失敗了嗎！

little_yolky

過了兩個月的悠長暑假, 今日新學期新開始。
暑假時, 我幫囡囡訂好時間表, 叫佢依時做。主要上午看書/練琴/做功課, 下午全部free time。問佢, 佢又話有跟住做, 我當然相信佢。點知响暑假最後一日.......

原來六歲既小孩子係唔可以相信的, 佢無跟time table練一小時琴, 只練15分鐘, 無聽audio book, 無做練習, 無練寫作。一日到黑只是看中文書, 做圖工, 買咗10本英文audio book佢只係聽咗2本, 之前小一既教科書唔明白又唔趁暑假溫番追番。我問佢究竟想點, 係咪想日日補習, 佢又話唔想, 因為會無咗free time。我同佢講想自由就要自律, 唔自律既人就無自由可言, 好激氣, 想嘔血, 白白欺騙咗我既感情, 以為佢咁乖咁聽話, 好失望。

失敗了嗎? 所有小朋友都要迫先做的嗎? 一定要媽媽變怪獸嗎?

little_yolky

MASAYA 發表於 14-9-1 12:36
係失敗左，係你失敗左，佢冇失敗，佢冇做唔到自己訂既時間表，只係冇做你個時間表

子女唔跟父母 ...

但係佢講大話同我講話佢有做。

little_yolky

MASAYA 發表於 14-9-1 12:41
佢講大話畀你識穿左，咁佢失敗左
咁佢對講大話被識穿有乜反應？

驚俾人鬧而已, 所以好想打佢一身, 唉。

little_yolky

tester5 發表於 14-9-1 12:47
你個女同我個女一樣, 都從來唔會跟我既時間表, 或講大話話有做, 原來冇.

我唸要6歲既小朋友跟時間表係難少 ...

真係中國人唔可以有太多自由? 佢番學時因為無乜時間, 係會跟時間表做的, 但暑假咁長咁好, 真係好浪費。做樣樣嘢都係打個折, 第日做人都係咁你話係咪死得。

little_yolky

HaYi 發表於 14-9-1 12:58
我個都上P3, 從來唔會聽話,  我好明佢個套, 我set 左大綱都只好隔時check 下有冇做, (其實佢有做basic 我已 ...

我真係嬲到想操佢卷！

little_yolky

LHLMother 發表於 14-9-1 13:10
要六歲小朋友每日自動波彈一個鐘琴, 好似誇張d喎!

但係佢可以全日做4、5個鐘頭圖工, 做到隻手痛, 第二日都仲要繼續做, 我只不過要求佢練一個鐘琴而已。

little_yolky

小時了了 發表於 14-9-1 13:03
今年錯了, 明年再想改善方法, 仲有好多個暑假, 唔好咁上心. "舊事已過，都變成新的了", 新學年, 新開始.
...

出年暑假佢就知死。

little_yolky

stefi 發表於 14-9-1 13:32
因為鐘意，所以先會投入同唔怕辛苦，所以圖工喺佢心目中係重要d。雖然佢冇練琴1個鐘，15分鐘都好呀，起碼佢 ...

你真係好樂觀。

little_yolky

chanwendy 發表於 14-9-1 15:03
我反而有啲奇怪, 你訂完時間表叫佢跟, 你又一路冇 check 吓佢係咪真係有做? 點會去到最後一日先發現佢原來 ...

因為時間表係上午四小時, 睇一小時中文書, 一小時英文書/audio book, 一小時練琴, 一小時暑期作業/練習/寫作遊戲。下午free time / 游水(一星期兩日)。
佢寫作最初有做, 好似寫日記咁同我交換。但後來話想寫故仔, 寫咗Frozen下集, 講到Elsa個老公被士兵殺死咗, 故事就唔知點再發展就無心機寫了。咁買咗啲好簡單既英文數佢做(佢讀中文數), 做到喊, 咁算啦, 唔做啦。後來又話想瞓耐啲, 8點至起身, 咁就無咗一個鐘, 咪無咗最後個個鐘囉。佢就自己縮短練琴做暑期作業, 又自己合併咗睇英文書同audio book變為只聽同睇audio book, 一tick做晒, 一日到黑只睇中文書/雜誌同做圖工。因為我放工返去佢成日攞住本紅樓夢, 仲問我媽咪free time可唔可以睇書, 咁乖我咪以為佢一直有睇書囉, 點知係一直只睇中文書。間中問佢有無聽audio book佢又話有, 妹妹仲要做幫凶話家姐有聽。

噚日執返學書包, 囉咗本小一picture dictionary是旦掀開幾頁問佢, 一個都唔識, 再被我嚴刑烤問至得出實情。我都警告埋妹妹, 叫佢醒醒定定勤力啲, 唔好一齊為非作歹。

little_yolky

Yanamami 發表於 14-9-1 15:35
我有相同疑問。6歲人仔，唔喺話事事要監管住，而喺要時時guide住，事關他們未有自制力。自動自覺？只有好少 ...

