英國中學9月有冇機會復課

yuyueng

PacoMum 發表於 20-5-13 19:24
我都擔心，佢哋準則同香港唔同，而家每日仲有幾千新增個案但都可以小學復課，9月佢哋一定會復課但問題係放 ...

我同你想法一樣，佢地跟本無做咩措施去有效控制疫情，現時仲系每日幾千確診，累計幾萬人死左，仲要好明顯呢個數字系計少左，我都有講隨時6月學校開番，夠唔夠膽去？最怕染病無得醫。唔明歐美人點解唔care染病同死亡。

yuyueng

scso 發表於 20-5-14 10:27
最擔心就是確診冇得去醫院冇得醫

呢樣你唔洗擔心，因為一定無得去醫院。

yuyueng

longlokma 發表於 20-5-16 20:48
佢自己飛咁點带咁多行李？ 我哋原先計劃同埋佢一齊去可以帶4、5喼行李， 始終第一次去，好多嘢要帶， 如果 ...

唔好帶甘多野，學校無甘多位比你放，另外，英國網上買野好方便，2個行李箱我覺得夠。

yuyueng

macdullbaby 發表於 20-5-17 21:57
請問係學生到咗宿舍才online 訂，還是人未到已經online 訂?宿舍有人開學前代收？請指教怎樣預時間。謝
...

舊年我仔9月5號開學，我預訂校服9月1號送到學校，網上買既野開學前2日送到，完全無問題，

大概7月其實已經定左邊個house，買既野送佢學校指明邊個house就得。

yuyueng

topbabe 發表於 20-5-26 11:17
英國BSA其實有哂指引
大家跟捉佢指引做其實唔會有好大問題

英國好廢，咩都唔做其實想點？學校又話跟從政府唔建議戴口罩，話戴口罩無用，如果9月頭同而家一樣每日幾千新確診，大家照去？最諷刺系香港/亞洲學生去英國又要隔離，反而歐美地區又唔洗。英國死既人同感染既人為歐洲之冠。

yuyueng

heilok 發表於 20-5-26 14:57
其實唔關英國事，係歐美同亞洲人對戴口罩有唔同理解。就算學校講明可以戴口罩，我估計大部份鬼仔鬼妹都唔 ...

義大利死幾萬開始明白嚴重性，近排有回落跡象，英國又唔防歐美，疫情無咩起色，我仔好希望9月可以開到學。

yuyueng

ricenoodle 發表於 20-5-27 13:00
我小朋友學校已經通知我們如果九月返英國要14天隔離，小朋友可以直接住在學校宿舍隔離，不用自己出去住酒 ...

我仔學校都講左9月開學所有學生都要隔離14日，可以起宿舍做隔離(但唔明點隔)，我估鄉郊地區比較安全，我希望到時可以過去正常返學。

yuyueng

fatgabb101 發表於 20-5-25 11:52
回覆 PacoMum 的帖子

呢排有咩都盡快搵agent跟聽聞國安法出咗所有agent爆哂，嚟緊睇嚟都會keep住爆

阿陳生既做生意伎倆著，又系靠嚇，英國疫情依然嚴峻，好多都延遲留英計畫就有，國安法對一般人完全無影響，除非你打算賣國通奸或一心要推翻中共政權想做皇帝。

yuyueng

GUI_GUI_NG 發表於 20-5-29 15:14
我情況都 一樣, 本來打算同小朋友一齊過去開學, 帶小朋友去學校附近認下路, 開戶口, 開電話咭, 買校服.... ...

電話卡起香港開，校服果D其實都系起校服網訂左直接送去宿舍，應該7月頭會知道分左邊棟宿舍，開學前幾日訂就得（所以可以遲下先），其他物資上網買好方便，瑪莎，AMAZON果D，快既翌日都送到，所以亦無須擔心，唯一擔心系第一次去人生路不熟，如果你經Agent報，你叫Agent幫你揾有無舊同學

可以孖你仔一齊搭的士去學校？車通常系監護人公司安排。

yuyueng

GUI_GUI_NG 發表於 20-5-29 16:48
回覆 yuyueng 的帖子

謝謝你建議, 我都沒有想過問agent 是否有學生一起去. 我會問問. 但我所知這間學校不 ...

