有無愉城方方家長？

薳然媽媽

家晞媽咪,

唔知點解尋晚到今朝都回覆唔到添.
我收到您pm電話啦, 多謝哂.
係呀, 依家d小朋友好厲害架, 唔知係咪d奶粉 & 其他剌激多左, 佢地真係難教過以前好多.
薳然呢期睇到m&m廣告, 成日好想要m&m, 早多日我地買左一筒, 就比左幾粒佢食, 咁我老公問薳然好唔好請daddy食一粒, 薳然唔想請, 即刻話: daddy咳咳, 唔食得呀, 真係笑c人 , 呢排又成日叫daddy唔好睇電視啦, 食飯先啦, 好老積呀.

家晞kindermusik 係咪係小冬冬返架 ?  我之前都帶過薳然去試堂, 小冬冬環境真係幾好, 不過好貴呀, 所以我最終都無比薳然返.

薳然都係之前上9:00am芭蕾舞架, 不過真係早得濟, 後尾我地轉左10:00 am咋.  遲d睇吓家晞可唔可以10:00am一齊上啦.

原文章由 lsw0316 於 07-10-15 17:10 硐表
薳然媽媽,

原來佢哋呢個年紀嘅表現都係差不多, 而家教小朋友真係比以前父母教我哋嗰陣難好多, 又唔鬧得但係又唔可以縱容, 真係好難攞平衡o架 :(, 有時都會俾佢哋激到好忟o架 http://forum.baby-kingdom.com/images/ ...

薳然媽媽

子俊媽咪,

尋日子俊係咪無返學呀? 我一放工返屋企就問薳然, 子俊有無返學, 薳然話無呀, 子俊fever呀 (學我星期日同佢講), 我再問幾個同學, 其中薳然又話一翹無返學, 一翹唔舒服, 唔知係唔係梁老師話佢地聽呢?

薳然媽媽

子俊媽咪，

若果訂工人機票，試吓搵僱用公司ｄ Agent，平好多架．
另外您都可以試吓　www.zuji.com, ｄ機票好似都平ｄ．

子俊好返就好啦: , 薳然都話子俊今日有返學呀，不過卓琪就無返學．


家晞媽咪　＆　子俊媽咪，
尋日收到ｄ恤衫，紅褸＆冷外套，ｄ質地好似好差咁:( ，今日打左電話去學校問，紅褸最好用手洗，冷外套可以放衣物網，然後放入洗衣機洗，但千其唔好用乾衣ｆｕｎｃｔｉｏｎ．

我地11月初再約定地點同小朋友一齊食lunch啦, 好期待 .

家晞媽咪，
我地去年９月搬黎荃灣後，薳然就響南豐間jolly clown返playgroup, 返左4個月, 之後轉左去富利達中心間joyful, 其實有得比較, 我就覺得小冬冬乾淨d&認真d, 不過薳然o係joyful都學左好多野, 如monday - sunday, january - december, & 好多英文兒歌等等, 學費就平好多 hk$2,300一個月, 仲係日日有得返, 每日三個鐘, 真係好抵玩.

係呀, 我都好多時聽到薳然話一翹無返學.

呢兩日天氣轉涼, 大家接小朋友放學時最好帶定多年外套仔比小朋友著呀, 我覺得件藍色秋褸好似好單薄咁.

原文章由 子俊寶寶 於 07-10-16 23:15 硐表
薳然 & 家睎媽咪,

今日接子俊放學時, 佢見到個同學仔, 跟住介紹比我識, 原來係志樂. 佢高過子俊大半個頭, 生得好高呀. 我同志樂個工人姐姐講左幾句, 原來佢仲細個子俊1個月 . 唉.....子俊又真係細粒d既.

我工 ...

[ 本文章最後由 薳然媽媽 於 07-10-16 23:46 編輯 ]

薳然媽媽

家晞媽咪,

我無買到件灰色厚褸呀, 因為諗住讀一年, 實際只係會著得幾個月, 可能又只係著幾次添, 又因daddy&工人會送返學, 工人會湊放學, 若果真係好涷既話, 會比羽絨阿囡著, 之後返學或放學到門日至換紅校褸.

