有冇同學仔番緊迦南playgroup?

sheffield

我亞b由15個月開始返，啱啱返到上個星期7月最後一堂就冇返，因為正式上PN啦。我地足足返左一年一個月。

迦南的play全是中文，我比亞b返咁耐係因為佢似一間學校(上堂模式和設備)，每月有個主題，姐姐會重覆教小朋友有關該主題的東西，有人會嫌佢地重覆，但其實小朋友需要在重覆當中學習。姐姐好好，但有"紀律"的要求。

老實說，我初初開始只上星期6，但亞b適應了我就比佢返2同4，星期6上其他英文playgroup，到亞b差不多2歲，我就改返一星期一堂迦南，兩堂英文playgroup。改的原因是亞b已兩歲，迦南的其他小朋友都比較細，同埋2歲可以學多d花文了。

英文playgroup會more academic，會學到英文字同字母，但迦南學的是常識，日常生活的東西，甚至是"自理"的concept，食完茶點要迫返好櫈仔，每次油顏色只攞一支，放番好再換第二隻顏色等，又會透過教"浪衫"，抹枱等練手仔肌肉等等。

老實說，亞女在花文playgroup投入d，但"英文人"上堂就沒有了discipline.經鬆d就投入d，是正常的。正因為此，我同時都讓亞b返一堂迦南，keep 住佢，到佢返PN時會較易適應。話雖英文班較投入，其實亞b都好投入迦南的，只是上英文playgroup時，亞b會大膽d話野同會自己走去老師度…

如果唔係太識教小朋友，又唔知平日亞b係屋企可以比亞b做乜的爸媽，迦南係幾好的選擇，上堂學過乜，姐姐對紀律方面有乜要求，返屋企照做，又或者按住該月主題教多d亞b有關的東西，咁食媽就有個guideline幫小朋友學習。