請求幫助，新移民入學學位

little_yolky

Wawa12345678 發表於 15-6-19 05:09
請求幫助，我已經走過18間小學，但因為校方話，已無學位，只叫我填表！回家等消息！暑假就來到，我是否要等 ...

無可能, 你小朋友係新移民, 即係有身分證, 如果佢係適齡, 教育署係有責任响你既居位址校網區內搵個學位俾你的, 但俾乜就要乜, 無得揀擇就是了。

little_yolky

Wawa12345678 發表於 15-6-23 13:12
我小朋友就到11歳，大陸讀小四，今日岩岩有間小學打來！但有d遠，想請問五荀節小學，好不好，會不會有什麼 ...

你中途插隊, 小朋友又無特異功能, 基本上係有學校收你就要讀。如果你係上水地址, 即同屬北區, 粉嶺亦係北區校網內, 你可以同教署反映太遠, 但理唔理你就好難講了, 始終北區學位緊張, 有位俾你都要偷笑了, 無得仲揀話好唔好了。

little_yolky

大家唔好咁激動先, 樓主响#22話, 五荀節只係叫佢哋去面試, 無話收佢哋。

樓主, 如果無位, 唯有搵教署, 教署一定會搵到最近你屋企而仲有位既學校俾你, 如果你住既附近無, 佢哋就會搵鄰近地區。如果你小朋友讀到小四或以上就好D, 因為其實由今年9月小三開始, 小學位爆得好緊要, 其實係小四開始已經多人, 所以, 有位你就要去了, 你亦唔可以無適當既理由唔俾小朋友讀書的, 「遠」响香港唔係合適既理由, 小朋友唔讀書係犯法的。

little_yolky

其實大家可唔可以冷靜D呢? 樓主係新移民, 話小朋友剛到港, 所以唔係跨境, 跨境即係雙非或家住深圳要日日過關返學果D, 樓主係新移民, 即係香港人, 小朋友剛到港, 亦即係香港人, 住响粉嶺, 唔係跨境生, 大家唔好再叫樓主小朋友返大陸讀, 因為佢哋戶籍已經入咗香港了, 明白未?

little_yolky

bb67890 發表於 15-7-2 13:32
如果住係粉嶺又係粉嶺讀書咪剛好，點解話遠？

因為北區都真係好大, 同九龍校網唔一樣, 幾條街就話係一個網, 可能樓主初嚟步到, 想搵一間近一D, 唔想太遠, 始終要嘥錢坐校車, 又要好早上車, 但又驚入咗飛仔學校, 所以問吓啫。其實如果住粉嶺又入到粉嶺區, 都真係好好彩了, 因為北區學位真係好緊張。

little_yolky

anubisking 發表於 15-7-2 14:30
新移民又點,好地地係大陸咪幾好LOR,又要來香港.無人迫佢地入籍香港

北區大把新移民,唔做野,又攞綜援.

香港大部份既新移民當然係老公响香港。咁人哋申請落嚟緊係一家團聚啦。有攞綜援既新移民, 亦有相夫教子只有老公做嘢既新移民, 但更多係努力工作既新移民。佢哋入得嚟香港, 以後新係香港人, 就會對香港有貢獻, 點解要咁樣鬧人呢?

little_yolky

nillnill 發表於 15-7-2 16:29
如果住粉嶺又話于小遠，當然最好係佢樓下，但佢又唔講佢住邊.....當然，插班有位都偷笑，幾乎要有心理準備 ...

係呀, 尤其係北區, 所以估計樓主真係初嚟步到, 依家俾人鬧到潛咗水了。

little_yolky

RiboMM 發表於 15-7-15 07:03
you are sensible and cool!
my son will move to HK soon next month so I feel pity & surprised that s ...

如果可以, 試下考私校或直資, 雖然超級難考, 但因為普通話人少D (唔好意思, 你無講原藉邊度, 所以只好預設係普通話人), 師資又好, 小朋友靠實力考入, 唔同人爭大抽奬學額, 家長同同學仔都唔會歧視咁多。我女女班有一個同學仔係蒙古人, 姓敖的個名好有型, 女女問唔知同成吉思汗有無關係, 話佢好大隻


入鄉隨俗, 只要努力跟隨本地的規則, 融入社會就好了(不過, 唔好融入到變成激進派喎)。加油 & welcome to HK !!

little_yolky

mch411 發表於 15-7-15 11:39
大把小學有小五位, 只不過 D 學校唔想比人拖低小五呈分而拒絕樓主,
樓主要考慮你個女能否應付香港學校小五 ...

唔知教署派位入學前駛唔駛考筆試呢, 如果要考筆試, 可能學校會依小朋友程度編班吧。不過, 我諗樓主都俾人鬧到潛咗水了。

little_yolky

RiboMM 發表於 15-7-15 19:53
唔考试，连小朋友都唔见，要求就系各种身份资料住址证明。然后就叫人等，问多几句都唔耐烦。考试是当有学校 ...

咁你不如自己打多幾間電話問學校, 自己去考好過啦。

little_yolky

cherrieshum 發表於 15-7-16 10:37
其實，我們的祖父母和父母有幾多個不是新移民呢？不應歧視！

對啊, 有努力的新移民, 也有打尖的香港人。

little_yolky

bibitom 發表於 15-7-16 11:44
是那一間跆拳道館？

係咪想約出嚟比試吓

little_yolky

bibitom 發表於 15-7-16 14:41
好奇邊間可以預到過左暑假就升到帶而已，我呢間籃帶之後好難考，成年都未必俾佢考，佢仲要係日日操拳同出去 ...

國內操人點同香港操人 有無見過香港芭蕾舞團, 表演者大部份係國內出身。國內好嚴的

little_yolky

RiboMM 發表於 15-7-16 19:07
little讲得啱。我们目前深圳学，暑假必须日日打够兩個钟，踢烂一堆版，八月尾考试，我仔系优秀学员所以肯定 ...

其實我唔係好明白點解國內D小太陽咁矜貴, 佢哋肯同你咁操法???

我哋以前芭蕾舞, 大字馬只需要180度, 但國內學員係要壓出270度, 唔係一字, 係V字。小朋友一入跳舞室, 一定要壓, 教練幫你壓下去。其實, 咁辛苦鍛練小朋友接受到嗎? 家長又會唔心痛的?

little_yolky

RiboMM 發表於 15-7-21 21:49
其實我仔完全唔覺得辛苦，好中意幾個帥哥教練同埋返屋企都自己反復練習新動作。游水又係梗，阿仔中意，唔覺 ...

其實, 如可能, 不如幫仔仔考直資啦。

little_yolky

RiboMM 發表於 15-7-22 21:53
多謝，您說得對。現在叩門趕九月份來不及，要等四季度叩2016年。目前覺得語文數學完全沒問題，但英文差距有 ...

沙田大部份係中文小學, 你搵間中文小學插班咪得囉, 唔駛又煩多樣英數。你諗下, 插班試中英數三份卷, 如果中數兩份卷標青, 得英文差少少, 點都好過剩得中文標青, 數學一般, 英文差少少, 係咪? 沙田有學校仲唔止讀常識, 仲要讀science, 又係英文, 又要背一輪生字。所以去到高小插班, 不如插間中文小學, 只需要補番科英文就夠, 小朋友handle得好D, 入好中學既機會都大好多。

BTW, 香港呈分要呈埋音樂同視藝(美術), 呢兩科都唔可以掉以輕心。