拔萃女小學校長：贏在終點綫才有用

SorTo

小朋友自小多接觸大自然，多動手做實驗，少沉迷書本，佢嘅人生就更不一樣。

SorTo

該校長只不過針對“很多家長覺得要贏在起跑綫”才說“贏在終點才有用吧”，通篇報道除此句外再無一字講輸贏，倒是處處强調道德教育；再者，“贏在終點才有用”似乎與諸位屈該校長提倡人生只講輸赢似乎相去甚遠。諸位可能將對女拔學生的印象與報道中說小學校長講嘅抄埋一碟。

SorTo

大師有云：
[贏在起跑缐]是一種價值觀。
[贏在终点線]也是一種價值觀。

[贏][輸]字数多寡都只帶出一个價值觀。

大師又云：
[食完麵先食雲吞]是一種價值觀。
[食完雲吞先食麵]也是一種價值觀。

[雲吞][麵]字数多寡都只帶出一个價值觀。
############################

真心問：你喺度噏乜？

SorTo

Eviepa:
現在細心睇後，只覺其思路混亂，文字胡亂堆砌，對古書的賣弄錯誤百出，屬於唔識就嚇死，識就笑死一類。

SorTo

skkeung 發表於 16-5-19 08:28
開學到現在，十多個大學生自殺，就係人生只有輸和赢，讀到就贏，讀不到就輸！身為校長，學生受他影響最大！ ...

很多人將人生比喻作長跑，不少家長着眼於起跑線，而該校長就針對而言，贏在终點才有用，意即於其睇起跑，不如睇衝線，呢嗰同你講嘅人生只有輸贏好大分別喎，你係咪犯咗危險斜坡謬誤呢？

SorTo

回覆 skkeung 的帖子


俗務纏身，未能早覆，請諒。其它網友之後又講咗好多，唔知你清楚未？若果重未清楚，講多個古仔俾你聽：

你同幾個朋友打麻雀，頭四圈上家贏到開巷，意氣風發，係咁“膶”你。好彩你厚德載物，忍佢，再自强不息，埋頭苦幹，係咁追呀追，到咗最後四圈追番哂不凸止，埋單計數仲贏咗十幾底，最後講番句：頭四圈赢有鬼用咩，埋單計數赢先有用㗎嘛。點知呢個時候，有個塘邊鶴就喺度講：打麻雀唔係講輸贏嘅，打麻雀要睇好多嘢嘅。打麻雀可以聯絡感情，可以防止腦退化，可以打發時間，可以討好外母、上司，可以用嚟揀女婿.....(下刪三百字)仲有，易經話贏中有輸，輸中有赢，你點知你真係贏咗呢....仲有你下個禮拜唔嚟打咩，幾時先叫真係埋單計數呀......唉，碰到咁嘅雀友，你係咪好後悔講咗你個句“埋單計數赢先有用㗎嘛”嘅說話呢？

SorTo

20120808 發表於 16-5-19 11:48
教育理念是一種大義，是用價值觀貫穿的。孔子的知其不可為而為，即是超越成敗赢輸的想法，為應該做而做，是 ...

Icebreaker:
啱啱喺樓下lift口撞到樓上三嬸同佢嗰仔阿B，一排冇見，阿B仔高咗好多，就同三嬸講：咦，B仔高過阿媽囉喎！看更黄伯喺隔離聽到，就放低睇緊嗰本我借俾佢嘅蔡志忠版易經(尚未出版)，懶有深意咁吐出真言：佢唔算高，姚明仲高啲。

大師你將嗰個校長同孔子比，我諗嗰校長知道就發夢都笑出聲。

大師，弟子有啲疑問:
唔知我本淘寶版易經有無印錯，但我未聽過易經話“得失悔咎”，“得失悔吝”就叫做聽過吓。個咎字喺易經乜唔係凈係孖住個無字，“無咎”兩個字一齊先出現嘅咩？
又幾時，人生的得失悔吝俾邊位大師“齊輯輯”咁切開四等份？

