鑽石山靈糧堂幼稚園家長分享

fostermak

SamKit & all:
大家一齊努力呀

2009 - 2010年度小一家長答問大會

國際基督教優質音樂中學暨小學謹定於 2008年 5 月 30 日 ( 星期五 ) 晚上7:30 - 9:00，於本校舉行09-10年度小一新生入學之家長答問會，介紹本校之辦學理念及派發入學資料。 請致電 2777 3828 留座。

於 08-

5-6 09:49 發表
Hi Fostermak,

其實囡囡都是今年先讀k1，但我都有以下心水 :

１．真道
２．播道
３．国際音小　　
４．培僑　

留意學校綱站會有講座。日後有如何資料煩請分享一下。ＴＫＳ． ... [/quote]

fostermak

夏安 & wing:
你地會唔會幫小朋友報暑期班?我問左老師,學校今年唔會搞暑期班,所以要留意下出面果d,因為有d已經開始接受報名,甚至已經截止,我想幫囡囡搵星期六課程,例如合唱團/唱歌/唔係好正統o既芭蕾舞/手工藝班都得,你地有冇好介紹?

我見暑假班大部分都係一至五上課,我要返工,麻麻要照顧妹妹,唔得閒帶佢去上堂,如果係一齊組班,或夾埋其他幼兒班小朋友一齊組班?你地有冇興趣?我諗同校同學一齊會好玩d架...

Ismile:
--靈糧係以音樂教學為主,至少每日早會/午會都會不定期學唱新歌,有宗教色彩的,又有節令性,例如今個禮拜日係母親節,老師今天教一首頌親恩的新歌...
--靈糧重全人教育,特別是德育及宗教董陶方面,校方不只照顧小朋友需要,亦會照顧父母,例如舉辦如何和孩子灌輸性教育的講座,孩子上校內興趣班,校方會安排家長小組供家長學習照顧孩子之道,如果想academic重一點,例如要小朋友操一口流利英文及普通話,或識寫識好多深字,呢度未必係最佳選擇...
--小一派位,你可以睇下靈糧個網頁,有列明每間分校同每年自行派位+後小學分布資料,有私校,有津校,亦有直資及名校,由於沒列明比例,所以唔知最後有幾多係第一輪搞掂,有幾多係派位...

http://www.lingliang.org.hk/top.htm

[ 本文章最後由 fostermak 於 08-5-8 13:21 編輯 ]

fostermak

Ismile:
我諗你誤會左,囡囡今個學期除左學公文數,再冇報其他興趣班,我見暑假流流長,成一個多月,所以想俾佢學下野...
佢平日放學要訓午覺,所以冇報任何活動

原文章由 lsmile 於 08-5-8 14:46 發表
fostermak,

謝謝您呀!
想問埋報咁多活動同興趣班係米會好貴??? 平均每個月興趣班費用連學校學費加埋大約多少?? 如果唔報會唔會對於小朋友既發展冇咁好??


...

fostermak

lsmile :
其實報唔報興趣班或要報幾多,真係睇家長需要/時間及金錢,仲有小朋友作息時間,我老公反對俾小朋友報咁多,寧願要番d時間親子,一齊逛公園逛街...

and all:
你地有冇趣去聽"音小"個簡介會?可以電話留座,我已經留左位,如果係,可以到時約埋一齊去...

呢間學費唔平,但係都好想了解一下

國際基督教優質音樂中學暨小學謹定於 2008年 5 月 30 日 ( 星期五 ) 晚上7:30 - 9:00，於本校舉行09-10年度小一新生入學之家長答問會，介紹本校之辦學理念及派發入學資料。
請致電 2777 3828 留座。

原文章由 lsmile 於 08-5-9 12:37 發表
fostermak,

謝謝您! 因為我見之前d post有講興趣班,  以為有好多額外支出要俾! 我驚到時付擔唔嚟!