我收唔齊d校服呀, 欠兩條灰裙 & 運動服.

原來您之前係做merchandiser, 呢行真係好忙架喎, 依家您唔做工, 可以抖返吓囉.

家晞係咪束兩條短辮子架 ?  尋晚薳然話要幫我束辮子, 搞左我d頭駛一大輪, 佢咪又係要我自己束, 因為佢唔識"橋"橡根, 我束完之後, 佢話我同陳家晞一樣:) .

原文章由 lsw0316 於 07-10-17 01:30 硐表
薳然媽媽,

講開校服, 收到件灰色厚褸, 有啲愕然, 覺得咁厚嘅, 好誇張呀, 對於大人, 宜家香港啲天氣, 真係唔駛著到咁厚, 好似舊年咁, 都好似無乜凍過, 不過, 諗深一層, 細路仔又唔同, 一下子凍一兩日, 都要有件厚褸 ...

薳然媽媽

家晞媽咪,

家晞又係鐘意提男同學仔既名  , 薳然都係呀 , 即證明佢地好正常, 異性相吸.

家晞媽咪&子俊媽咪,

我之前搵我個僱用agent check機票, 係平d喎, 子俊媽咪, 您要唔要我幫您格吓價呀 ?  您可以pm d 日期&地點我, 我幫您問吓價錢啦.

您地工人續左約後, 有無變左d呀 ?  我個o個就變左嘞, 懶左好多 & 心不在焉, 唔叫唔做, 唔知係咪我大肚問題呢 ?  

之前我未諗或會生完唔做工時, 同佢講過我會請多一個工人, 點知佢提意我請佢個妹, 我心諗我實情都唔係好鐘意佢個妹(好似古惑d), 而我都唔想兩個印印響屋企, 佢地一定會講印尼話, 我唔想我d囡囡變印尼妹, 所以我同佢講話我今之會請賓賓, 之後佢就唔happy啦.  依家成日響屋企歎印尼報紙, 不過我都唔理佢啦, 我返多兩個星期就放產假, 之後有新賓賓黎到, 我地就抄佢架啦.  其實之前老公都唔想同佢續約, 但係我話我有左, 唔可以afford去train一個新工人, 所以先同佢續約咋.  遲吓轉新工人, 又有d驚新o個個唔知好唔好, 都幾煩架.

原文章由 lsw0316 於 07-10-17 01:00 硐表
子俊媽咪,

我都成日聽見家晞提志樂同子文, 未見過佢哋, 因為呢排好懶, 掛住 , 又無湊返學又無湊放學.  睇嚟家晞同啲同學仔熟絡咗, 如果我去湊放學, 可能佢都 ...

薳然媽媽

家晞媽咪,

原來件厚褸好厚架, 重唔重身架 ? 若果重身, 小朋友就會著得好辛苦架.  不過, 其實買左好都既, 涷起上黎可以著住, 唔駛換來換去.

之前舊老闆想搵我幫手半日, 所以一直有打算生咗第二個 BB 就唔做依家呢份工, 轉做半日工, 舊老闆想搞新生意, 依家搵我做緊d feasibility study, 但未落實, 呢幾日同佢傾過, 都唔肯定出年係咪真係開始, 所以我都有d疑慮, 係咪可以成事, 我同老公就梗係想到痺, 始終自己睇小朋友會對小朋友既發展好好多, 我又可以算叫做有份工做, keep住自己, 唔怕第日出返黎工作無哂bargaining power, 不過依家唯有順其自然啦.  真實我好羨慕您地, 可以做全職媽媽, 照顧小寶寶.  奶奶都有叫過我唔好做2年, 不過我&我老公唔係好想, 因為我係好緊張阿囡d人黎架, 怕左自己走火入魔, 所以最好就做半日, 又可以搵d錢, 唔駛吓吓問老公攞.

