唔知有無家長都係咁呢？

bon_bonny

我個女準備升K3, 一心諗住叠埋心水等派位，做定好資料搜集點排位好，諗住間間學校都會有好學生壞學生，就算名校都未必全部係好。同時我從來都無話想小朋友出類拔萃望子成龍嗰隻，只係想佢可以愉快學習，做一個有品格嘅人。所以過左三年開開心心嘅幼稚園生活，無操練無壓力。

但近日睇得多ek post, 見到好多家長周圍叩門，又無直私backup，好灰好心痛好氣餒好頻僕咁，自己都開始好緊張呀！而家仲有一年時間，是否應該開始操個女面試技巧，學返十樣八樣學術野，報多十幾廿間直私小呢？唉！有d頭暈呀

bon_bonny

原帖由 vinwin 於 14-06-18 發表
要保持思路清晰，第一件事要做就係少啲上ek

哈哈！我老公都係咁同我講！但我就忍唔到手，日日都入黎睇下大家咩環境。

bon_bonny

原帖由 vinwin 於 14-06-18 發表
無錯！我就係嗰啲老公，見到老婆日睇夜睇，越睇越驚，叫佢唔好睇。。。我嚟睇得喇



  ...

你呢個老公又幾好喎！我都叫我老公睇先！heehee

bon_bonny

原帖由 MASAYA 於 14-06-18 發表
只要你知道自己既決定係為孩子唔係為面子咁就冇咩好後悔，愉快學習唔係咩都唔做由佢自生自滅，家長用既時間 ...

無錯！愉快學習並不是自生自滅！我係全職家庭主婦，日日都陪住佢地學習同玩，有時都好頭痕要諗有乜玩架。我都有問過自己會唔會係為左自己嘅面子而去選學校。有時都會跌左落去個位：又要馬兒好，又要馬兒不吃草。真係衰呀！

bon_bonny

原帖由 sissysze 於 14-06-18 發表
比你而家操，操得啲乜，9，10月，私校直資已開始見，算吧啦

Sissysze
我有睇到你其他post呀！你話機會係留比有準備嘅人。我真係當頭棒喝。


我都知而家唔會操到d乜，都係呻下，睇下有無其他家長好似我咁諗咋！

bon_bonny

原帖由 sissysze 於 14-06-19 發表
你不如趁而家開始陪佢睇多啲書，中，英都睇，對小朋友好好架

係係係！多謝提點！其實一星期都有同佢睇一本中文一本英文嘅圖書架。不過睇黎要再睇多d先得

bon_bonny

原帖由 麥兜MaMa 於 14-06-19 發表
回覆 bon_bonny 的帖子

知道自已要咩最重要.

填表有乜玩法架？請賜教

bon_bonny

原帖由 麥兜MaMa 於 14-06-19 發表
因此唔同小朋友, 唔同家長的祈望, 對住同一個遊戲, 要有唔同玩法和準備.
正如樓主唔想小朋友叩門, 相信亦不 ...

係呀！相信上得ek揾料嘅家長都係緊張子女學業嘅人，唔會話任佢地玩唔理佢地嘅！
不過"谷"嘅定義真係大家都有唔同。一星期上一两樣興趣班，純粹為興趣唔係為獎項，有時放學去下圖書館同公園玩，假期時做小小練習簿同去下郊外旅行，自問唔係谷又唔係由得佢玩唔理佢啦！




但真係有人比個小朋友返两間幼稚園，一星期七日都要學野，不但只英數普，又法文又西班牙文劍擊跆拳道樂器都學4-5樣，我真係覺得好跨張，個小朋友好可憐。無錯，佢地投資咁多，考學校時份個人檔案又可以寫到好厚好豐富，真係抵學校收佢地架！但我真係做唔出啊

bon_bonny

多謝大家嘅意見，原來都有好多家長好似我咁架！我同老公商討過，一於自行揀d二線校風純樸嘅學校，加上有細妹跟尾，真係唔想幾年後再玩多一次呢個遊戲呀！