Band 1 中二成績包尾，去外國讀書等於浪費？

1998Ruby1998

BAFS、Econ、Eng Lit 呢個組合。7 科裡面有 3 科數理，3 年來嘅痛苦一篇文章都寫唔曬。勉強讀完中學，好彩入到英國大學，我讀語言學，我讀得超級輕鬆，24 個小時嘅法文課程我就已經由零變到 GCSE 水平，法文考試 2 個鐘頭，我 45 分鐘就做完。我仲努力咗好多，讀咗咁耐書都冇試過自動自覺溫書。
如果我早過去讀 GCSE，然後 A Levels 讀 Accounting (BAFS 中五程度) 同埋兩個語言，3 條 A 對我來講唔成問題。我父母都唔洗日日勞氣叫我溫書，我都唔洗咁多年除咗讀書補習就唔出街，星期六日補習朝 8 晚 8。

1998Ruby1998

回覆 BK999 的帖子

剛剛 5 月考完試，宜家 Year 1。講真，如果唔係屋企支持唔到咁多年，我早就要求父母俾我去。
12 年黎我一家人好多次都係因為學校而犧牲好多，小學就每個星期都默書測驗冇得去街，中學就日日補習，一個月閒閒地補習費都兩三千。老師、父母、同輩同埋自己俾自己嘅壓力集於一身，成績就一直都冇起色，同父母關係都差。果種讀到絕望麻木嘅感覺，記憶猶新，好恐怖。
宜家我讀書生活兼得，唔洗再熬夜，唔洗朝 8 晚 8，同父母關係好咗好多。

1998Ruby1998

回覆 noel2010 的帖子

最慘係我兩老覺得我咩都唔洗做都讀唔到書，簡直廢青。
12 年讀書先發覺如果我生在另一個國家，我可能成就更大。要用數理科成績去報文科課程，對我呢類人係惡夢。

1998Ruby1998

回覆 亮燈 的帖子

我阿媽都有講話「Easter 日日困住自己，不如出去行下啦」，換著以前，我行去間房都係死罪。

1998Ruby1998

回覆 YanYan0116 的帖子

冇，我直接用 DSE＋IELTS 報。
你預期香港升學有幾多成把握？

1998Ruby1998

回覆 YanYan0116 的帖子

要睇下佢將來想讀咩，定係冇所謂，入到是但一間大學是但一科。不過佢冇頭緒係正常，唔係個個都可以一早搵到方向，不過應該有一 d 職業／科目 佢一定唔會做／讀，刪除呢 d 選項，收窄範圍，應該會容易少少。
又或者考慮報下出面 d 補習社 mock exam，雖然係未必準，但係知道自己起碼能夠攞到幾多分。

1998Ruby1998

回覆 YanYan0116 的帖子

讀音樂好講求大學朵，而且應該唔止要學業方面有成就，女女睇過英美加澳港等大學網頁上寫嘅要求嗎？至於英文，會想讀 English Language 定 English Literature，大學讀 Eng Lit 通常要求學生中學修讀 Eng Lit 並有 A 級水平（5 或以上）。
又或者再考慮下，以自己目前修讀嘅科目，有 d 咩科係可以報讀，咩科唔得。

1998Ruby1998

回覆 YanYan0116 的帖子

Food Science 好大學都要求至少 ABB（544-554），當中要有兩科係數學或者理科。其他大學我就唔係咁建議讀。

1998Ruby1998

回覆 BK999 的帖子

阿仔未 ready 嘅意思係佢唔願意去？定係你覺得佢一個人係外國讀書，未懂得自律同自理？
It's never late to change. 至於大學有咩科容易掌握，要視乎你仔仔修讀咩選修科、興趣、出路 possibility。唔一定要有明確嘅出路，因為唔係個個年輕人都咁好彩，有一個認定嘅目標，迷茫係正常。但係總有一 d 科目仔仔係知道自己一定冇可能做到、冇興趣，從而收窄範圍。