若果唔成事, 我就要請多一個工人架啦.  未確定我係咪可以轉做半日工之前, 我細b出世&我坐完月返工後, 就要麻煩奶奶過黎睇幾個鐘, 因為工人要湊薳然放學, 到時薳然要改搭校車, 都唔知佢會唔會唔開心, 以為我地生左細妹之後, 疏忽左佢要佢搭校車.  薳然好敏感, 呢兩個星期佢好乖, 不過尋晚我地收到一間幼稚園既面試信, 面試日期啱啱我38周, 我老公食飯時響薳然面前話驚我到時生左, 我就提議不如我聽日打電話去學校問吓若果到時我真係作動生bb, 可唔可以改期面試, 薳然聽到我地咁講, 即刻離開飯枱, 去左sofa, 我幫佢攞碗飯跟住佢去sofa, 諗住由佢響sofa食, 點知佢一野拍我個肚, 都幾大力架, 我相信佢聽到我地講生bb, 佢唔開心.  依家未出世就咁樣, 出左世唔知點 ?

其實屋企個印印一直都ok, 同家晞一樣都係由bb開始湊大薳然, 都算錫薳然, 仲好多時同我爭薳然, 好似以為自己至係薳然阿媽添, 但係同佢續左約之後 & 佢知我有左後, 就好差啦, 我叫佢做野, 佢會頂吓我啦, 又無以前咁衛生, 同埋好似變到唔多識照顧薳然.  以前一向都係我陪薳然瞓覺, 但我有左後, 就比印印陪瞓, 因我驚薳然唔小心踢到我, 點知印印陪佢瞓,陪陪吓, 佢自己瞓埋係薳然隔離瞓著左, 跟住薳然張被就被佢自己蓋住, 薳然瞓著左係無被蓋, 我問佢點解唔幫薳然蓋被, 佢次次都話薳然唔肯蓋, 咁我話薳然未瞓著時幫佢蓋唔到唔緊要, 但瞓著後就要即刻蓋, 叫極都係咁, 薳然9點半會入房瞓, 我地見印印成11點半都無出來, 至發覺原來係咁. 印印陪薳然瞓o個幾個月薳然都會2,3個星期就傷風一次, 有一次仲搞到薳然氣管炎中耳炎, 差d要住醫院, 呢3,4個月我自己情願辛苦d小心d, 都要陪薳然瞓覺, 自己都會安心d.   最近一件事, 真係令我覺得佢有無搞錯,薳然有朝早, 坐住個枕頭, 唔小心柯濕左個枕頭小小&床單, 跟住佢送左薳然返學後, 佢居然返左屋企後唔知做左d咩, 但就無幫薳然換床單 & 枕袋, 到我下午響公司得閒d用眼仔望見到薳然d床單枕頭袋無換到, 但薳然已經響床上瞓緊晏覺, 我後來打比佢問佢點解唔換, 佢居然答我話未夠一個星期, 所以唔換, 我真係嬲到陣, 佢好似發緊夢咁, 以前都無咁樣事情發生, 依家越做得耐, 就變得越蠢.  我老公話佢唔知係咪博炒.

我開頭都覺得賓賓會難d manage, 但係呢期見到d朋友 & 鄰居d賓賓都有文有路, 所以今次轉用賓賓, 希望好彩啦, 請工人真係講彩數架.  我見到家晞個樣, 都覺得您個印印照顧得佢幾好, 有時睇小朋友既面色樣貌會知道照顧佢既人係咪照顧得好.

尋日收到學校通告, 孫中山壽辰學校都放假, 真搞野

原文章由 lsw0316 於 07-10-18 14:28 硐表
薳然媽媽,

其實我開 cheque買校服時都有疑問點解有兩件校褸, 我諗住一件薄啲, 一件厚啲, 不過, 無諗過咁厚啫, 又有諗過唔駛買哂兩件, 不過, 後來又求求其其買哂佢就算, 費事煩, 呢個係我以前做緊嘢, 成日好忙, 覺得 ...

