想請教如何令小孩有上進心?

little_yolky

greentea000 發表於 17-3-1 16:35
小四我開始消極對抗阿媽，佢一講野我就擔天望地或者轉筆，自我減壓，阿媽唔係屋企/係學校我係無呢Ｄ小動作 ...

好彩我都算勤力啫, 而且我唔睇電視, 唔聽concert, 基本上完全無自己既娛樂, 每日起身煮飯俾阿女食, 然後返工, 放工就陪阿女溫習傾偈, 然後就瞓覺。weekend就係同C6兵分兩路陪阿女去學嘢..............如果阿女咁話我, 我諗我會忍唔住打爆佢個咀。



不過, 好彩我都好自律, 無好似伯母咁chur, 我只要求大女盡力而為, 要求細女考到中間而已.......我諗我要求都應該唔算過份。

little_yolky

Ahbee02 發表於 17-3-2 12:37
所講極是。但要作為農夫的家長做到尊重孩子的天性，有時也頗不容易。好似我教阿女數學，有些應用題我覺得一 ...

唔識都好丫, 我個阿細直頭係發呆

叫佢計數好D, 但一到抄寫, 佢就寫兩隻字停一停, 兩頁嘢可以寫45分鐘。真係揸住枝筆發呆架。又或者玩手指。噚日仲要衰到發問無聊問題, 如下：

1. 爸爸, 我第時生咗寶寶, 係叫你公公定爺爺呀?
2. 咁我係咪生男仔同女仔都係咁叫架?
3. 第日生咗寶寶, 你幫我湊丫?


總之, 極盡所有辦法唔想做功課！！！！！

little_yolky

MrBeast  都ok，若佢話唔結婚生仔你仲驚  發表於 2 分鐘前


佢個目的係拖延做功課而已。
阿大係話唔結婚唔生仔的。我話想要四個孫, 阿細就好擔心了, 佢問我要咁多孫做乜, 家姐唔生, 佢要生四個好辛苦, 問我少D得唔得。

little_yolky

Ahbee02  你阿细真系好可爱。  發表於 2 分鐘前


如果唔計較佢無心機做功課、溫書、無上進心, 其實佢係好乖、好聰明、孝順又可愛既小朋友嚟。但一到做功課溫書就.........前排, C6同我講, 有無聽過父母俾仔女激到去跳樓架?

little_yolky

greentea000 發表於 17-3-2 23:53
我一直認為我對阿媽既反抗老豆多少有教唆。

係小六升中一既暑假有傾過，老豆無承認亦無否認，係 ...

好彩我對阿女要求門檻相對都算低, 俾佢自由度相對亦算高啫

little_yolky

MNIF 發表於 17-3-2 23:26
其實又不需氣餒嘅。我不知道你女兒有多大，一般來說小孩子在七歲以前屬於稱之為直覺式思考階段的狀態。從七 ...

如果按你既講法, 點解小一二數學要做文字題? 齋學計數咪得囉！

同埋, 點解要做閱讀理解? 我堅記得自己初小時係無做過中英文閱讀理解的。數學文字題都肯定無咁tricky。我又唔覺自己D中文同數有幾差喎, 英文都係因為中學之後跑輸大市, 唔關小學基礎事。

little_yolky

homeuser 發表於 17-3-5 00:48
我其實對佢要求真係唔算太高，佢如果可以在8點15分前完成功課， 就可以去公園玩，完成唔到就留在家，但唔會 ...