你又話 “孔子説的知其不可為而為之......意義在過程，不在結果。” 首先，孔子幾時有講過？乜唔係某個看更阿伯噏嘅咩？再者你呢個過程論相當有新意，我讀得書少，唔知道有邊位大師講過類似見解？請示之(真心問。)(嗱，你咪喺百度抄啲唔知邊個講嘅說話嚟敷衍我呀吓。)等我仲一直以為，孔子咁做，係咁撼頭埋牆，只不過係佢覺得要“應天命”，而“盡人事”㖭。

俾你講易挑起條筋，等我起個卦先。咦，係個艮卦，天意難違，收工。咦，個卦好似係幫大師起嗰喎......

SorTo

skkeung 發表於 16-5-20 08:41
凡人咁諗，無問題！正如議員反對群育搬到屯門，但校長身份可以？校長不正，學生受罪！



  ...

你都係唔明，冇計😓

SorTo

20120808 發表於 16-5-20 10:11
孔子自己没有著作，他著重過程是後世許多許多學者的分析。

孔子有冇講過，唔到你隨口亂講。有講冇講，問吓嗰個成日將“子曰”掛喺口邊嘅權威人士就知。“知其不可而為”喺個看更阿伯醒子路嘅，見《論語・憲問》。

支持你過程論嘅學者，噏個嚟聽吓，唔該。

SorTo

20120808 發表於 16-5-20 10:32
誰願意整天抱着孔子的不合乎功利邏輯的理念？

理智的人最講邏輯的，孔子理念是反邏輯的，有何價值？

一叠還一叠，咪一叠未燒完又走去燒第二叠，一個笑話未鬧完又走去鬧另一個笑話。我唔知你講嘅功利係乜，我淨係記得好多學者話俾我知，啲乜子物子，好似得老子同莊子唔功利咋喎。Google吓啦，唔該。“學而優則仕”功唔功利呢？

仲有，咪屈Johnny唔講邏輯。

SorTo

本篇绝非係“心情抒發”或“邏輯解釋”之作，純粹係“寫嘅文章數量(唔算)相當多”，亦都唔“覺得自己好有真知灼見”嘅誠意圈粉兼收宫之作。

講起“有教無類”，無辦法唔講阿女嘅求學經歷。

話說小女資質愚魯，似足佢老豆。我哋兩公婆一個做老麥，一個做七仔，冇時間理個女。阿女係嗰間唔知乜鬼紀念學校讀，成績越讀越差，班主任話要佢留班，於是諗住幫佢轉校。

有街坊就介紹街尾間私校俾我，話個校長Johnny好好人，好有heart教學生，於是兩公婆就帶埋阿女去叩門，學校門口掛住個横匾，寫住“有教無類”。同校長傾落覺得個校長的確好好人，睇得出佢好有教育抱負，個心諗終於幫阿女搵到間好學校。

點知Johnny同我哋講咗幾粒鐘佢嘅教學理念後，就話好唔好意思，唔收得阿女入學。我唔明白，於是問：乜你唔係話“有教無類”嘅咩？

Johnny就話：呢位阿叔，呢句只不過係廣告宣傳口號，好似黃子華嗰個大家樂廣告咁，你咪信晒先得㗎。查實本校有四不教，而你個女就犯足晒四條，你叫我點收佢先得㗎？

第一，你哋淨係帶住兩梳蕉嚟叩門，誠意喺邊吖？我哋係私校，冇政府資助，只能靠學費收入，好惨㗎。直資有政府資助都起碼幾萬蚊一年啦，何況我哋。你哋兩位做老麥七仔，自強不息，可敬可敬，但你負唔負担到我哋嘅學費呢？負担唔起學費嘅學生我哋唔收得，sorry啦( 《論語·述而》)。