薳然媽媽

家晞媽咪,

係呀, 我o個晚就係紥左兩氣牛角辮仔 , 跟住薳然話我同陳家晞一樣.

會唔會幫家晞留長頭髮呀 ?  薳然以前短頭髮都唔係成日肯比我地幫佢紥辮架, 但係長左呢, 佢就肯.

唔知子俊尋日係咪無返學呢? 我問薳然, 佢話子俊無返學.

原文章由 lsw0316 於 07-10-18 15:14 硐表
薳然媽媽,

講漏咗兩句, 家晞有時會紥兩條短辮仔, 不過, 家晞頭髮短, 只係紥到兩條細細牛角辮, 有時佢怕痛會唔俾姐姐幫佢紥辮仔o架.  

薳然媽媽

子俊媽咪，

我幫您ｃｈｅｃｋ吓機票價錢啦，不過請您比一比個大概日期，個價會ｃｈｅｃｋ得實ｄ，係咪去Surabaya呀　？

原來大多數工人都會續完約就變左，我同事個工人續完約之後，居然出街唔鎖門，道門大開，ｃ唔ｃ．好彩無人入屋偷野咋．我之前都有諗過好唔好同工人坐低講吓，但係後尾都無啦，唔知點解唔想同佢講．

子俊好返哂味呀？　薳然星期四放學開始都有ｄ傷風，我地晚上比左幾粒維他命ｃ，但都唔係好ｗｏｒｋ，第２朝＆晚上比左保嬰丹佢食，好彩星期六又無事嘞．不過尋日佢有兩聲有啖咳，比左ｄ化痰粉佢飲　＆整多支保嬰丹，又無野，頭先梁老師打比我，我問佢薳然有無咳，好彩梁老師話無．不過我打比工人，工人又話佢咳，唔知薳然係咪氣管敏感，可能我地住得高空氣薄ｄ，所以佢返到屋企就會易ｄ咳，上次都係咁，同佢落去劉章鴻睇醫生就一聲咳都無，返到屋企就有開始咳．

子俊媽咪　＆　家晞媽咪，

有時ｄ工人無小朋友可能仲會有心機湊得好過有小朋友既工人，我有幾個朋友＆親戚都係請ｄ無小朋友既賓賓＆印印，佢地會投入ｄ聽話ｄ，不過開頭可能要跟得貼Ｄ．我ｏ個個印印有一個１２歲既囝囝，由ｄａｙ　１　我覺得佢唔係太投入，佢唔肯同我地一齊同枱食飯，一齊出街食飯行街好似誓願咁，又唔食野，搞到我地唔好意思再同佢出街，因為我地除左要照顧自己個囡之後，仲要招呼埋佢，有次我帶佢＆薳然同ｄ同事食ｌｕｎｃｈ，佢淨係識得攬實薳然，就咩都唔駛郁，跟住我就要服侍佢食飯嘞，ｄ同事見到都頂佢唔順．

孫中山係１１月１２日呀，ｏ個日唔駛返學．
家晞媽咪，

您遲ｄ會返番工？　會唔會好唔捨得家晞呀？
我依家放完長假要返工，都好唔捨得薳然架，薳然都好唔捨得我，逢星期五晚我陪薳然瞓覺時都會話佢聽明天媽咪唔駛返工，佢唔駛返學媽咪會帶佢返芭蕾舞班，佢會好開心，跟住星期六晚就會自動自覺同我講話no need to go to school或no need to go to work呀，跟住星期日晚又會再講．今朝佢見我換衫返工，即刻問我媽咪唔駛返工呀？我話媽咪要返工，佢即刻喊左出黎，要我攬佢一陣錫吓佢，女仔真係爹ｄ架．
雖然您之前忽略左二囝，但我見您之前都話佢好錫家晞，所以我諗對佢影響唔係咁大，男仔獨立ｄ，有時小小既忽略可能令佢地更自立，將來更懂得照顧別人．

