考小一對家長的壓力大到不能形容

魚兒小寶貝

唔知係咪同本人教育程度低有關，我真係唔能夠明白像樓主有這種心情的家長。我真心唔明，唔係串。係咪因為我自己學歷低，反而冇任何包袱? 我真的唔能夠理解點解可以壓力大到＂不能形容＂呢? 考唔到直資私校會點呢? 小朋友係咪會就此＂玩完＂呢? 係咪害怕比人＂恥笑＂呢? 係咪覺得幫唔到小朋友考到學校就係斷送左佢前途呢? 就算考到，家長係咪覺得從此唔會有壓力呢? 小朋友依家5歲，家長3x歲，唔知漫長人生仲會遇到乜，唔知到時能唔能夠形容呢?

魚兒小寶貝

ANChan59 發表於 14-3-31 09:35
我贊成，跟家長學歷冇必然關係。

嗯~即係咁，我地學校係村校之中既村校（位置比較偏僻），家長有6、7成係大6媽媽，而且各家長學歷高低亦不難看出。我地唔多學生會出去考直私小學，係因為本村有間直資，所以先至有d家長會考黎試下或玩下，好多都話考到都唔會讀，結果出左時大家只係嘻嘻哈哈。第一輪自行階段，有好些直接揀易入有位既2線中至尾學校，入到好開心! 所以，響我地學校，家長及學生之中，至少唔會有互相問＂你考到邊間＂呢個壓力。咁呢樣唔係家長樂觀與否問題，我覺得同家長本身學歷都有關係。

另外，中產家庭與低收入家庭，屋邨與私家樓，當中既分別無需爭論，在教育程度既比例上亦可想而知! 睇直資或私校d家長亦有提到＂我地學校d家長多數係中產或公務員。。。＂睇某校既新聞講及每人一ipad，個校長話＂我地d家長都係中產人士，可支付到。。。＂


低層家庭既家長對入直私學校既睇法好多可能係＂我地邊有本事吖!?＂呢個本事，係講金錢上定學歷上定兩樣都有呢! 其實你地覺得冇必然關係，係因為你地身邊多數都係高學歷或中產既人，而當中當然有對這事＂睇得開＂或＂睇唔開＂既人，所以就會有此認為了。

魚兒小寶貝

回覆 魚兒小寶貝 的帖子

＂未必係同教育程度有關，有啲係煩惱自尋＂

好多野都可以話＂未必＂，只係比例上遮。如band1A中學既學生未必入到大學、band3中學既學生未必入唔到大學。

魚兒小寶貝

回覆 ANChan59 的帖子

哇~唔係呀，唔係呀! 我堅低學歷，我成日上EK向你地呢d前輩學野，睇小學雜談可以學到好多野，好有幫助，令我知道點樣部署，同埋對即將遇到既困難有d心理準備。
話說回來，講真我係無論如何都想象唔到點解升小既壓力可以大到不能形容！之前都有睇過類似題目，我有時會諗，係咪d人太幸運，以前冇乜經歷過風浪起跌? 又或者生小朋友前係經過一輪＂深思熟慮＂，所以張責任背得太重? 今次我就諗會唔會同教育程度有關呢?

其實樓主或有這些想法既家長，介唔介意寫出＂假如我小朋友考唔到直資私校＂既＂後果＂出來呢?

魚兒小寶貝

回覆 Charlotte_mom 的帖子

版主你唔好代答啦! 我想知究竟有幾得人驚幾恐怖呢，而且我想知d家長覺得＂考唔到＂既小朋友，你會預期佢之後條path會點呢?

魚兒小寶貝

jadeklleung 發表於 14-4-3 23:07
我都好有壓力！辭左職，就係為了幫孩子走呢段路。但死都唔可以俾d壓力跌落佢身上。要佢作息定時睡眠充足， ...

盡人事而聽天命，既然識咁諗，就唔好比咁大壓力自己啦！你小朋友有你全職照顧同陪玩，雖然之後唔知你會否得到你想要既，但在于佢，已得到佢想要架喇!

魚兒小寶貝

我唔知人地做d咩為之準備，我自己就咁既：

1）囝囝一歲前已開始同佢睇軟淋淋果d BB書，之後沒有間斷的伴讀直至佢自己識睇書後仍會間中伴讀。。。；
2）教禮貌、規矩、講道理。。。；
3）數數、捉棋、玩家家酒、買賣、cards game。。。；
4）出街行到邊講到邊，搭車玩接龍、食野時比餐牌叫佢揀食物、在大街上介紹木棉樹。。。；
5）接觸好玩既興趣班，如整甜品、溜冰、畫畫、珠心算。。。；
6）一星期溫一次學校教既野；因應小朋友程度及進度，耐不耐在家教佢學術性既野；
7）K1開始上網睇及問其他家長有關小學既種種問題，開始硏究囝囝適合邊d小學（有條件限制下的所有種類），早一年開始聽簡介會及參觀學校我覺得好輕鬆；
8）有睇過果d面試題目，深果d太深冇諗過要教囝囝，淺果d太淺唔駛理。

講真，這是一個好普通既成長歷程，事實上就算唔係因為考小學，我既做法亦唔會有變。K1前我冇諗過考小學既事，難道我就唔伴讀? 唔教佢禮貌? 唔同佢玩? 唔報興趣班? 父母唔准教佢學術性既事?

種種條件及因素下我只報了3間直資，考到就讀，考唔到就抽，抽唔中就叩，叩唔到咪照返囉。唔係話我好樂意囝囝讀d個個都唔想入既學校，只係我盡量樂天知命，到真正遇到困難時咪勇敢面對囉。

魚兒小寶貝

N年前，有位朋友戀上有婦之夫，令到自己痛苦不堪，我諗極都唔明，朋友又叻又靚女，做乜要攪到自己咁! 另一朋友話有乜唔明吖，來來去去得幾個理由庶，錢、好勝、自尊心強\弱。。。
我唔明白既係 - 幸福，唔係喺自己手咩? 做乜要等人施予?
朋友話佢咪用緊自己對手爭取囉!
但需要咁痛苦嗎? 仲有好多男人吖!
哦~咁呢d就係性格問題喇!

當年我力勸果位朋友，但結果當然係嘥氣!
我知道性質唔同，兩件事唔可以咁樣比較，我問點解，可能答者可以舉出好多原因，呢d原因當事人梗係覺得重要。。。但。。。可否唔好睇得咁重呢? 係咪性格問題呢?