問廣東話人, 你地喜歡普教中多啲定廣東話教中文?

little_yolky

大件仔 發表於 14-7-18 01:00
支持廣東話教中文

呢幾年DSE中文成為死亡之卷, 唔知是否同呢十幾年改為普教中有關呢? ...

應該係同無咗範文關係大啲。查實不論普教中定廣教中, 對學中文都一樣。小學有七成普教中, 但中學現時則大部份廣教中。所以死亡之卷應該係因為無咗古文底。以前中一開始學絕大部份中文課文係古文, 中四開始又有文學, 依家中文課好多係五四後既白話文, 中史又唔駛上, 好多學校入咗歷史科或中國文化科。以前我哋文科人又讀中文, 又讀中史, 又讀文學, 所以依家係差咗啲。

little_yolky

yame 發表於 14-7-17 14:20
兒子現在揀小學了, 去了些簡介會或開放日, 發覺我唔係咁鍾意普教中...

唔知其他母語是廣東話的家長點睇?

揀小學無得咁揀, 一定要先睇校風同程度合唔合適, 有無升中back up或升中派位往積等等, 乜教中只不過係minor嘢, 是關升小遊戲係學校揀你多過你揀學校, 有得揀緊係好, 唔通間學校乜都好, 只有普教中一個缺點你唔報咩, 無咁既道理的。

little_yolky

hazeltsang 發表於 14-7-18 13:28
廣東話。但係我個囡的小學用普通話教，我都擔心日報後有啲詞語佢淨係識用普通話讀，而唔識讀番廣東話的音 ...

道理上應該唔會的, 因為屋企人講廣東話, 朋友又用廣東話, 睇電視又係廣東話(如睇), 中學大部份又係廣東話。只有少數專有名詞(即深到要查康熙字典至有果啲字)可能先會唔識廣東話, 不過小學應該唔會有咁既問題。

little_yolky

剛果公主 發表於 14-7-18 13:51
同意，但對於愛屋要及烏，我是很無奈地被迫接受！

係, 好無奈地接受佢得幾歲人仔, 學咗一年普通話讀得好聽過我, 啲輕聲同兒化韻好好聽, 令我又羨慕又妒忌。

little_yolky

yame 發表於 14-7-17 14:20
兒子現在揀小學了, 去了些簡介會或開放日, 發覺我唔係咁鍾意普教中...

唔知其他母語是廣東話的家長點睇?

廣東話！


1. 不過, 依家有7成小學普教中, 廣教中既未必收你, 肯收你既你又未必like, 所以, 根本唔可能係考慮因素

2. 唔理乜嘢我手寫我口, 作文好啲等等未經證實既理由, 小一生已經係一個大轉變, 字又唔識多個, 仲要用另一種語言學中文, 依家啲中文又唔係我哋細個時既「花, 紅花, 一朵紅花, 這是一朵紅花」, 係好深既閱讀理解, 咁你話小朋友係咪大鑊鳥, 依家小一就要作文了

3. 你諗下, 用第二語言學自己第一語言根本就唔合理, 因為要同時適應兩樣嘢, 點會好

4. 至於話可以學多樣普通話, 我認為只要加多一科普通話堂就可以了, 唔好攞科主科嚟玩, 又要顧中文, 又要學普通話, 中文呈分要X9, 學唔好好大件事的, 唔好因為一科普通話累街坊

5. 最後就只益了雙非、單非、新移民, 因為佢哋本身識或阿媽教, 就贏在起跑線了

6. 奉勸各位唔識煲冬瓜的家長, 如果知小朋友明年會入普教中小學, 暑假唔好玩咁多, 補一下普通話先, 雖然, 老師會就住嚟, 但點都最好先裝備自己, 人哋唔就得你咁多, 尤其係入咗寶校好多新朋友既同學仔, 老師唔可能為咗你果幾個唔識既本土人, 拖慢進度的。

little_yolky

chanwendy 發表於 14-12-2 10:11
我覺得中文同普通話係兩樣嘢, 中文應該用返母語去學, 我個人好反對普教中, 所以選校只會選廣教的, 我女學校 ...

你就好, 當年廣教中的無收我阿囡