薳然媽媽

Meta,

您地都覺得我個印印好過份，不過直至依家，我有時都驚炒左依家個印印好似好衰咁，唉，有時諗返起，會成日問自己係咪佢蠢，係無心，佢變了還是自己懷孕變了，不過講真佢之前真係唔係咁架．您都講得啱，有時比佢地溝通到真係唔係好事，好次有兩次我湊囡囡放學，佢落去排隊先，我響遠處就見佢同埋成班鄉里一齊傾，傾到興高彩烈，佢響屋企唔係咁架．佢話我聽佢要１１點２０分落到去排隊，因為好長龍，換言之咁佢就唔駛響屋企點做野啦，又可以同人傾計，不過我都唔同佢計較呢ｄ，我都由得佢．

其實請工人請係講彩數，有ｄ人話印印好，有ｄ人話賓賓好，不過整體黎講印印就聽話ｄ，不過就收歲ｄ，賓賓就主觀ｄ直接ｄ，都無話邊個國藉會一定好ｄ，查實我覺得最重要都要夾返主人既性格．係呢，我見多數由賓賓帶既小朋友會小ｄ病痛，唔知係唔係呢？　我朋友個囡囡就黎到３歲，只係病過３次咋，佢個賓賓好掂．

原文章由 meta 於 07-10-21 23:28 硐表
您既工人太過份啦？ 妹妹黎埋重得了！宜家好多人請印傭。屋苑內大部份人都用。我唔係偏見，太多印傭可以比佢地溝通到亦唔係好事。但我有次見到 ，一個印傭帶住個小朋友，一路行一路煲電話粥，小朋友留鼻涕:cry: ，係 ...

薳然媽媽

家晞媽咪，

薳然今日話家晞無返學呀，我問點解，佢話家晞唔舒服，我問左佢兩次，佢都咁樣答，可能我好認真又緊張，我再問佢第三次，佢就唔答我，薳然好敏感，可能佢覺得我好緊張家晞，之後佢有ｄ發我皮氣．家晞無咩事麻？

上星期四，薳然攞左幾本書上餐枱，跟住話自己係卓琪，叫ｄａｄｄｙ坐埋餐枱話ｄａｄｄｙ係衛和希，媽咪（我）係家晞，話大家一齊睇書書啦，有時ｄａｄｄｙ望住個電視，佢就話衛和希唔好睇電視啦，睇書書啦，真係比佢笑ｃ ．ｏ個幾日佢都話自己係卓琪．ｄａｄｄｙ揸車同佢出街，佢又話衛和希drive the car, ｄａｄｄｙ擰轉頭望佢，佢又話衛和希turn back and look at me, 真搞笑．

薳然媽媽

家晞媽咪,

家晞有d痰清唔哂, 您有無試過川貝燉雪梨(一個去哂皮&心既雪梨, 加一匙磨粹左既川貝, 加一碗水, 燉一個半鐘)呀 ?  上回薳然又係有d痰清唔哂, 食左兩日化痰粉都唔清得哂, 咁薳然跳芭蕾舞既同學仔媽咪教我川貝燉雪梨, 我比左佢飲一次, 就清哂啦.  

若果家晞有小小發燒, 唔好著襪仔呀, 好難散熱架.  希望家晞快d好返, 快d好返, 千其唔好發燒.

您講得都好啱呀, 薳然響我地房同落街街就無咩咳, 但一響廳&自己房就咳, 可能真係濕度問題.  廳係乾d架, 等我返屋企同老公商量吓 好唔好整部放濕機先.

原來您三個小朋友都有小小敏感, 真係要小心處理, 您或老公係咪本身都有鼻敏感架 ?  可能遺傳左比小朋友都唔定.  薳然初出世幾個月, 有幾次病左, 醫生都有懷疑薳然可能有鼻敏感, 叫我地買部空氣清新機放響屋企, 用左一輪, 好似好d.  

梁老師尋日打比我話薳然呢排返學好乖, 其實我都覺得佢響屋企都乖左, 無之前咁野蠻, 不過佢係唔讚得架, 我尋晚話佢聽梁老師話佢好乖, 佢轉過頭又發小小皮氣, 今朝都有.  佢真係好小器架.