[ 本文章最後由 fostermak 於 08-5-9 12:57 編輯 ]

fostermak

有冇媽咪/爸爸報左名參加聽日20/5朝早o既 "九龍塘官小"參觀?
我會去,如果係,可以約埋一齊,有個伴都好

原文章由 Valy 於 08-5-14 23:38 發表
thank you 你, 我入左院生bb, 又無收過電話/信, 聽日打去問下先.

fostermak

HappyToday:
1.想考09年K1, 大約幾時派表?----應該今年九至十月到校網
download表格
2.interview 時會問小朋友d咩?----分兩部分,先到遊戲區玩遊戲,老師在旁逐一觀察,問一些簡單問題,然後一齊見校長,校長唱歌,老師在旁觀察小朋友表現...
3.k1大約收幾多人呢?
----都多人考,上下午各有兩班,每班廿幾人,我囡囡前年的情況係六百幾人面試,揀一百多人,比例係6:1



喧嘩:
我地會報左名去優才參觀,唔會去賣旗咯...

阿囡果班成為手足口病重災區,本來係2個同學患病,但係今日有大半班冇返學...

原文章由 HappyToday 於 08-6-10 13:53 發表
你好!想問吓關於鑽石山靈糧堂幼稚園.

我囝囝想考09年K1, 大約幾時派表?
interview 時會問小朋友d咩?
k1大約收幾多人呢? (聽講年年到好多人考.)


thx

fostermak

YYL:
其實唔駛成件白色,白色衫袖,衫身有顏色或公仔都得...

喧嘩:
你囡囡好似係k2升k3,如果你打算幫囡囡攞小一面試經驗或搵定私校做後備,再等大抽獎,好多直資同私小都開簡介會同派表,你快d做先頭部隊睇下先,然後再決定報唔報名:

浸大附屬學校王錦輝中小學 -  2009-2010小一入學簡介會
1. 6月27日   下午 6.30-8.30; 及
2. 6月28日   下午2:00-4:00.

Wing:
你之前有冇參觀嘉勒撒同九龍塘官小?係乜野類形學校黎架?係傳統多功課定活動教學?

原文章由 YYL 於 08-6-27 09:22 發表
想請問一吓各位媽咪係邊度買校服入面件白色衫? 係Polo衫定咩衫黎嫁?

fostermak

喧嘩:
你響34校網,都好過我響46校網,有協恩,好O既學校多好多,我想盡量揀基督教學校,但好O既基督教學...

ALL:
呢派只要用星島日報2日唔同O既報頭,再加$58去指定7-11便利店,就可以換小學指南一本,內有各校簡介,最重要係派BAND 1同派英中比率,整番一本刨下...

另外,我想問係咪到每年學期尾每個小朋友都會有唔同名目O既獎狀架?其實對第日報小學有冇幫助架?

wingtsang:
你就好啦,咁快可以鎖定心儀邊幾間學校,我仲響茫茫大海中研究緊,我都想第一輪搞掂,唔想等到六月大抽獎,好驚到時派到唔知乜野學校,我唔想日日等校長或去扣門,寧願早D做多D功夫,部署好D...

miclau:
我細囡今年都同你+wingtsang 一樣,九月會報靈糧,副校都話好大機會會收,希望有機會同你地小朋友做同班同學

我都唔敢講小朋友坐唔定,冇耐性,活動教學會令佢更加坐唔定,但至少佢會返學好開心,因為我囡囡同你果個係相反,佢可以坐定定,好專心,但比較被動同慢熱...

返左一年,我覺得學校對佢各方面的影響同薰陶係好的,雖然老師最近的評估話佢少同同學+老師溝通,我相信係同其他同學相比,佢冇咁主動,同埋小朋友響學校同屋企的表現又唔同,至少佢而家講野唔再係蚊滋咁細聲,而係有信心大聲說話,比以前主動開心左好多...

原文章由 wingtsang 於 08-6-30 14:57 發表
miclau, 喧嘩,

我查實都想偷下懶架, 不過, 有個媽咪同我講, 話k1要開始聽簡介會, 如果唔係, k2聽唔切同會好亂喎! 所以, 得閒就去聽下囉!

