Band 1 的中文中學，是不是真Band 1?

little_yolky

原帖由 MMVV 於 16-07-10 發表
但如果睇上年九真入u率，佢又真係達到b1成績bor！

數字要睇多幾年穩陣啲。

little_yolky

IloveJJ 發表於 16-7-11 14:03
樓主好野，正想找呢個資料。咁其實如果係b1生，甲部揀呢啲學校，係咪實入呢？



  ...

緊唔係啦, 如果係, 我甲一乙一填晒培正就得。

little_yolky

IloveJJ 發表於 16-7-12 11:46
我既意思係除了培正之外，因為感覺那些學校的受歡迎程度，都不及其他band 1英中。



  ...

咁如果你係B1揀B2學校, 緊係sure win啦, 但如果係B2, 就算甲一都未必win硬嫁。不過又咁講, 如果小朋友係B1, 又無理由甲一乙一揀B2學校掛。

little_yolky

hkpapa852 發表於 16-7-12 12:03
回覆 little_yolky 的帖子

金文泰過去3年3322率

.......真係我間聯繫B2都好過佢, 點解會搞成咁。

little_yolky

IloveJJ 發表於 16-7-12 19:00
我仔不是K3看完level 9喎! 而家小三先開始Roald Dahl喳，咪遲囉！成日見你哋講嗰啲chapter book，佢都未睇 ...

咁係囉, 佢哋都唔明白我哋既, 見到人哋K班睇完ORT Level 9, 自己果個一年班仲睇緊Level 1, 你話幾沮喪呢。

D細路真係好勁架, 隨便一街都係, 上次响大快活, 見到好平凡既一家三口, 個女仔攞住本英文故事書, 好似阿女本《長生殿》咁厚, 睇佢個樣咪最多P4。死啦, 點解可以差咁遠嫁。



不過我定過你, 因為阿女間聯繫, 中文、中史、世史都拋離晒全港平均好遠, 通識都係中文, 係數理弱D, 所以唔駛擔心。

little_yolky

MASAYA 發表於 16-7-12 19:41
妳咪扮野，妳細女偷睇ORT5，想睇7，係妳逼佢睇ORT1咋

咁佢小一上學期真係連an同and都分唔開喎, 唔睇L1睇乜呢?

little_yolky

原帖由 IloveJJ 於 16-07-12 發表
係咪要視乎大學讀咩科呢？

咁其實最大鑊係英文差，好難搵工的，大學事小。中中同英中最大分別，咪英文好Dlol

little_yolky

王家爸爸  明幾多先係重點   發表於 1 小時前


本書咁厚, 唔明無理由睇啫。我俾本紅樓夢原著阿女睇, 佢睇咗兩頁就同我丟埋一邊了。

little_yolky

IloveJJ  咁你又唔擔心個女英文差嗎？你又唔怕俾佢讀中中既?  發表於 1 小時前


即係咁, 入到培正, 培正D英文唔差, 如果入到合適既英中固然好, 最後真係入到聯繫, 咪外補囉, 英文真係要搵外援架, 我真係幫佢唔到了。

little_yolky

hkpapa852  題外話, 原來大埔區升中人口增加好快, 千祈唔好諗轉網升中  發表於 1 分鐘前


死啦, 過多兩年學童人口升返咁多, 教育局記唔記得加返D學額架。

little_yolky

MASAYA  教育局從來冇理過，唔係唔記得  發表於 29 分鐘前


唔係喎, 佢有主動減班減人數喎, 咁減咗緊係要加返啦, 有借有還上等人也。

little_yolky

IloveJJ 發表於 16-7-28 20:43
但大學如果讀中文嗰啲，唔係都係用中文咩？我朋友讀中大文學系，出來做編輯，都係讀中文架喎!



  ...

