直資校增英語教學班學費倍增

路人甲乙丙丁

估唔到現今既教育會發展到咁
真係
校門八字開
沒錢莫進來
        

路人甲乙丙丁

wkan 寫道:
"校門八字開,無錢莫進來"


這問題是香港特區政府製造出來,你不想靠運氣,你不想子女去做填鴨,就唯有另找出路"直資"和"私校" 。誰人不想享有9年免費教育? 就算給你派到官津名校也一樣每月花幾仟元補習!無錢!你想子女成才也不容易!只可歎一聲無奈。

學校分中文班和英文班, 視乎該校的發展和家長的需要, 如校方有向須要的學生提供支助, 理應沒問題。
如要增聘外籍老師相信加學費也無可避免,其實現在很多直資和私校的學費約3000多元, 看來學校也不是牟利。

希望大家去評論一間學校或一件事之前, 應先多了解其情況,才作出批評,這樣會較公平。

wkan

我好懷疑佢係辦學校定學店囉
如果你係定位係非牟利辦學既話
我睇唔到佢有一個崇高既教育理念囉
而係向學生灌輸緊
那！有錢就萬事有商量
冇錢丫！冇意思啦
就算同校同學都得唔到一致對待啦
佢可以以提供課外既英文課程比學生
等學生自由選擇
但係
依家咁做
係擺明話
你交唔起錢就冇得玩
學校直接介入利益衝突中
咁既教學方針
鄙視佢  

路人甲乙丙丁

如果佢開宗明義話每人學費2.8萬
然後比學生揀邊種教學語言既話
合情合理囉
而唔係用學費黎區分(歧視)某類學生囉
所以
呢個決定只睇到係商業決定
咁就唔好講到自己幾偉大啦
幾有教學理想啦

路人甲乙丙丁

wkan 寫道:
是否合理?在乎觀點與角度!

wkan

0岩
站係消費者既角度
當然想爭取最大利益啦
但係我地係唔係應該深思下
到底想要我地既下一代成為點樣既人
家長既價值取向、行為係最直接傳導比子女既
真希望我地既子女第時唔會連叫佢幫下手都要同你講人工先啦

路人甲乙丙丁

judy 寫道:
在這里，我要謝謝政府之慷慨，他將收入之22%投入教育，全世界第一 (至少我未發現那個政府投入比香港多)。所以，我對那些指控政府不投入教育的人很反感，做一個誠實之人，第一規條，是講事實。投入全世界最多資源於教育上之香港，成果如何，相信大家都清楚，為甚麼教育事業不能像香港商業般昌盛，這是因為香港之教育實行社會主義計劃經濟，你看，幾乎所有之官津學校之課程一模一樣。政府鼓勵校本課程，但對教師而言，就好像殺了他們一樣，政府對他們踢一下，他們動一下。他們的心態是，跟大隊，實無衰。

公營之學校，就像公屋一樣，成本高，效益低。做為一個有良心和負責任之市民，我真不希望政府再投入更多之資源去辦教育，花22%之總收入，還未够嗎？所以阿大小一時，我選了私校給他。那私校收費比政府之開支低，但成效比津校好得多。阿大小二時，有了直資，我衷心為香港人高興，因為他們多了選擇。

香港人多了選擇，有些人選直資，其他人仍可讀其津校。選直資的人對選津校的有何妨礙？臻美本是中文小學，現設英文班，需要多點成本，要交多點錢。選英文班的對中文班的有何妨礙？正如有錢的上酒樓吃飯，無錢的像我吃茶餐廳。上酒樓吃飯的對我有何妨礙？我，决不至指着上酒樓的人大罵：有錢才可上酒樓，對無錢的不公平。酒樓啊酒樓，你見錢開眼…

無錢的就吃茶餐廳，有錢才上酒樓，這是我媽媽教我的。但是97以後之香港人，很多不問努力，只求擁有。人家擁有的東西，他們也要，拿綜援的如是，上不到英文班的如是。到底，是那些人之價值觀有問題呢？

首先我都好認同政府為教育付出了很多
22%既總收入
冠絕全球
我認同每個人可以根據自己實際(包括經濟)能力
而去選擇0岩自己既0野
但係JUDY用上茶樓做例子
我就唔係好認同
政府點解投放咁多資源落去呢
正係因為社會認為教育係基於一個基本原則──公平
就係要讓處身同一社會下既學生(不管什麼出身)都能得到相同既接受教育既機會
呢樣野同上茶樓叫點心唔同
我唔鍾意呢間學校既做法就係因為佢違返左呢樣野
我地既教育可以改變一個人既出身
但呢間學校既教育反而係要限制人既出身

