你地會點做,如呀仔期中試成續差

梁媽媽

回覆 florence852 的帖子

你仔而家都讀緊 sixth form,
如果再走回來讀 f. 5, f.6 ...咪即係白白浪費多幾年? 真係超晒年齡。
要知道, 佢回來讀, 都唔慌會讀得好架, 因為香港的課程, 真係好難頂。


其實有D細路的長處真係唔係在讀書上, 咁樣要佢讀黎讀去,讀多3年都未上到大學,
如果係我, 我寧可留在英國讀, 點都叫做多D大學揀丫, 讀唔到 top  的咪讀D 普通的,
回來花兩年混 F.5, F.6...如果到時成績仍然唔好, 唔通去讀副學士呀?
我就情願佢直接混個大學學位回來,
求其都叫做大學畢業, 有張沙紙就做野。

梁媽媽

回覆 Flowerlam 的帖子

首先要考慮, 你仔的情況係邊一類?


1) 天資不足：有努力，肯溫，真係天生讀唔掂。
2) 懶


如果係 1) 的話，就搵d 易讀的科比佢，例如 Y10選科時，我都揀左 Health & Social Care比我女讀，因為我見佢有 40% 係計實習分，另外 60% 係計試卷分，咁叫做唔讀得都可以用實習 / Project 的分頂住。
香港學生在數學方面有優勢，可考慮讀 A/C 方面。


如果係 2) 既。。。就去邊都難攪。　　

梁媽媽

回覆 noel2010 的帖子

而家香港好多年青人都係咁, 話佢唔乖又唔係, 全無不良習慣, 但就係一個 "懶字",
我有個世姪, 而家約 25歲, 讀書時就懶, 屋企請晒補習..要乜有乜...(佢唔係蠢, 識玩識食識買野)
只係懶讀書。
中學之後又混左幾年 IVE ...... 早兩年畢業時都有見下工，但因為英文／成績唔好, 見寫字樓工無人請....
其他辛苦工，要輪更，"低下的" 都唔打算做，
之後就坐係屋企, 佢無野架, 個人好開朗, 我去佢家，佢同我都有傾有講，好好禮貌，對父母又好,
佢亞媽唔駛返工, 兩母子平日訓醒, 就研究去邊度食下午茶, 食完回家又係坐，晚上在家食飯...家居生活, 夜晚就打下機....
佢亞媽咪成日話, 佢個仔好好, 心地又好...又乖, 又聽話。。。,
我地做外人既, 可以講咩?
我成日提醒自己，我唔想我的細路好似佢咁。。。以此為鑑！