就用中大做例子, 就算讀中文系, 都唔只係讀中文系既課程, 仲要讀通識, maybe & 正常仲會加一個副修(方便搵工), 咁就唔係一定只用中文了。仲有, 如果小朋友有興趣讀比較文學點算? 雙語基礎好十分重要, 正如你有錢而唔買嘢總比你無錢而無得買嘢好, 雖然客觀情況係你都無買嘢。

little_yolky

原帖由 Yanamami 於 16-07-29 發表
本帖最後由 Yanamami 於 16-7-29 18:23 編輯

⋯⋯PC啲英文⋯⋯已經算好lu喔⋯⋯

little_yolky

Yanamami 發表於 16-8-1 23:06
我呢d中中畢業既阿媽更加係愛莫能助，佢要自生自滅了……

我自己當年都係中小上中中, 但學校同你一樣, 數理係英書中教, 英文科就緊係完全用英文啦, 唔知點解一D問題都無喎, 自己可以轉Nicam, 又無驚, 小學有一個同班同學中二時仲考咗去伊中添。不過, 就係唔明唔知點解好擔心個女, 成日覺得佢會唔掂咁。

little_yolky

Yanamami 發表於 16-8-2 17:48
Sorry, 我地上英文堂都講中文……貫徹中文教学｡

我仲記得我哋學校大部份係中小上, 有D英小, Miss第一堂大家派張卷quiz一下, 睇下大家乜程度。但由第一日開始, 上英文堂從來無用過中文！


係中四時唔好彩, 遇著我平生唯一一個唔好既老師, 仲要一教教兩年英文。咁你話死唔死！佢係唯一上堂用過中文既英文老師, 因為堂堂用英文鬧人, 有D同學聽唔明, 所以佢英文鬧一次, 中文又鬧多一次, 我就堂堂要聽人鬧足兩次。但係隔離班好開心架, 經過時會聽到佢哋用英文debate, 上堂充滿歡樂既笑聲, 我幾咁羡慕。

little_yolky

MASAYA 發表於 16-8-2 18:31
妳中四既情況我中一遇到，又係教兩年，又係堂堂鬧人，全部字眼都係侮辱性，例如「搵人捐器官一定捐你地個d ...

吓？真係一山還有一山高。我miss都只係鬧我哋成日唔做齊功課, 又唔備課, 上堂唔識又唔問啫。不過唔關我事喎, 我做到足喎, 又無唔明, 你想我問乜啫, 唔好累我丫嘛。果兩年, 真係差唔多完全無機會講英文架, 因為我哋班已經少人哋兩堂(因為修視藝, 要多人哋幾堂, 所以要減英文), 仲要嘥時間鬧人, 咁咪唔掂囉。不過, 你咁好既? 有鬼佬, 我哋學校無鬼佬架。真係好彩大學面試果年用普通話+廣東話。

little_yolky

MASAYA 發表於 16-8-5 12:42
頭先上網查過版權問題，中国同香港、台灣既既版權唔同，香港、台灣既書價有限制要跟原著價格，中国買左版權 ...

實體書當普通商品, 出口應該無得抽稅, 關稅係入口稅, 所以响中國買既實體書入香港應該唔駛打稅, 因為香港賣水貨係合法, 唔駛打稅。

little_yolky

mcl203 發表於 16-8-5 18:22
似乎，版權同稅收係2樣野，要睇番最終版權內容，我估乍~~~

所以版權係關出版社事, 出版社搞掂D版稅就得, 佢哋規定响大陸賣, 但我哋走水貨, 佢哋控制唔到。

little_yolky

mcl203 發表於 16-8-31 11:08
係本土 和 外國 相信係有D唔同.....當然溝通到就已經好OK
始終....香港既native....一去到外國係會有D考驗
...

另一個分享, 老細女女自小英文已經好好(香港既標準嚟講), 聽說讀寫都OK。高中考咗入李寶椿, 成間國際學校唔同人種日日講英文, 仲要寄埋宿, 英文緊係仲好D啦。後來考到去美國常春藤既大學, 雖然佢英文都係無問題, 但最初佢都覺得外國人D英文講得好快, 佢都用咗少少時間適應................我心諗, 換咗其他人咪死得?