因我地有考慮好唔好比薳胎遲d返延展到3:00pm或轉全日班, 尋日問過梁老師, 佢話n班延展到3:00pm, 只係食完飯玩吓咁, 因佢地無得做功課, 轉全日班對n班小朋友會好d, 全日班有得瞓吓晏覺, 小朋友又會學得獨立好多 & 依家薳然o個有幾個同學仔都係讀緊全日班.  我地會睇吓細妹出世後咩情況, 我份工咩情況 & 新工人咩情況, 遲d決定比唔比薳然讀全日班.  係呢, 若果您遲d會返工, 會唔會比家晞轉全日班或延展到3:00pm呀 ?  

原文章由 lsw0316 於 07-10-23 00:08 硐表
薳然媽媽, 子俊媽咪,

今日到家晞打敗仗啦!  家晞上兩個星期病完, 醫生話仲有少少咳同痰可以唔駛覆診, 等佢咳清就 ok, 過咗一個星期係好咗, 少咗咳, 久不久有兩聲, 我已經成日煲湯等佢潤吓, 不過始終未斷尾, 跟住星 ...

[ 本文章最後由 薳然媽媽 於 07-10-23 09:18 編輯 ]

薳然媽媽

子俊媽咪,

無問題, 我聽日問agent, 之後覆返您啦.  唔駛客氣

原文章由 子俊寶寶 於 07-10-23 21:10 硐表
薳然媽咪,

我工人係11月尾走, 12月中返. 大概日期係22/11走, 13/12返(可以改任何曰字). Fm HK to Surabaya. 可以接受轉機(2-3hrs), 但不要係機場overnight.

真係唔該哂.


...

薳然媽媽

子俊媽咪 & 家晞媽咪,

可能我尋日聽家晞媽咪講話等家晞休息多一日, 所以今日問薳然家晞係咪無返學, 佢話係.  但係因為今朝早薳然醒左有dd咳, 之後扭計唔多肯換校服返學, daddy氹佢話梁老師&家晞響學校等緊佢, 佢先至肯換校服, 所以頭先問完薳然家晞係咪無返學之後, 佢轉就話家晞等緊佢 .

您話個同學仔 bell wong, 我之前都好似聽過薳然提過, 但聽得唔係好清楚, 薳然可能講得唔清楚, 聽日再問吓佢先.  係呢, 同小朋友講吓d同學仔既名呢, 佢地會對返學有歸屬感 .

您地知唔知道今個月邊日開生日會呀 ?  係26/10/07 定2/11/07 ?

我會提早兩日放產假, 即係由1/11/07開始, 我想早dd同您地d囝囝囡囡見面呀, 您地1/11/07 食lunch okay嗎 ?

原文章由 子俊寶寶 於 07-10-23 21:22 硐表
我今日問子俊, 佢話家睎有返學喎 . 不過Ms. Karen就無返, 由另一個老師負責同佢地講故仔(我唔記個名).

如果由我接子俊放學, 我每次一定叫佢介紹同學仔比我識, 每日識一個都幾好喎, 尋日識左一個女同學, 好似叫Be ...

薳然媽媽

子俊媽咪,

川貝係化痰架, 所以若果知道小朋友有咳出有痰, 就可以比.  
若果熱咳就係乾咳, 聽唔到痰聲.

係呀, 比錯左, 就會咳得仲犀利, 上次薳然就係咁囉, 搞到氣管炎.  以往我見薳然有小小痰咳既時侯, 我地會比佢食保嬰丹 或 猴棗末 或煮餸比薳然食時加片薑, 就會化左d痰, 但乾咳呢, 我地就會比雪梨茶佢飲, 每次無問題, 都駛得.  但係上一次, 薳然有好輕微既咳, 我打電話返去問工人, 薳然咳出有無痰, 佢話有, 咁我就叫佢加片薑煮午餐比薳然, 因為唔想佢食咁多保嬰丹猴棗末, 點知放工返屋企後見到薳然咳到不似人形, 係乾咳, 我就問工人點解佢話薳然咳出有痰, 佢話見佢瞓晏覺時覺得有痰, 再問真d詳細d, 查實佢聽唔出薳然咳出有痰, 佢o個d只係鼻寒聲, 跟住第2朝早就有d發燒, o個次仲搞到薳然要照肺, 好彩只係氣管炎咋, 唔係肺炎.