我而家暫時心水有播道, 真道, 音小, 英華, 其他就仲未研究呀! 陳守仁好好 ...

fostermak

喧嘩:
咁你今年會點樣幫囡囡部署報小學呀?例如報乜野興趣班,做靚靚份
portfolio?

你地有冇親友讀緊九龍塘果間真光中學附屬小學?小學係男女校,同真光有聯繫,我見冇乜人講,但又想知多d係乜野類型o既小學...

原文章由 miclau 於 08-7-2 13:07 發表
wingtsang + fostermak,

你地就好喇, 有個大既開路, 我都希望可以同你們做到同學仔!!

wingtsang,
唔該晒你報料呀, 其實之前我都有諗過報藍田的幼幼班, 不過我打算陀2nd胎同埋想俾囡囡返全日, 所以無報到.... 而家 ...

fostermak

loloyan:
風褸一件都好足夠...
學校每日都會開冷氣,著唔著就睇小朋友體質,我見多數都唔著,同埋每日有早會做運動,著左,老師都會幫小朋友除番,因為佢地周身郁做動作,好熱...

muima :
你係幼甲定幼乙呀?會唔會我地識架?我囡囡上學期係下幼乙架,不過下學期轉左上午班...

原文章由 muima 於 08-7-22 14:30 發表


hi 你地好, 好開心係呢度見到你地, 我亞女今年升K2(pm class), 現在都搵緊primary school, 因為住tko暫時會搵95區學校先, 會報直資, 如果你地有興趣, 播道同陸慶濤8月份有簡介會, 可以去聽下 ...

fostermak

muima:
我都開始留意緊D小學,因為我果區冇乜心水,同埋第一輪計分,真係冇乜分數,我刨完小學指南,大概知道邊D係私校+直資+津校+官校,再睇埋宗教,你有冇留意聖母小學/德望/德雅/德貞/真光附小/禮賢/聖羅撒/協恩?似乎BK好少人講真光附小,所以認識唔多...


幫囡囡轉上午班,係因為開學冇幾耐負責照顧佢的爺爺突然有大病要入院做大手術,麻麻要獨力照顧兩姊妹,要佢一個人湊住妹妹,再帶囡囡上學有困難,另一個主要原因係囡囡本身食野又慢又少,每餐至少一個鐘...
之前返下午班,飲食時間好亂,放學訓覺訓到八點幾先起身,食晚飯食到成九點幾十點,跟住十一點幾十二點先上床,所以想佢讀番上午班,我又可以親自送佢上學,放學搭校車由麻麻接,減輕麻麻負擔,囡囡好開心...

原文章由 muima 於 08-7-22 15:20 發表


hi fostermak,

我亞女讀幼甲架, 點解你會幫亞女轉am class, 我之前有想過轉, 不過見佢已經習慣左同唔使咁早出門口上school bus, 所以決定留番pm class 不變

另外, 你開始搵小學味呀有無心水學校, 想起呢樣野我會 ...

[ 本文章最後由 fostermak 於 08-7-22 18:26 編輯 ]

fostermak

muima:
我細女而家2歲3個月,9月會響九龍灣讀N1,再考過黎靈糧...
我唔係住響黃大仙架,我住響牛頭角,囡囡冇同學住埋同一區,所以除左去佢地生日會,放假都好少約埋出黎玩...

你呢?你住邊區架?

我地想幫囡囡搵有宗教背景o既小學,始終較重視德育,好似靈糧咁,又重視音樂,又重視宗教同德育,囡囡返學返得好開心,希望小學都搵番間咁上下...
但係好似好o既基督教小學好少,主要係天主教為主,就算係好o既基督教學校,主要係聖公會,會聖公會只計番聖公會,唔計其他,好似協恩就係,我地又唔係天主教徒,報天主教小學就要講彩數,好頭痕,所以要開始留意私校+直資...

fostermak

muima
我果區比較好的地區小學係天主教柏德,油塘有基顯,藍田有聖公會兆強,其實囡囡可以報我間母校小學,一定夠分,但想俾佢地讀英小或報九龍城/九龍塘/油尖/有聯繫中學o既學校...

