Ls 叩門面試次數

Soundervolt

jefftam06 發表於 14-6-25 06:45
我已經無回應了。
因為無必要去找人家制度上的缺點去說明自己仔仔的學校有幾好。



  ...

回應中只係講緊對直資制度上嘅觀點同所衍生嘅問題、现象。我嘅言論係適合於所有直資及津貼學校，例如DGJS跟MCS亦可適合。LS並唔係唯一嘅派位學校，我只係用LS嚟做咗身為津貼學校制度之下嘅例子啫。冇話過只係LS有幾好。

Soundervolt

記得囝仔當年插班時，有位小朋友又係插班，去完筆試同interview都冇消息，要去到九月頭開咗學，因為有學生最後決定轉校而被通知取錄。希望在人間，希望囝仔有機會做大家嘅同學。

Soundervolt

原帖由 pino 於 14-06-27 發表

之前提及學校係冇公開招收插班生。所以唔會有特定時間收申請入學信。記得當時筆試係喺七月初進行，有心叩門就應該要預早時間遞信，如果等埋下學期嘅成績表可能會太遅。至於所有結果學校係會以電話通知。因為連我囝仔呢啲冇背景，冇關係，冇推薦信，冇宗教、原本就讀地區派位小學嘅N無人仕都可以被取錄，所以我相信學校係會認真去對待每一封申請信，而對絶大部份叩門，有心有力嘅小朋友都被公平地看待嘅。

Soundervolt

wittymom 發表於 14-6-28 11:52
只靠portfolio 同kg 成績又怎樣爭取倒叩門interview 機會呢？ 好想知……

本人嘅經驗只限於插班，對於P1叩門嘅過程同經驗毫無頭緒。當年囝仔喺區內派位亦都唔理想，亦冇直資/私校back up。喺當時嘅情況下唯有喺所穫派學校就讀。心諗反正喺任何學校都要努力讀書，如果將來成績好再作考慮轉校或其他計劃，相返連原校都未讀得掂，又談何去任何學校插班....最後囝仔都能達到學校收生標準，亦好感恩最後被取錄。所以之前我回應過如果P1未能叩門成功，攞一兩年時間證明自己嘅小朋友係值得喺所叩門嘅學校就讀亦未嘗不可，祝妳叩門成功！

Soundervolt

其實大曵人能夠參與插班筆試證明本身成績已相當不俗，已值得可喜可賀！當佢加入LS大家庭後可能要考慮改名做"未夠人曵"。因為喺LS裡面，學生喺學術能力同埋"曳"方面都係一山還有一山高。預祝大曵人插班成功！

Soundervolt

柔情爸爸 發表於 14-6-28 20:29
讀完一年級總會有人跳船

唔好講到要跳船咁恐怖....轉校嘅同學只係去尋找更適合自己嘅學校而離開。我囝仔有同學分別因唔同理由轉咗去德瑞同ICS. 佢地只係轉去乘撘咗唔同類型、唔同行綫嘅船啫。

Soundervolt

柔情爸爸 發表於 14-6-28 23:18
回覆 Soundervolt 的帖子

對一些每天都在角力的家長及兒子來說，跳船是正面及勇敢的表現，我會給予十個讚 ...

認同！我只係覺得"跳船"呢個字眼比較搞嘢啫。"跳船"多數係指嗰個地方唔掂，正在沉緊....
當然會有同學喺能力及學習方式問題上需要轉去適合自己嘅學校。有人會覺得有啲學校好"谷"。但喺令一角度呢睇就好似唔同嘅人跑馬拉松一様，有啲人會跑得好輕鬆，但你叫我跑半馬我都投降。有時"谷定唔谷"真係因人而異。

Soundervolt

Argyle 發表於 14-6-28 23:00
喺St Mary 嗰邊話三、四百個叩門考筆試，呢邊有冇3O個 1st in？

如果係真嘅，應該叫做叩門公開試...

Soundervolt

回覆 小曳人 的帖子

小曵人，當年囝仔考插班試係喺下午兩點舉行，需時兩小時。各年級應考生同一日考試。囝仔當時聯同十六七個小朋友一齊應考，一星期內電話通知後面試。因考試時間頗長，大曵人最好去定洗手間。如妳要等佢，最好盡快到街頭嘅"喇X莉"茶餐廳霸定位，因為LS方原一公里都冇第二間茶檔可以等人，當時亦會有好多應考插班試嘅家長同妳一様等湊仔。

Soundervolt

回覆 Soundervolt 的帖子

喺學校等都可以，不過小心可能會食波餅。
當年由兩三個鐘到而家四個鐘....!可想而知情況有幾激烈。如果時間許可，可以睇番套戲再返去湊佢。提醒大曵人記得答完check卷。有時錯誤只係唔小心引至。

Soundervolt

小曳人 發表於 14-6-29 15:51
多謝教路睇返舊post，好似話會唔夠時間做，係咪？

其實4個鐘~真係返屋企瞓返覺都得！

阿仔當時係考中英數，據佢所講時間都只係啱啱足夠。如果今年考四個鐘真係要考埋耐力。除非今年考多咗嘢，如果唔係時間都應該充裕。溫馨提示下大曵人要記得考試基本三步曲，做哂識嘅先，再做有困難嘅，最後有時間剩要check卷。

Soundervolt

好難講究竟叩小一或插班容易啲。如果係大仔大女或身心比較早發展嘅小朋友可能會喺叩小一有優勢，如果有持久實力嘅小朋友，已經過其他學校一兩年嘅考核，有哂成績表去證明喺小學階段嘅能力，又會對插班有優勢。

其實任何學校都唔會百份百確定喺筆試或面試當其時手上有幾多學位空缺。因為可能會有學生喺漫長嘅暑假中或後期先至决定退學轉校。對筆/面試都有較好表現嘅考生，學校可以立刻取錄同安排現有空缺，之後如果仲有學生退學，學校會俾其他後補生補上。之前講過，囝仔有同學經過筆/面試都冇消息，要等到九月初開咗學先至通知有學位俾佢。畢竞每年插班位得嗰幾個，學校又點會收得哂咁多好學生吖....