我都覺得自己要求唔高, 仲覺得自己係象媽, 但就唔係好明白, 大家都覺得我係虎媽而已。我對小朋友, 外人個個見到眼睛都閃閃發亮, 就連唔上進既阿細, 家長日連班主任都話, 如果佢第日自己個小朋友好似佢咁乜都自己嚟, 保持到咁既成績, 佢都十分滿意。咁我係唔滿意, 有咩辦法, 但我知道佢哋係咁, 一個資質問題, 一個性格問題, 我甚至唔揀間升B1率高既小學, 所以我真係覺得自己要求唔高, 不過唔知點解大家都覺得我要求太高。咁, 我都吾日三省吾身, 始終人哋雖然係外人, 但旁觀都清, 當局都迷, 自我反省, 自我調節教育方法同期望, 係我不時都有做既。

我要求真係唔高架。

little_yolky

greentea000 發表於 17-3-6 10:45
要求高唔高要睇同咩比較。homeuser係要求分數，個女自己同自己比較，比上次進步就可以。我媽係要我考第一， ...

拿, 自己同自己比呢樣嘢又係自己呃自己既。今次95, 下次94, 咁咪退步囉。今次100, 下次99, 咪退步囉。所以, 我阿女舊年考級69, C6同阿女講, 哇, 真係好喇, 考到中間, 有人叻過你又有人差過你, 而且, 你有68名進步既空間, 無咁辛苦, 如果你考第一, 年年都諗住自己要考第一, 做人會好辛苦架。

我响旁邊聽到O晒咀。但佢又不無道理。That's why响佢既眼中, 我係虎媽嚟, 但响EK既媽媽中, 我堅覺得自己係象媽。

little_yolky

homeuser 發表於 17-3-6 00:37
係生活態度，我怕我一放手， 佢就頓失分寸，所以好想佢可以係自己要求自己，冇我係身邊，一樣做得好  ...

咁你要早D放手, 因為初小分數係no big deal, 不過, 放手之餘緊係要遠遠望實, 又唔好俾佢知你望緊, 唔好俾佢知你著緊。做得好表現好開心, 做唔好就唔好有大反應, 叫佢下次再努力, 等佢知係自己既事嚟, 阿媽唔會理你。呢招我由小一開始做, 阿女都要到小三至掌握得好, 今年小四仲會預習添。最緊要係唔好俾佢覺得皇帝唔急太監急, 所以要早D做, 到高小要呈分, 你就無勇氣再做了。

little_yolky

IloveJJ 發表於 17-3-6 11:00
睇返你呢段野，我覺得你女唔係有無上進心既問題，係唔想用腦既問題。如果佢咁容易就攞到90分，佢唔出力都 ...

呢樣又真, 用腦要由生活開始, 阿細由細到大用腦整蠱家姐, 所以佢做數一講就明, 要用腦果D反為好D, 簡單加減就死得最轟烈。中文就最鐘意做重組句子, 叫佢抄寫佢可以做45分鐘。

little_yolky

greentea000 發表於 17-3-6 11:17
自欺欺人呢招我好早就用過，上學期特登考差D，跌出頭20，自制進步空間，下學期正常發揮，入返頭10。咁咪搏 ...

所以, 我咪話你阿媽over咗囉。我唔覺得我自欺欺人架。我細個讀書時, 我攞唔到100分係唔會滿足的, 但我係自我要求, 唔係父母要求, 我阿爸阿媽唔理我架。我唔會接受自己有能力但考得唔好的。但係, 對於小朋友, 佢係另一個個體, 我去考就科科一百分啦, 但佢唔得丫嘛, 所以, 我會根據佢哋既能力調整我既期望。其實我真係無乜要求架, 我唯一既要求就係盡力而為。咁家姐都好盡力既, 阿妹個進步空間就仲有好大。

我無教佢哋自欺欺人, 我係教佢哋知足者貧亦樂。唔係下下要考第一, 下下要考滿分既, 自己能力係咁, 盡咗力就得了。不過, 呢個諗法可能會削弱咗佢哋以後响社會向上遊既能力..................唔好理咁多, EQ萬歲！

little_yolky

IloveJJ 發表於 17-3-6 11:26
無錯無錯。小朋友真係要俾佢自己跌自己緊張先得。
我仔上學期考試衰咗，其中一樣係時事題。佢平時會睇新聞 ...

