聖心 vs 聖家

annie0517

原帖由 JackieOn 於 16-08-02 發表
我細個的時候讀聖心，我自己就一d都唔開心，我讀津貼個間，都係一樣英文教高人地一級。如果你讀書唔叻，連 ...

我自己係讀聖心私小，只係記得好辛苦，唔開心，因為成績唔太標青，都係冇得參加任何課外活動。當然，依家大個就明點解，學校係想學生先專注學業，再顧其他，但當時一個小朋友覺得自己响學校低微啲。後來，我幫一個姨姨嘅女補習，佢讀聖心津小，佢就真係冇難度，因為我每晚8點去補習，佢已做哂功課，同冇乜錯，仲溫埋書，問書同點書95%識哂，只係同佢執少少，半小時內攪掂，跟住佢又去玩，所以佢讀得好有信心同快樂。當年仲冇依家鬥成績咁嚴重。朋友小朋友兩個都讀聖心津小，4/5年前大女兒升中，當年平均分近90，全級50內，穩直升中學，小女兒兩年後升中，同一分數，全級120，未能直升，可想而知，分數上大家都只是在0.x 分之爭。如不想落後，應該都要好落力追，愉快地學習，相信係一個夢想。(最後一段係朋友分享，如有出入，請指正)

annie0517

原帖由 kongman 於 16-08-04 發表
是否私小比津小讀得辛苦？

當年我估係，因為私小大部份科都係英文 (如Science, Hygiene, history, geography, 等)，只有中國語文，社會和聖經係中文。而聽講津小就多啲科用中文。依家唔知有冇變。