一線名校比二缐學校谷的迷思

小曳人

首先，就算一線學校，都有好唔同嘅功課內容

我曾經係SFA小一用家，當年大家抱住"忙C"嘅心理預備入讀，小一可能仲係蜜月期，兩個月後，家長們的確忍唔住"少少"聲
但咁~ 可唔可以話SFA輕鬆？當然唔可以，全年3測3考，仲有每學期5-6次默書...真係唔好俾佢停！

同津校比呢？
其實大家好鍾意比"份"數，有無諗過"量"先係重點？
SFA一份數學4版，津校一份數學兩版，有時仲會免去部份題目
抄寫，兩邊差唔多，SFA詞語係一行 (即兩仔字嘅詞語係4-5次)，津校係無輪幾多字嘅詞語都係3次

最近有朋友post "兄弟"校嘅penmanship/詞語功課响FB，先知，阿仔學校英文唔駛寫生字！而中文，兄弟校係寫5次！

大家都係一線學校，內容其實可以好唔同

另，回應樓主，我唔同意你嘅講法，一個人要讀得書，除咗天資之外，仲有個人努力！如果你唔付出努力，去到一線學校都無唔會令你變成讀得書！