中學方面,官塘O既話,BAND 1梗係聖言+聖保祿+官塘官立...

油天--我見有BK媽咪話油天係拔尖唔補底,即係集中火力谷精英班學生,你有冇聽上次家教會搞O既升小分享會,舊年有幾個派到油小,有靈糧家長返黎分享,話油天考試唔係考課本課堂教果D,係考課外,呢方面我反而有D擔心,我要返工,冇咁多時間同囡囡搵課外知識...

至於點解靈糧家長鍾意報音小,我冇問過佢地,都唔知,我前派就聽左
音小答問大會,覺得係一間好有心辦學O既學校,但學費真係唔平,覺得佢同靈糧風格好相近,重視德育+宗教+音樂,我囡囡都好鍾意音樂唱歌,所以都諗緊會唔會報,另外都對宣道+九龍塘學校有興趣,家教會會長極力推介九龍塘學校,佢囡囡考左呢間..

考小學似乎比考幼稚園煩好多,唔係砌積木,唱下歌咁簡單,仲要考埋家長,又要考小朋友好多野,又有好多考慮,大家得閒交流下經驗都好...

fostermak

muima:
咁你有冇幫囡囡平日或暑假報學校或出面的興趣班?

囡囡上學期上過學校的畫班教得幾好,但係其他芭蕾舞班或小提琴班就唔知道,想問下口碑點,因為近期帶囡囡到屋企附近o既王仁曼學畫班,覺得冇學校畫班咁好,考慮k2開學俾囡囡返學校興趣班...


會長個囡考左九龍塘學校,係私立,但唔係直資,佢話呢間好好架,你可以上去學校網頁睇下...

個講座好pro,安排得好好,我都做左小小筆記,果日家教會請來
a)已畢業生的家長分享子女升讀小學的情況

b)尚未畢業,剛剛在過去數月參加私小/直資面試的家長來分享,如果在第一輪落選,又如何扣門或可以怎樣做,例如家長自己寫信給校長以示誠意,或再找人幫忙寫信,致電校長,或早於簡介會給校長留下印象

c)家長如何為小朋友準備面試及未能入讀儀小學,又如何開解子女,d)還有畢業生如何銜接及適應小一生活,在傳統及活動教學的小學表現又如何e)更請來現任小學教師的家長來分享某些小學的收生要求,媽咪聽了  ---面試準備:
溫習串字,數數1-10,學寫自己姓名,簡單英文對答  油天
---要做好多課外練習/課本不足以應付考試/上學開心
---靈糧去年有五人考進,全部考15名內  

---雖然好多人將活動教學等同課程淺,但係其實都唔係,聽左家長o既分享,知道靈糧學生出去面試,一般表現唔錯,都好受歡迎,所以
好放心...

[ 本文章最後由 fostermak 於 08-7-24 13:32 編輯 ]

fostermak

muima:
LLC度學drawing,話平唔平,話貴唔算貴,大約係八十幾蚊一堂,每堂一個鐘一件有主題作品,用水彩畫金魚,又有少少手工藝,
平過響王仁曼學,王仁曼一堂要一百蚊多d,但係一個月先做一件作品,有d我覺得唔駛四堂去完成,一至兩堂都可以做好...

至於英文班同普通話班,我想問係點架,係咪由外籍人士及地道普通話教授的遊戲班?定係要試架?我都想多d

[ 本文章最後由 fostermak 於 08-7-25 13:03 編輯 ]

fostermak

Muima:
唔該晒呀!

原文章由 muima 於 08-8-1 10:02 發表


Hi fostermak,

my sister 話普通話係bejing 人同埋上門個種, 而英文係kowloon city 個邊學, 2個學費要$150/堂

fostermak

lro14sheung :
九龍城靈糧堂係獨立一間 - 同香港靈糧堂各分校冇聯繫o架,
香港靈糧堂各分校共4間:銅鑼灣正校+鑽石山+藍田+馬鞍山,
全部都係半日...

