真道 vs 喇沙

Soundervolt

musicjack 發表於 15-9-22 16:53
知道喇沙是傳統名校，甘應該是填鴨型，請問各位覺得同活動教學的真道比較哪一間優勝？ ...

虛心地想請問喇沙點樣填鴨型呢?可否詳盡些少分享呢?謝謝!

Soundervolt

原帖由 hkpapa852 於 15-09-23 發表
喇沙小學一級180人, 書院直屬位有138個, 足夠收番76.67%既學生, 加上自行可能又收番D, 書院收番小學部既比 ...

少少補充，喇小喺教統局數據上顯示全級180人，但實際上學校每班可以去到33人，所以到小六畢業時可以有198人。據學校消息，過去兩年都有少量B2生升中派位時過唔到馬路，不過為數唔多。

Soundervolt

如果一心揀真道而對喇沙頭也不回嘅家長會係偏向避免小朋友（或自己）喺學業上承受過大壓力，成績唔係首要考慮因素嘅一群。真道近年IB成績唔錯，到英國、澳洲等地升讀大學有其認受性，但若果樓主囝仔讀IB將來到美國升學還需要考SAT，呢點亦要考慮。

至於喇沙係一間Holistic教育模式嘅學校，學校對於學生喺各方面都有相當要求，壓力當然有，不過唔使過份擔心，如果閣下同囝仔有心有力，喇沙唔會係人間地獄或功課奴隸學校，好多人亦都正在讀得十分開心愉快。

Soundervolt

littlefaith 發表於 15-9-23 12:16
最後嗰句最啱，你入到真道先諗，真道今年都成3600人報，唔係你話入就入到。
即係好似王祖藍，都有女仔會心 ...

而家好多直私小學都幾千人報考，TSL有六千幾人報添。好多人都係考佐冇蝕底既心態，當中有幾多真心家長真係冇人知。

Soundervolt

原帖由 Skyhouse 於 15-09-23 發表
名氣當然喇沙響，老牌名校。

但揀適合的學校比小朋友至為重要，學生的成長不是一個學業成績／分數／入大學 ...

呢點當然，所以我冇講過喇沙適合所有人，真道亦然。

Soundervolt

原帖由 Skyhouse 於 15-09-23 發表
名氣當然喇沙響，老牌名校。

但揀適合的學校比小朋友至為重要，學生的成長不是一個學業成績／分數／入大學 ...

再要補充少少，就算喇沙亦唔係只著重學業成績/分數/入大學率嘅尖子生產機器學校，所以我之前提及佢係一間Holistic教育模式嘅學校。

Soundervolt

原帖由 musicjack 於 15-09-23 發表
縂言之搵小學超煩

建議樓主如果有機會喺選校前盡量對該校搜集相關資料去客觀了解學校。上校網睇下校務報告及發展方向，有機會嘅話去參觀學校，親身感受一下學習環境，接觸下佢地嘅學生。每間學校都有人考第一及第尾，搵一啲讀得開心及唔開心嘅用家聽聽佢地嘅睇法同感受（唔好只聽一面之詞），如果可以嘅話睇下佢地嘅功課及其他増潤習作，咁樣會比較中肯及有實際幫助。而家做家長唔容易，一啲都唔懶得，對比我代父母只道聽塗說邊間學校校譽好就勇往直前真係天淵之別。