因為舊年十一月底agent有問我介唔介意有個新同學家長想聯絡我，我仔學校都係得幾個香港人，有D野直接問我會清楚過問agent既，我都有話歡迎到時孖我仔一齊去學校。

yuyueng

3b 發表於 20-5-29 19:58
學校提早一星期開學， 宿生要早幾多日到校？

早一日，新生就朝早到，舊生下午，翌日就正式上堂。

yuyueng

egg.plant 發表於 20-5-29 17:44
我同大家一樣，仔得14歲，平時都甩甩漏漏，依家一個人去到咁遠，我都好擔心。
我果個guardian公司，正安排8 ...

機場接送好夠，我仔都14歲我仲買轉機比佢往返添，上次聖誕芬蘭轉機，佢仲好興奮話出面落雪同見到一間好大既姆明店。

yuyueng

egg.plant 發表於 20-6-3 22:51
通常term break可唔可以留衣物在學校？

可以，但要清乾淨書枱房間衣櫃，全部野pack 好入喼方便學校清潔，學校係另有地方比學生放喼。

yuyueng

9月開課機會好大，尋日收到學校郵件話今年會提早在9月2號開學，boarders 要 9月1返到學校，學校會提供宿舍比海外生做14日隔離，期間安排工作紙比學生做，仲安排埋8月中有車起機場直接送學生回校，收750鎊。而10月中既half term break宿舍亦一樣開放，一樣收750鎊，學生可以自由戴口罩，學校會做好消毒/清潔同時亦會每日幫學生量體溫，學校個medical centre 亦長開，萬一嚴重個案會送地區醫院，我相信其他寄宿學校處理手法都差不多。

yuyueng

egg.plant 發表於 20-6-4 18:31
我都係昨日收到學校email，confirm會安排海外生留校隔離14天，機場有staff接等等。

有沒有link可share英國 ...

我起amazon uk 買野多，個個月都有買，買餅乾，買水，皮鞋，足球鞋，文具，棉被，杯面等等，JOIN左做prime會員，買野幾乎翌日送到，退貨退錢換貨都非常有效率同方便。

yuyueng

fafapoodle 發表於 20-6-4 10:49
回覆 3b 的帖子

呀女yr 10, 咁又唔算好細個，原本買好左機票10月俾佢返黎補給，但學校早前已講話唔建議10 ...

合理！枕頭棉被，皮鞋可以網購送宿舍，尤其Clarks皮鞋，平過香港一半都唔只，又占位又重既野可以網購。

yuyueng

Isaacmommy 發表於 20-6-5 11:09
你哋學校安排得很好，我哋嗰間乜都無，無接機，不提供隔離期間住宿，所以好頭痛！
...

可能黎緊就會有安排，寄宿學校有under BSA 建議做法，佢地都要幫學生解決問題至有學生黎讀。

yuyueng

egg.plant 發表於 20-6-5 10:39
第一年去，人生路不熟，有d嘢都想買定先，到阿仔settle down左，先慢慢網購。通常網購床上用品，要有name l ...

如果校服起校服網買會有埋名貼，我舊年系開學前幾日買，直接送宿舍。床單被袋枕頭袋我起香港買，洗左先，唔多占地方，同埋要貼name label ，所以我自己帶去。

學校唔會有名貼提供，name label 我起香港整，訂左60個，毛巾衣物全部都要名貼，所以得閒舊整定先。

yuyueng

cfs 發表於 20-6-5 12:29
我反而未試過退換，點安排架？

試過網上買一套西裝，覺得size問題落完order第二日就取消（跟住我又再落另一size 既order），起網上click入你件貨品然後下面有return 一項，click 入return/ cancel 就處理左退款，因為未出貨，幾日就退返錢。

另一套西裝收到之後原來太細，所以就要退貨，又系click 入你件貨，再click 入return / cancel，有幾個方法退貨，自己送去郵局/pick up point /佢黎你學校收番，甘最方便一定叫佢黎收，就click 叫佢黎收返件貨，跟住會出幾個label /bar code 果D，你自己用printer 印出黎，放一張起貨入面，一張盒外，張label有個聯絡電話，（個電話原來系學校舍監個老婆），甘就甘比件貨舍監就完事了，2-3日就收到佢話處理緊我既退款，1星期左右就收番錢。

yuyueng

cfs 發表於 20-6-6 22:18
我都係用燙貼，開頭試過縫，但用太多時間了，所以燙兩個名字安全啲。

係呀！縫左一批之後轉左燙，浴巾果D至縫！當時真係好有慈母手中線，臨行密密縫既感覺。