我地睇下呢間學校既辦學宗旨係咩：
「提倡以「學生為本」的精神並全面推行課程改革以培訓九種共通能力和配合〈多元智能〉的課程及數碼化環境，讓學生經歷智性與感性並重的學習生活。此外，培育學生的德、智、體、群、美和靈並實踐基督教全人教育。」
的確以學生為本
不過呢個本唔係本質既本
而係本錢既本
咁既教育係讓學生經歷「出身與金錢並重」的學習生活就真

所以我一再反感呢間學校講到自己幾偉大......
不如亁脆講到明
我呢間係學店
樣樣都要收錢架
起碼打開門口做生意
光明正大0的丫

其次
對呢次學校既做法
我也提出了建議
「佢可以以提供課外既英文課程比學生，等學生自由選擇」
雖然我受既教育唔算得高
但起碼我知道尊重兩個字點寫囉

再講
我相信有部份人係存在JUDY所講既「很多不問努力，只求擁有。」
但係呢群「不負責任」既人既子女仍然擁有接受均等教育既機會
加上呢貼既主題係對呢間學校既做法而論
似乎不宜扯到他人身上

最後
家長們仲要諗一個問題
假使我依家交唔起學費
被迫入左中文班
過兩年我屋企環境好左0的啦
仲容唔容許我自由選擇中文定英文呢

路人甲乙丙丁

wkan 寫道:
如果要以消費者角度去看教育, 實在可悲!
培育小孩子需要恆久的耐力, 除了教怹知識外, 愛心、信心、責任心和處事態度非常重要。我所表達的要作出批評首先了解情形, 不要凡事鬧完先算(香港人的通病), 又沒有良好的提議, 只在說怎樣不公平、不合理簡直是岐視等不負責的說話。希望大家不妨從多方面去看事物!

wkan

確實可悲
但係我地就係有太多家長抱住呢種心態黎睇教育
所以先至會出現今日咁既崎型教育

路人甲乙丙丁

2JsAK 寫道:
回應 路人甲乙丙丁:

You seem over nervous than our Pegasus' parents.  If you are only a pass by and wants to alert us on this incidence, then thank you.  Otherwise, please do not say anything that insulted my children school.

You know nothing about this school as you only want to attack her through this incidence.  No more answer will be comfort you except complaints.

2JsAK

哈哈
你見到我個名叫路人既啦
路過之人
同呢間學校冇任何瓜葛
我身邊有幾位死黨都係老師
經常一齊討論時事(佢地亦同呢間學校冇關連)
眼看呢幾年既教改
方針正確卻難以推行或推行不當
講真
我都好擔心我既小朋友將來要接受0的咩教育
我自信仲可以應付到小朋友既教育開支既
所以
收費高低並唔係我評論呢件事既主要考慮因素
有國際學校
年費十萬
我冇意見
有DSS年費幾百
我亦冇意見
我有意見既係
學校既處理方式
現今教育連精英制都要淘汰
反而呢間響學校入邊製造階級觀念
我當然知DSS有學費減免啦
但係我亦知條件之荷刻
根本難以緩和1萬6同2萬8之間既差距
如果
我連1萬6都交唔起
要減免學費
當然2萬8亦可以減免啦
問題係夾心階層有幾多呢
貴為家長既你們有冇諗過下呢

呢個係論壇
任何人都可以表達佢既意見
我只係表達我既睇法
而且係有根據性既
咁都叫insulted  

既然呢間學校既家長認為我咁樣係羞辱緊呢間學校既話
咁我亦無話可說
最後
我都係果句
到底我地想小朋友將來做一個點樣既人

路人甲乙丙丁

wkan 寫道:
每奉改革, 都會有很多反對的聲音, 有些真正為了大局著想而反對,並加入良好的意見, 有些為要保護自己, 更有些只是個人主觀問題, 不加了解就硬說改不得。 你認為的不等於就是真相! 不要隨便大聲疾呼豈有此理!不要常說要下一代怎樣, 其實作為家長要有常作檢討和虛心學習的心態。
......

講到呢個程度啦
亦冇咩野值得再討論落去啦
再落去
我驚會演變為意氣之爭
好啦
亁一杯
就此散場啦
如你話齋
改革自然要面對重重困難
我都希望你地既子女能接受良好既教育

P.S.本人唔再就呢個主題發表任何意見啦