呈分試深淺問題

little_yolky

花生友 發表於 16-7-9 16:18
請各位高人教，我很蠢的，可否詳細分析。   thank you very much

簡單D講, 你只需要打底同校同級既同學仔去爭取較前既呈分名次。

你係同全級既同學仔鬥, 去爭取師兄師姐為你們打回來既江山(band 1百份比), 但呢個百份比無人知, 學校老師亦只能根據過去派位小朋友派去乜學校來斷估無痛苦。


至於自行, 教署就會根據呈一呈二既次第, 將小朋友全港排次序。咁相關中學, 就會知道報考小朋友既前後次序(唔係真係次第, 例如100個報該校, 只會知道該100個小朋友成績既先後排位順序, 而唔會真歷知道佢係响全港排名既名次)。


所以, 江山係前人幫你哋打返嚟既。要對師兄師姐好D呀。

little_yolky

原帖由 奥脫福 於 16-07-09 發表
本帖最後由 奥脫福 於 16-7-9 23:22 編輯

咁點解去年（抑或前年呢？）我話學校知道同學banding比例，俾幾個家長插到我死，前輩都話應該唔知，你又唔出嚟幫我講說話？

little_yolky

原帖由 sunshine0613 於 16-07-10 發表
很多小學小五及小六成積表不標示名次(無論班及級名次), 各科成績只有grade, 不顯示分。grade是拉curve, 而 ...

不是說通告的表，係通告表下的小字，表示學校收到學生派位成績時，簽署保密協議，不可以公開學生所屬派位組別，即banding。如果不知道，何須簽協議？

little_yolky

洋蔥頭媽咪 發表於 16-7-12 08:19
我就鍾意我仔學校呈分卷深淺適中唔算太難，不過通常有一科會深少少(eg.英/數)，校長話深少少容易分同學高低 ...

借樓主個帖問問, 請教各位大大。

噚晚飯局, 親戚(仔女已經係中學生, 都係入地區B1頭中學)話見我依家女女升小四, 搵NET補一補個oral, 諗住升中面試好睇D, 佢哋兩母女異口同聲話無必要, 嘥氣, 因為佢哋堅持話學校講既咩咩比例都係呃人既, 成績佔99.9%, 智商130, 面試就算你坐响度都會收, 仲舉咗佢朋友例子, 包括Queens、DGS、協恩、LS等等名校。


咁, 我想問, 名校可能係咁啫, 我女女唔會考丫嘛, 咁如果一般既英中, 係咪面試會用英文? 佢哋話英中面試都係中文喎。表入面講既各類別評分百份比, 係咪呃人架? 但明明有JM話某某中學, 同校級5同學仔無收, 收咗個級1X喎, 因為級1X有好多活動同埋面試好D, 級5乜都無只有成績同埋面試唔出聲。咁其實係咪真架?

little_yolky

CALVEN 發表於 16-7-15 13:51
面試大部分學校中英兩樣都要的，我覺得大部分睇成績，面試時正正常常已ok，唔出聲死梗，但我見好多成續普通 ...

咁所以話學術佔40%, 面試佔20%, 操行佔20%, 活動及獎項佔20%都係呃人, 其實係學術佔99.9%?

little_yolky

IloveJJ  不同學校有不同準則吧！  發表於 25 分鐘前

所親戚母女話學校寫出嚟都係呃人的, 99.9%係學術。

little_yolky

mcl203 發表於 16-7-15 15:36
你朋友D例子唔一定準....DGS 一定唔係只睇成績收生
只有成績既...隨時申請表都唔俾...亦見入到去最後一輪面 ...

我都聽你哋係咁講, 噚晚聽到佢兩母女講, 當堂好shock, 佢話考到級20內最實際。我心諗, 咁已經做到了, 我下個目標係級15內喎, 咁課外活動同比賽我仲駛乜搞咁多嘢, 咁辛苦又嘥錢。

little_yolky

gracelam 發表於 16-7-15 15:43
宜家先玩比賽已經太遲，人地玩左4，5年了。

比心機考好呈分試，仲有好多好選擇嘅。

我小二開始比賽, 小三攞咗D獎, 但JM話無用, 所以諗住小四要再接再勵, 但如果無用, 咁唔駛辛苦。

little_yolky

mcl203 發表於 16-7-15 15:51
1A小學1A成績....申請表都唔俾都見過...連入場都無份
但BPS收左~~~

其實我無諗D咁神既學校, 都係諗住丘中、銀禧、黃笏南、旅港呢幾間, 因為除咗黃笏南, 其他學校年年有人入。

little_yolky

MariaTsui 發表於 16-7-15 18:11
我沒有呃你，我只是覆述老師的說話，可能因為試卷出得深，令孩子失準，用來安慰家長，但事實是很多同學有C ...

唓, 其實係學校考得深, 咁小朋友操得勁, 個pre-s1考得靚仔, 咁個B1 %咪高囉, 老師呃人。

但自行就有D蝕底, 不過收慣你學校既中學都習慣咗見C, 知道大概水平, 係跨區慘D。

little_yolky

IloveJJ 發表於 16-7-15 22:56
其實你想考呢啲學校，如果過往學校已有人入，你不如打聽下係咪自行入?要幾多名先有機會?需唔需要其他活動? ...

其實我哋學校年年1/3人考直資, 所以banding好難估, 係跨區既就知係自行, 好似舊年一個去SP boy, 一個去SPC, 仲有年年三四個迦密, 咁呢D應該係頭十名內既同學仔了, 其餘就間間一兩個咁, B2直資就多, 所以我就唔敢搏, 係考年年有人入呢幾間。老實講, 黃笏南唔係咁啱我女女, 不過近火車站, 所以都會去參觀睇下。

little_yolky

奥脫福 發表於 16-7-16 15:44
我仔學校的評分制度好緊，總平均分有九字頭的每級應不多於三個，不過同學們
在自行時都唔覺會點蝕底！個 ...

名校係著數D。不過見到有D學校, 叩門時無全A就唔俾表你, 又有D唔駛考試, 放底資料就得, 呢D重成績既學校要叩就好蝕。
有D學校90分A, 有D85分, 但又無寫實分, 成績表寫個grade, 科科其實89分, 但全部B, 真係氣結。

little_yolky

原帖由 IloveJJ 於 16-07-16 發表
原來如此，咁真係好難估。九龍真光啱唔啱?

都啱架，近火車站嘛，校風又好。

little_yolky

Eat_Sleep_Play 發表於 16-8-16 13:51
如果九龍真光，不如讀返你間聯中

都係既, 不過九真近好多, 由屋企出發, 繁忙時間應該45分鐘內到校園入面, 聯繫中學就隔涉D。