原文章由 lro14sheung 於 08-8-8 11:33 發表
我想問吓九龍城靈糧堂 - 同香港靈糧堂各分校是否一樣架...定是同名不同校...
我都想同女女報靈糧堂..但見只有九龍城靈糧堂有全日...

fostermak

justinwumom :
今年收費如下,其實你可以上靈糧o既網頁睇下,好詳細架
我都係響學校網頁抄過黎

可以申請學券,今年減免$1100

收費

學費	分 10 期繳交	每月 2400 元
茶點費	分 10 期繳交	每月 170 元
車費	分 10 期繳交	由 523 元至 1267 元 （本校特設校車接送各區學生）
冷氣附加費	分兩期繳交	每期250元
書簿勞美代辦費 ( 可選擇訂購 )		幼兒班   ： 上學期約 2138 元 下學期約 1558 元
		低班  ： 上學期約 2200 元 下學期約 1730 元
		高班  ： 上學期約 2176元 下學期約 1975 元

[ 本帖最後由 fostermak 於 08-9-26 10:38 編輯 ]

fostermak

夏安:
唔好咁唔開心啦...
其實你方唔方便講出黎聽下?pm我都得,學校行政點解會令你有轉校念頭?
撇開行政,咁你是否認同學校理念,及認為該校是否適合你的小朋友,或符合你的要求?同埋你小朋友鍾唔鍾意呢間學校?其實無一間學校百分百完美,或完全符合自己要求,梗係有得有失,例如靈糧,由於唔係英普國際班,英文同普通話o既堂數唔可以同其他英普國際班相比,論寫字,人地學校k1下學期已開始,靈糧要到k2十二月尾,做家長,壓力同比較一定有,但一定要相信學校做法,認同學校理念,知道咁係為小朋友好,我地見到老師響k2開學較側重訓練學生小手肌肉及認字訓練,生動之餘亦容易入腦,能提起小朋學習興趣,唔係單靠硬記不停寫字咁悶...

如果真係想轉,你可以試下寫信及打電話去靈糧,問校長或副校,因為話唔定有家長可能響開學後同你一樣選擇同小朋友轉校都唔定,如果唔係即刻有,或許你可能要等到下學期或K2都唔定,我見去年k1下學有學生搬屋,所以囡囡有位由下午班轉到上午班,今年k2有三位同學因私人理由轉校,但亦有三位外來生插班,所以不妨一試 ...

原帖由 夏安 於 08-9-28 17:12 發表
Hi fostermak
吾知你仲記吾記得我
我是夏安
唉因為私人理由
我最終都放棄左作靈糧
選擇係原本的幼兒園升上K1
但最近知道左這校係行政上的一件令我不能接受的安排
我心情好吾好
但現在己開始左K1
都吾知點算好
...

fostermak

Monty:
靈糧係基督教學校,唔只係茶會有祈禱,早會都有,老師會邀請小朋友出黎帶祈禱,小朋友好鍾意舉手架,老師教佢地關心社會時事,凡事感恩,例如前果派奧運,老師藉此教小朋友感謝天父賜俾我地唔同長處,有d人跑步o力d,大d人游泳o力d;又或為四川大地震災民祈禱,早會仲會教唱基督教歌曲,平日亦有聖經課...

我大囡由n班茶點日日唸"感謝天父,賜我飲食,求主祝福,身體健康,阿門",到讀靈糧後學識點樣祈禱,而家妹妹有時病左,我地會叫佢幫妹妹祈禱,佢都可以自動波作一段簡單o既祈禱,唔駛我地教,多得學校薰陶...

原帖由 Monty 於 08-9-27 11:38 發表
唔好意思...我而家幫囡囡報緊幼稚園,想問鑽石山靈糧堂是基督教學校嗎??咁早會/茶點前會祈禱嗎??
因我等囡囡校車時,見有2位鑽石山靈糧堂小朋友,佢哋好似返得好開心咁,睇埋你哋d post,令我想報埋呢間學校 ...