因小朋友患有先天腦病,想放棄撫養權!

Kyle

唉！點講呢！當年我同社工問咗可否放棄撫養權，社工見我情緒好劣都建議我放棄，她話父母一簽紙就會送走佢，以後與我地無關。咁我問：「可唔可以探下佢，問下有無人俾夠衫佢著和俾夠野佢食。」社工話一概唔再關我地事，社處送佢去邊到住或去邊個家庭都唔會話我地知。

唔知以上安排係米你所想？

唔知點安慰您！生命好多時都是無奈，將個痛苦習慣到變咗無乜野，日日個心被條杉拮住，拮拮下就會慣咁。

捱下捱下你對生命看法會變，當然你現可以諗清諗楚放棄撫養權係米你要的方法。這個放棄，唉！瓜咗可能心會舒服點，日日都知道有個仔女在唔知邊處，唔知其他人點對待佢，個心可能會長另一條更大的杉出來。

Kyle

多謝您問候我仔。

係呀，樓主情況我好明白，唔想揾另一個差過樓主個囡嚟比。比完樓主個心都不會舒服。

咁多年，我自己都接受唔到啦！什麼自己個仔得父母會愛錫佢！什麼這是上天的禮物！大整古就有份。

唯有時間啦！可以好漫長！時間可以醫治一切。人點唔開心，地球也無情地繼續轉，唔會為一件件的人間悲劇而停低不轉，唯有自己調節下，習慣下。自己無勇氣去死就開心唔開心也得過每一天，咁就儘量叫自己開心啲地過啦。到今天，我習慣了一排，我信生命充滿希望，有希望才是生命。過一排，好多看法都會變。
祝福樓主！

Kyle

終會有一日有路行。It is a matter of time only.

至於生唔生多個，隨心啦！現在做你認為舒服的事就可以了。去到每個階段都會有不同的想法，今日以為自己無路行，幾年後回想返，可能都忘記了今日的傻想，或就算記得都一笑置之。

朋友，人生有起有跌。試過什麼是苦，先會珍惜樂的時間。你跨得過呢關，之後有什麼困難可以阻得你呢？

Kyle

知道你囡情況都頗嚴重，很不好過。從來都不會認同這是上天的禮物，點解要俾咁大厚禮我地？

係，路還是要行，你都要努力，今日唔慣，好似無路行咁，唔死既，行下行下唔覺唔覺米又唔知點解行得好鬼遠。

Kyle

今日都唔sure 自己有無明天！

講就講啫，呢排聽到什麼感恩呀，禮物呀，個心都好戚。我見到個天是灰色的！

Kyle

未慣㗎，sorry 自己都攪唔掂，無資格去安慰人。

你問下邊個會開心呀？開心果啲米少少事瓜瓜嘈果批囉，煩到唔會睬。

不過咁，只有自己幫自己，喊餐死也不會感動到老天爺。

Kyle

原帖由 kimluibaby 於 14-08-28 發表
回覆 Kyle 的帖子

Kyle, 唔好咁講, 自從睇到你的留言, 我個人都平靜左少許, 雖然現在我還有放棄撫養權的念 ...

老友，你聽埋聽埋咁多意見，千篇一律都叫你不要放棄撫養權，覺得b女會好慘，佢最需要父母愛錫等等，唔好話你，我以前都聽唔少。其實針唔拮到肉唔知痛，是誰最慘呢？b女還是父母呢？那種日日個心尺尺痛和晚晚嚇醒真是非筆墨形容。但好似個個只會覺得b女慘，個父母慘就是理所當然，一定要受咁。

我呢啲算半個過來人（我仔無b女咁嚴重，當半個好了），唔得閒同人講道義呀，我講唔出b女好需要父母愛錫呢啲客套話，我只想從你的角度去睇，如果放棄b女你會好過點，我衰啲講句米去做囉！你若是big 6 生個殘障就走咗去，佢地真好爽㗎，個心仲好舒服添。若放棄撫養權解決到個問題，我早揀了。就是放棄個心就更加唔舒服囉！既然解決不了件事，你不如疊埋心水諗過第二樣。

Kyle

原帖由 carmenkmlo 於 14-08-28 發表
Kyle, 先向妳說聲不好意思，
如我的留言令妳感到忐忑不安。

Sorry, 我回去收斂下。

Kyle

可能真是一身兒女債，我剛諗起廖啓智和他去世多年個細仔，瓜咗好似一了百了，咩都解決了。原來智叔咁多年都唔慣，都好記掛住在天上的仔仔。

Kyle

多口問句，既然是先天腦病，出生前有無一些產檢如抽絨毛羊水等去驗染色體可以驗到？還是要等出世後才知？

Kyle

有無照結構超聲波？應會照到大腦小腦。如產檢驗不出，生多個米巧驚？

Kyle

抽羊水或絨毛，不是基本產檢，政府要Oscar 驗唐氏高危先會叫孕婦抽的。絨毛或羊水只會做其中一樣，看週數來決定。

Are you sure your wife has done this checking?

Kyle

Sorry, 因為有些朋友看完個post，想清楚有無方法有得防避。

直覺如抽過絨毛或羊水和照過結構都好穩陣，有咩事醫生都會叫人在24週前落咗去。

Kyle

自閉症當然驗唔到，出世時焗親或早產也防避不了。但先天性或結構性有問題，應該產檢都可驗出來。去一下s 位或特校或過隔離唐氏寶寶已可見到現在特殊最大客戶是自閉兒，唐氏已絕無僅有，只餘那些因宗教關係都要堅持生下來的唐寶寶或Oscar 誤診的。至於大腦麻痺就無得避，通常是早產或焗親造成。

有得防避當然盡做啦！要生第二個既就無謂擔驚受怕。
我一向唔認為自閉是天生。但大家的背景不同，我也不花神解釋觀點了。