6年以後升中這個遊戲，是不是還要玩一整年？

Charlotte_mom

無可能玩一年...........咁少, 淨係呈分都小5,6呈, 派位係7月出結果, 起碼兩年
仲有D咩比賽咩考咩cert, 台上一分鐘台下十年功, 有排學

Charlotte_mom

布希亞 發表於 15-11-18 17:29
六年後，別傻了，上一年級就要殺入精英班，准備呈分排BANDING，玩足你六年，就算去龍校，也要不斷准備在七 ...

好彩我仔間龍校無咁, 中英數+操行合格已OK (升班&升中)

Charlotte_mom

原帖由 simonwan 於 15-11-19 發表
我老豆系小學四年級學歷，打份牛工，唔識叩門，亦唔會去叩門，佢覺得系屋企附近，唔駛比車費系最好。事實 ...

你背景同我差唔多。爸爸藍領，媽媽主婦。家境一般返學要近慳車錢。小六時自問算名到前茅，但父母有自己考慮，唔要名校怕跟唔上補習貴。所以有個讀書中上的同學，阿媽勁sell之下被推薦入名中學（每年兩個位）。自己去左直屬地區二線（隔離師奶話d女仔都幾乖果種）。
學校成績平平唔在講（經驗之談我十分反對讀書邊間都一樣），連個人發展、升學輔導全係零，學生唔容許有個人思想學校行高壓。入到大學（當然靠補習啦，學校連考試局有marking scheme都唔同我地講，老師仲串我地無啦啦畫咩圖）發現自己係井底蛙。人地講攪活動我聽都聽唔明。個人無遠見唔識計劃，唔識爭取唔識打算，學術底子又唔夠人強。唔慌唔大塘小魚，真係好慘。
所以到為自己仔女選校，我會考慮好多野。無辦法現實世界就係咁，有資源有選擇，唯有在自己能力內盡量提供多d栽培多d

Charlotte_mom

原帖由 bee_eed 於 15-11-20 發表
我都贊成自己成績自己打。打死無怨

講多兩句，咩叫學校教得唔好，等家長有個參與（放心我間學校跌晒watt而家本區band 3家長唔會錯選。所以家長係用腳黎投票無錯）
果時學校教幾多，我地學幾多。老師d notes應該係古董，老師原稿揭起黎會痴埋，學生影印本係蒙查查。中五假期有補課，句句都明但夾埋就唔明。考完會考，水兵鬥水手，大家鬥水，在下就憑3個c脫穎而出升讀中六。
果時邊鬼度有咁多補習，亦唔識搵。我都係跟同學去。感謝父母肯俾咁多錢我去補習。老師來自名官中，咁大個女考完會考至知原來考試局有pass paper有marking scheme。以geog為例，一題25分，5分係畫圖（即使題目無叫）。畫左執幾分，唔畫5分硬蝕。補習老師亦教我地點考試得分（當我地用學左的技巧黎畫圖，俾學校老師鬧，話人地都無叫）。最後狂操後AL成績，geog由歷屇師姐數合格，變成我地果屇數ABC，係前所未有的事，大家可以鬧我忘因負義，但當日返學校拎成績單，老師在附近故意泣泣揚揚，在場學生無人講過一句多謝。
小插曲：當日考完AL geog我同同學去超市買d零食遇到geog學校老師，佢問我地唔駛讀書咩？我地話今日考完買d零食就返屋企。佢夠膽死問今日考邊科......一個教AL geog的老師自己都唔著緊幾時考，出左咩題目，你話幾有心

所以「讀書靠自己」我唔信的，跟錯師傅真係一世

Charlotte_mom

再講個人發展，學校係零聯校活動，零出外比賽（除左校際音樂節朗誦節）。修女學校高壓管治，學生唔可以有自己思想。講左大膽言論會俾人1:1勞改照肺。
校內活動亦全係老師欽點，唔想join都要join，想join唔到你join。例如學生會，係會考最叻果兩個出黎爭正副，唔可以唔選，其他人亦無得選。然後呢兩個（可能過去五年都無傾計）的正副主席就要為學生會工作，當然籌辦全部係老師安排，所有籌委都係老師挑選。
Top students尚且係咁，咁學生邊有機會成長呢？
唔記得講jupas，學校只負責派表同收表，完！好彩我無以文科生身份搏醫科工程（鬼識睇咩果本野）否則連大學都無得入

Charlotte_mom

原帖由 Yanamami 於 15-11-20 發表
禁人越大，面对越多挑战係正常既~

去到考公開試，係好challenging 。DSE係新野，制度都未改定。一試定生死但機制又未完善，大家都有不滿

Charlotte_mom

回想自己果一代, 好多父母知識水平唔高, 資源唔夠, 樣樣都要靠自己

到呢一代, 父母讀過書, 生活環境好左, 資源多左, 真係有辣有唔辣, 好處係父母可以輔助到小朋友, 識去培育; 唔好處係當人人望子成龍, 見人跑自己更想仔女跑, 而且正生校長講得岩: 父母叻, 對仔女都係一種壓力, 當爸爸係博士媽媽係碩士, 自己個goal彷彿遙不可及

共勉之