第二，唔smart，唔識舉一反三嘅學生我哋唔收(Ibid)。你哋個女嘅情形，心照啦。

第三，我哋同莊啓程類似，得中學高年級或以上，唔夠十五歲嘅學生唔收( Ibid) 。你哋個女宜家先至係小學，有耐都未夠歲數。

第四，兩位可能冇留意，最重要一點，我哋呢間係boys' college 嚟，唔收女生㗎。(我後尾先聽聞，Johnny好憎細路同女人嘅，唔知同呢啲收生規距有冇關係？聽講佢好唔like佢老婆，嫌佢口多，佢同老婆兩支公同枱食飯，共被同襟，但就專登立埋啲乜嘢“食不言，寢不語”嘅古怪規距，廢時同佢老婆有精神交流，最後仲佢老婆離埋婚( 《禮記》) 。

其實孔太又係嘅，聽講佢一陣間嫌Johnny嘅學生顔回攞嚟考敬嘅豬肉唔係西班牙有機黑毛豬，一陣間又嫌第二個學生子路攞嚟嘅雞唔係嘉美雞，重成日話個老公係教書先生冇出息，Johnny嬲起上嚟就休咗佢。我老婆話揾老公就千奇唔好揾啲乜子物子，佢哋好鐘意玩離婚。佢話街頭嗰個成日嗡住“子曰”嘅廢青Mencius，唔知係俾Johnny影响吖，抑或俾嗰啲本土派影响，成日話佢個新移民老婆鐘意好似啲强國大媽咁踎喺度唔好睇，太失禮，要休咗呀孟太( 《韓詩外傳》)。

查實，孔子講有教無類，只不過係話唔理學生背景，後嚟啲人擴大咗用嚟話乜人都教，唔理貧富，貴賤，愚智，善惡。講真，喺今時今日嘅香港，喺社會嘅層面，基本上已經係“有教無類”啦，連大奸大惡嘅都可以喺獄中讀書。聽講哨牙仔阿聰都喺裏面讀緊大學，仲兩個學位打孖一齊嚟，其中一個係心理學，到時出嚟喺捉人心理方面可能更加拔過拔萃，精過竹葉青，百零億打個白鴿轉就搵得番；而喺學校層面相信普天下都冇一間學校係真正做到有教無類。但無可否認，直資學校嘅出現，確實係改变咗香港教育唔理貧富嘅傳統。

SorTo

eviepa 發表於 16-5-21 13:45
我睇大師嘅文睇得好多，不過绝少批評佢寫嘅嘢，理由係太多不值一駁嘅觀點同推論。TorSo對大師嘅評語係:

// ...

服咗你，大師寫啲咁嘅嘢，你都可以做咗佢嘅follower咁多年；唉，你不如轉會follow我算喇。我雖然啱啱識佢，但已經支持佢唔住，此帖以後，我無鞋挽屐走，唔會再理佢。

SorTo

MASAYA 發表於 16-5-23 12:37
咁有教無類後面仲有句因材施教既，我覺得香港都係算有教無類架喇，但因材施教就認真麻麻，唔係拔尖補底就叫 ...

你講嘅“因材施教”可以話係賦予咗現代教育理念嘅廣義上嘅“因材施教”，我都認為應該係咁。睇舊木係物料先嚟諗吓做乜，唔係話紅木傢俬正就舊舊木都攞嚟當紅木做傢俬。但呢個諗法比一般網友所理解嘅就讀書嚟講嘅因材施教更濶，而最初孔子講嘅因材施教比一般網友講嘅更窄，孔子女仔唔教之外，重話唔係醒目仔佢唔會教， “舉一隅，不以三隅反，則不復也。”( 《論語．述而》) 所以話，孔子雖然係偉人(佢確實喺因住學生不同特點嚟施教)，但畢竟係古人。我哋面對古人，無需自形慚穢，我哋正正係藉着企喺佢哋膊頭(牛頓語)，已發展出更好嘅教育理論。

而你講嘅香港社會做唔足夠你講嘅“因材施教”，要怪嘅應該怪我哋自己自己受儒家嘅“萬般皆下品，唯有讀書高”影响太深。你唔見有啲親戚朋友，個細路入唔到香港嘅大學，就寧願將佢哋送去飲咸水，讀埋啲唔等駛business，都唔願叫個細路去讀IVE，學番一技之長。