小學一入深似海。

little_yolky

Yanamami 發表於 17-9-25 21:45
津校係禁谷……

入學前家長應該打聽到學校係咁容先選。除非唔係心儀被搞珠搞入, 否則............其實無咁谷又好既津校都唔少的, 睇下有無用心搵。

little_yolky

appledai 發表於 17-9-25 23:13
所以，所以，所以幼稚園一定不可太happy,要學多點字，中英文都要。

其實, 學多點字也是很happy的, 所以唔明白你所講幼稚園一定不可太happy既道理。我兩個都係 happy school, 但幼稚園已經有閱讀既習慣。

little_yolky

Yanamami 發表於 17-9-26 10:16
認字还認字，寫係另－回事，考試除識讀，仲要寫得快，默書尤甚~不过津校確係好鈡意用默書去確定学生識唔識 ...

小一不用寫得快, 又不是會考。到小三就要快D了。

其實依家happy K都一定有寫字了, 幼稚園不需要寫得深, 但應該多寫部首字, 對日後拆字有幫助。對小朋友而言, 認字比識寫更重要, 因為小一好多時唔會作文, 就算作都好多字提供, 有得抄。但係就會有閱讀理解, 要讀題目, 數學唔識字, 真係會好可憐, 明明識計的。常識都係得幾個生字。中文就一開波三篇閱讀理解, 人都顛。

little_yolky

CALVEN 發表於 17-9-26 14:29
我都認同考試默書好無謂其實平日默書我都唔讚同

考默書係俾小朋友拉分的, 起碼肯讀有10分渣拿, 最後可能就係靠呢幾分唔駛唔合格。

little_yolky

其實大家搞錯咗, 小一前要訓練好的, 只有自律同閱讀既能力。如果要考一線、名校、神校, 當然就要更早有準備了。否則, 揀一間有多D空間俾小朋友既小學, 小朋友到高中甚至中學就會遊刃有餘了。

little_yolky

當然, 大前題係家長唔好一開始就要求小朋友考第幾第幾咁啦。

little_yolky

1998Ruby1998 發表於 17-9-26 23:54
我今個暑假補幾個升 K3 幼稚園小朋友，都要佢地練寫字（限時）、串字、簡單心算、自理（垃圾、玩具自己執同 ...

小朋友自唔自律, 可以差好遠。

我一直以為我學校好hea, 因為阿大小一都係全部自己搞掂, 有功課堂時一般自己做晒, 默書自己溫, 測驗考試自己溫, 功課手冊唔駛對, 100%寫齊, 咁, 我緊係以為學校老師幫佢溫咗啦, 學校功課又少啦(因為真係得5-6樣)。


點知, 到阿妹讀小一, 先至嚟料！點解學校咁多嘢做既? 乜個默書範圍咁多嘢溫既? 點解咁多默書既? 點解功課咁多既? 一連串既問號, 原來, 小朋友自律同唔自律, 真係有天堂同地獄既分別。佢兩個來源同一間happy K。不過, 阿細比起班入面既同學, 又唔算最差, 起碼都叫寫齊手冊, 聽到老師交待D乜。日日响群組, 第一時間永遠係 "唔該影今日手冊俾我", 有時, 同學仔寫咗都唔知做乜都有。所以, 如果幼稚園功課唔忙碌時, 可以訓練到小朋友對讀書既責任, 上到小學就真係事半功倍。

little_yolky

IloveJJ 發表於 17-9-27 14:46
我兩個仔既group,大仔，我無乜提問，佢抄漏抄錯，我要佢自己承擔，一係自己打俾同學(佢唔敢)，一係自己攪 ...

但係, 我個飛行模式既阿細, 次次都答到家長提問喎。反而3G既阿大, 次次問佢, 佢就答：你唔好理佢哋啦, 上堂自己唔聽書, 理佢做乜啫。

都係阿細心地好D。

little_yolky

b3410 發表於 17-9-27 16:07
我就剛剛好調轉。大女到P3才可以唔使理，P2練習放手時，功課幾乎可以日日欠。。。。細女K3已經可以完全靠自 ...

你到P3唔駛理都算幸福了, 見好多家長小朋友升中都問「駛唔駛帶水壺」。