績猛進。

judy

題外話：有啲小朋友真係好叻好叻。昨天同阿仔檢查功課，其中一項係作文改正，今次同阿仔改嘅係另一位同學(交换改)。錯别字啦、用詞啦、助語詞啦、句子是否簡潔等等。我覺得唔差過佢老師(佢老師唔差)。

judy

温中文有樂趣ga，一齊睇書，講吓人生道理，古人修身齊家治國平天下，幾有志向。不過可能我咁做係自娱多d，唔够目標為本。

但有得温嗰10分(課本連成語)真係好悶，我就唔想理啦。

我除咗上香敬拜佛外，趁大台播<<射雕>>，趕緊塞套<<射雕英雄傳>>俾阿仔，阿仔睇到入神，希望對中文有幫助。

judy

小女上到中學即刻現形，唔係文人即唔係文人，體會唔到即係體會唔到，睇幾多書都無法改變，閱讀都係為樂趣好啲，如果純為改進語文好易失望。

你都識話啦，"唔係文人即唔係文人，體會唔到即係體會唔到"，咁嘅情形下，又有咩好失望呢？

judy

舉例，上個月我同阿女睇詩經 蒹葭呢首詩，我以為係愛情詩講個男嘅見到心儀嘅伊人，男嘅不斷行去伊人度，行來行去到係在水一方。但原來呢首詩，詩中伊人除咗可以理解係異性情人，亦係代指賢臣，明主，亦可以理解為任何敬仰對象或追求的理想。我同女睇到首詩嘅隱含理解，睇到O晒嘴！首詩我唔識睇及睇唔到"賢臣，明主"嘅意解囉！

忠告: 你最好放手啦!

judy

我想問下大家：作文題目“記一次 （自己命題   ）的經驗和感受”，你地覺得
1）是否需要跟學校有關？
2）若寫一次“大澳旅程”的經過和感受，是否不符合題目？

1) 為何要和學校有關.
2) 符合！

judy

但對於一個小學生, 要用旅遊既經驗點到題, 實在唔容易。

寫大澳旅遊，不是一次經驗麼？再講小小感受，對題至極，有幾難呢？

judy

作文話要記一個生日會, 係表哥表姐俾佢既驚起派對, 點知一個二個無睇清楚, 講咗佢自己有個驚喜派對, 請表哥表姐參加。我阿女仲厲害, 唔知對眼睇D乜, 寫表哥表姐從外國回來參加生日派對, 給她一個大驚喜。老師要全班重作。

咪寫咁哂！自己生日，表哥表姐從外國回來參加生日派對, 給她一個大驚喜。有咩唔對題？