依家最大問題係阿妹, 佢EQ太高, 跌極都唔怕, 仲要加埋個C6同佢灌輸所謂既「中庸」之道, 佢對自己相當滿意。

little_yolky

IloveJJ 發表於 17-3-6 11:42
哈哈！咁佢想唔想同家姐讀一間中學呀？同佢講：如果想，就要努力啦！

錯！佢真係想同家姐讀同一間, 不過佢叫家姐同佢一齊讀聯繫間B2！

little_yolky

greentea000 發表於 17-3-6 12:17
老豆同我講既中庸之道係: 綜合其他人既期望(父母)、社會既要求(學校、公司)同自我要求(能力、目標、價值觀) ...

佢依家合乎佢阿爸對佢既期望、班主任對佢好滿意、佢自己對自己都好滿意, 所以呢個咪係佢既生存之道囉。

little_yolky

IloveJJ 發表於 17-3-6 12:38
哈哈哈！咁家姐點講先?
我細仔一路想話同哥哥同校，點知今次出嚟，佢成績好好（佢自己不嬲以為哥哥叻過佢 ...

家姐緊係話：吓！唔係嘛?
佢居然同家姐講：家姐你咁叻, 入到去一定考第一既, 好好架。

little_yolky

homeuser 發表於 17-3-7 02:08
我估我要俾多d支持同鼓勵佢， 同埋個人唔好咁急躁， 我係好心急既， 冇事冇幹，行步路都急急腳 ...

行慢D, 你會發現, 原來日日行過既路邊, 小野花開得好靚。見慣既狗屎同平時唔一樣, 顏色有D淺, 唔知係咪身體有毛病呢。今日天空對山D雲形狀好靚喎...............原來好多嘢值得欣賞。

little_yolky

Jane1983 發表於 17-3-8 10:49
回覆 little_yolky 的帖子

有同感。望子成龍，父母對小朋友的未來一定有憧憬。但梗係同佢一齊走過每一段， ...

係呀, 近來C6因為趕文脾氣暴燥, 所以我又要tune下, 到我放慢腳步。近來, 見到原來阿妹都唔係咁差既小朋友, 速度係慢D, 係成日走精面, 但俾D耐性佢, 佢都係一個乖寶寶嚟既...........雖然成績係有D差強人意, 無所謂啦, 好彩仲有聯繫中學。

little_yolky

hkpapa852 發表於 17-3-8 11:20
或者可以咁理解:

睇完人地既建議, 妳未必覺得啱用, 但至少妳會知道呢個建議有人係適用.

如果做人做事吓吓都話要去計成效, 其實好辛苦 <==========  我老公都成日係咁話我, 話下下計住晒, 做人好辛苦。我諗諗下, 我以前又真係過得幾辛苦, 佢又真係他條好多。

little_yolky

hkpapa852 發表於 17-3-8 11:28
妳會上嚟EK打發時間, 咁都應該都唔係計得好盡啫

做咗人阿媽之後先會輕鬆一下, 以前個人拉得好緊架。

little_yolky

hkpapa852 發表於 17-3-8 11:58
咁妳算係我認識中既少數了.... 我認識既女性(朋友既老婆), 都係做咗媽媽後變得緊張過以前既多
...

咁奇怪? 做阿媽緊張咗點得, D細路做嘢慢半怕喎, 你拖住佢行都要就住佢慢慢嚟啦, 教乜都要慢慢學, 唔快得架。

我本來都無咁慢既, 因為阿大學嘢都算快又自律, 當然再加上我哋要求低啦。但自從阿細讀埋小學之後, 真係唔到你唔服, 居然可以有D咁唔專心既小朋友, 咁唔怕死既小朋友, 真係激到嘔血架, 唔自己改變調適一下, 小朋友咪好慘囉, 我自己都好慘架。而且, 日日搞到屋企好似戰場咁, 老公都好慘既, 佢同你結婚係想有幸福家庭, 唔係想要家嘈屋閉, 係咪? 我阿爸話齋, 人人生九品, 品品不同人, 唔得咪慢慢教囉, 係本性係乖丫嘛。