尋日朝, 我又比個工人激c, 我叫佢沖定杯化痰粉, 等我老公放左佢同薳然落車後 on the way入學校時, 比薳然飲, 與此同時我又叫佢買定d雪梨茶返屋企看門口, 點知佢又無聽我既意思, 佢送薳然返學時無沖化痰粉, 當然就比唔到薳然返學前飲啦, 跟住佢自把自為放學就比薳然飲, 跟住返左屋企, 同薳然沖完涼食完午餐之後, 又開支雪梨茶薳然飲,  搞到亂哂大籠.  尋日同梁老師傾開電話時, 我問梁老師薳然返學有無咳, 梁老師都話無, 之後我打返屋企, 工人又話有, 我再問清楚, 佢就話我聽佢咁樣比薳然飲, 我就黎比佢激c, 佢越做越蠢, 之後我索性叫佢咩都唔好再比薳然飲啦.  真係想快d送走佢.

原文章由 子俊寶寶 於 07-10-23 21:26 硐表
我聽中醫師講過咳有分熱同寒咳, 川貝燉雪梨係比熱定寒咳飲架??? 因為佢話如果比錯仲咳得犀利. 我都唔多識 , 想請教下你 .

薳然媽媽

家晞媽咪 & 子俊媽咪,

係呀, 講開咬手指, 薳然開頭開學都有咬手指, 應該係開學時面對新環境, 佢地有所焦慮所致, 薳然咬左一個月左右先至無咬.  薳然由細都有食手指架, 之前有好多frustration唔知好唔好比佢食, 但係我睇書, 親子班姑娘, 同事&問過醫生, 都講話做咩唔比話bb食手指, bb食手指無問題架, 會聰明d (因為通常佢地食手指時, 個腦仔會思考) & 有安全感d, 至重要係勤d清潔手指仔, 到一歲後, 佢地會自己戒唔食,  薳然真係大約一歲左右日間唔食手指, 只係瞓覺時食, 到佢兩歲我地至幫佢戒埋瞓覺唔食手指, 佢o個時都大個左, 佢自己都好想戒, 所以一戒就ok.  不過依家佢隻手指隻都有個枕.

睇埋子俊媽咪11月1日得唔得閒, 我地就約埋地點啦, 去鴻星飲茶好唔好呀 ?  定係您地有其他食肆提議 ?

原文章由 lsw0316 於 07-10-24 00:51 硐表
子俊媽咪,

係咪子俊又玩妳呀?  聽妳講過子俊好鍾意蝦妳唔知道學校啲嘢, 專登講相反嘅嘢喎

家晞今日都無返, 因為噚晚把聲都係沙沙哋, 同有很多痰, 不過, 今 ...

薳然媽媽

子俊媽咪＆家晞媽咪,

我叫Tracy呀, 好呀, 1/11/07我地就可以同大家小朋友一齊見面啦!

子俊講o個個同學應該叫ming ming呀, 係男仔黎架.  今日薳然同我講ming ming個全名, 但係我依家又唔記得, 佢講得好唔清楚, 咁我o係樹係咁問佢係咪咩咩咩? 都講唔啱, 佢索性同我講話係ming ming, 叫我唔好再問, 話係ming ming呀.

薳然呢幾日都仲係叫daddy做袁和希, 我係家晞, 佢自己係卓琪, 佢覺得好好玩咁呀.  佢去小便時話, daddy諗住陪佢, 佢話唔要袁和希同佢一齊, 佢要家晞喎.  佢今日食飯扭扭擰擰, 我有d嬲, 佢就話家晞唔happy嘞, 家晞happy先啦, 我話Evelyn曳曳, 家晞就唔happy啦, 佢跟住就話我係卓琪呀, 佢好記住自己個角色.