因為佢自小一9月至翌年6月考試前, 都係自動自覺做晒所有嘢, 我唔駛理佢功課測驗考試溫書, 所以可能係咁高估咗佢, 期望越大, 失望越大, 真係人係有憜性, 只要懶散咗, 就唔會自律, 兩個月暑假太多了, 唔怪得有啲家長要幫小朋友排得密密麻麻。仲連自己辛苦建立一年既credit都無埋。

little_yolky

Miss_Parker 發表於 14-9-1 16:23
其實小學生暑假不是應好好玩下休息下, 你女女有睇下書而不是打機看tv好乖啦! 講真大人定時間表都未必日日跟 ...

講到睇TV先至嬲, 個爸爸都係幫凶, 我見佢返學無得睇電視, 晚晚安排咗30分鐘俾佢睇, 點知日日睇足一個鐘, 爸爸話我安排果個時段仲未做佢個favourite programme喎。我見因為係free time, 所以隻眼開隻眼閉咋。

little_yolky

chanwendy 發表於 14-9-1 16:43
其實暑假睇一個鐘電視都唔係好過份啫, 其實真心你的要求都好高吓喎.

真心覺得睇太多電視, 無益的。

little_yolky

茄子 發表於 14-9-1 17:07
佢講大話係唔啱！但佢都唔算全部冇做，只是偷工减料，唔太差！另外，一曰練一小時琴會唔會太多？！我上個星 ...

吓, 原來練15-20分鐘就得, 我阿女個老師話一個鐘的, 我咪信佢囉。我阿女學咗成年都仲未考得級, 老師話佢個程度要出年年底至考到2級。其實, 學琴唔考級得唔得?

little_yolky

yovin 發表於 14-9-2 04:28
請問點解暑假咁長，你卻在開學前才發現她無跟你timetable呢？
因為我同細仔一同定下時間表後一星期，就發現 ...

因為暑假初頭, 係見佢有做嘢的, 同埋, 一直佢都有揸住本書, 最大問題係我問佢佢話有做。
幼稚園時因為只有兩個禮拜暑假, 佢一向好乖, 所以我信佢就無check佢。信一個人又點會check佢呢。點知開學前同佢執書包, 我無聊攞起本小一picture dictionary考下佢, 佢一個字都唔識。如果睇咗兩個月書有乜理由唔識。見佢眼神閃爍, 我就知有問題, 於是嚴刑迫供下得出真相。

little_yolky

annie40 發表於 14-9-1 22:02
時間表的目標是讓孩子學會自律，守信，自我約制。是很好的生活功課！其中要完成的內容並不重要。

因為要上 ...

其實時間表訂好後係有同佢商量過的, 佢話好, 我就整到A3貼响牆度。我仲以為小學咁大個人就唔駛再咁多花臣, 不過, 都乎合國情, 可以滿足佢做圖工既欲望, 好, 試下做一張2D時間表先。Thank you

little_yolky

stefi 發表於 14-9-2 01:07
考唔考級主要睇家長同小朋友考級既目的。
家長: 培養興趣or為左學業
小朋友: 目標or評估自己既程度

學鋼琴的目的：

家長：培養小朋友琴棋書畫的氣質
小朋友：因為學校規定要學樂器, 所以揀樣最易學

家長+小朋友其實都唔想考皇家音樂試, 咁係唔係可以同老師講唔考試, 操下學校老師俾首考試歌仔就得?

little_yolky

Ceci333 發表於 14-9-1 22:12
呢個都要比空間，不要label她是liar。告訴她不要瞞，不要說謊，和說謊的問題在哪裡。你容許她犯錯，她才沒 ...

噚日學校派手冊, 我填手冊資料時見到有校規, 我指住其中一條同佢講：不可向長輩及老師講大話。佢尷尷尬尬咁响度笑。

個個都知道講大話唔啱, 但人人都天生識講大話, 仲可以點教佢, 點同佢講呢。唉！

little_yolky

Olympian 發表於 14-9-2 10:36
唔好意思呀媽媽，我覺得個時間表太harsh.....4hrs靜態活動，好難每天都做到。打從時間表的設計，已經看到敗 ...

大家討論下個時間表。

你覺得將一日時間劃分兩段唔好嗎? 半日做完計劃內事務, 有半日可以自由玩, 看上去靈活度大啲喎。咁上午流流長, 8-12有四個鐘, 如果只安排練琴半個鐘、聽CD一節、做暑期作業/練習/寫作一個鐘, 咁唔會太閒嗎?

little_yolky

Olympian  所以我係讚成上興趣班的。


佢都有興趣班的, 不過主要集中响星期六, 要學鋼琴、芭蕾舞、唱戲, 暑假加多游水兩日同耍纓槍, 停咗芭蕾舞, 因為撞時間。

little_yolky

MASAYA 發表於 14-9-2 10:56
你個時間表有冇break? 係連續四個鐘定每件事中間有個break? 如果目標距離遠小朋友就好易放棄，目標短，見到 ...

無break的, 我同佢講如果攰可以中間休息一下無問題的, 又唔係返工, 所以只要大概跟住做就可以, 唔一定要做足一個鐘, 如果做到45分鐘已經好好了, 只不過, 佢係做15分鐘而已