我仲未收到運動衫 & 裙呀, 今日打去問學校幾時要轉哂冬季校服, 佢話19/11/07就要換哂啦, 若果依家覺得凍, 都可以早d同小朋友換季.

子俊媽咪 : 我agent仲未覆我機票價錢, 聽日我打比佢再跟一跟, 然後覆您啦.  thanks, 我知道啦, 今個星期5開生日會, 唔知點解我收唔到通告, 好彩問一問, 若果唔係, 今個星期5就會幫薳然著校服裙&咩書包返學啦.

家晞媽咪 : 去街咁夜至返屋企既, 自己生左薳然後, 我都未試話10:00後返屋企呀, 依家都唔知出邊d夜景係點 ?

原文章由 子俊寶寶 於 07-10-24 23:36 硐表
家睎媽咪 & 薳然媽咪,

我叫Carman呀, 你地叫咩名呀??? 我地唔駛成日叫邊個邊個媽咪ma.

係呀, 之前套冬天運動褲有爆線, 咪同梁老師講, 佢話要成套換(衫連褲). 今日收到套新的, 但係發現d料靚好多, 之前係好差既 ...

薳然媽媽

子俊媽咪,

check左價錢啦,hk$2,350 (包tax).
坐garuda, 大約在22/11下午3:00pm香港起飛, 到jakarta大約7:00 pm, 之後再駁機約10:00pm到surabaya.
回程就唔記得d航班時間, 不過唔駛過夜, 約在2:30pm到香港.

您睇吓okay唔okay, okay話我聽, 我比個agent個contact您.

薳然媽媽

hello Vanessa,

我仲未生得呀, 不過醫生尋晚話若果我一作動, 就好快生出黎架啦, 所以唔敢周圍走, 佢仲話我好未放產假仲返工, 因為我上一胎38周生薳然, 佢尋晚猛話我可能呢個星期作動, 因我依家37周幾, 佢話第二胎會比第一胎早.   所以家晞媽咪, 我都驚我同您食食吓飯作動, 不如我提議等我生左細b先, 我諗大概12月初都坐完月嘞掛, 先至約大家飲茶.  不過我1/11/07(若果仲未生)都會湊薳然放學, 我可以攞d 普通話vcd比家晞試睇.  

我諗我無得帶薳然去旅行啦, 有d失望添.  我老公又話唔帶薳然去, 其實去吓呢d活動好好架, 可以了解多d阿囡d老師&同學仔&學校生活.

Carmen,
您食錯咩野呀 ?  要入醫院添, 小心保重呀.  唔緊要啦, 我地實有機會見面既.

您搵到平d機票就好嘞.

薳然媽媽

meta,

多謝，有心．我返埋今日放產假啦，終於可以休息吓．

原文章由 meta 於 07-10-30 22:45 硐表
快d放假啦！因為您係第二胎，真係隨時生得架。雖然生得會容易，但係您都要有足夠休息嘛！小心、小心。

薳然媽媽

Hi Vanessa,

係啦，我會聽話架．
不過臨放假前比大老闆整古，又叫我做呢樣又ｏ個樣，今日都仲要
開會take minutes, 依家攞左d野返屋企做 .
聽日我會湊薳然返學(如果今晚無作動 ), 聽日見啦.
係呀, 要等妹妹出左世, 先可以同薳然參加呢d活動, 真係要薳然犧牲吓啦.
您地玩得開心d啦.

原文章由 lsw0316 於 07-10-31 01:12 硐表
Hi Tracy,

真係要聽醫生話, 唔好四圍走呀, 遲啲先食飯無問題.  如果妳未生得, 咁我哋 11/1 湊放學時見啦!

我都估妳去唔到o架啦, 就算妳未生得住, 個肚咁大, 要帶住薳然去一日旅行真係會好攰o架.  下次等妹妹出咗出 ...