另類集郵：被reject

Soundervolt

我阿仔當年都係reject大滿貫，冇一間直/私學校收佢，連waiting list都冇機會，後來大抽獎派第六志願，跟住去叩門竟然全部冇回音。

Soundervolt

原帖由 daisylhn 於 15-06-25 發表
但入到LS？

當年喺冇選擇嘅情況之下阿仔入讀第六志願學校，喺嗰間學校渡過兩年校園生活之後我地向LS遞上成績表副本及申請插班信，再通過幾個鐘頭嘅筆試及面試之後被取錄。

Soundervolt

原帖由 daisylhn 於 15-06-26 發表
你仔仔好叻！舊校全級第一？要大型比賽獎項嗎？

叻乜鬼吖，缺點多籮籮，普通細路一名....當年佢喺舊校一二年級考試有幸都係全級第一，阿仔對視藝有啲興趣，所以佢以"我的校園生活"為題畫咗一幅畫成為申請插班信嘅封面，佢鐘意打網球但又未至於特異功能級別。

我覺得無論投考直/私學校或大抽獎都存在好多幸運成份，考唔考到直/私學校未必關小朋友能力問題，阿仔除咗LS之外仲被另一間直資學校取錄插班，所以我唔相信喺小一收生階段被直/私學校取錄嘅小朋友就係什麼精英中嘅精英，如果嗰啲學校咁有慧眼，當年就已經收咗我個仔啦！

Soundervolt

原帖由 happyritamama 於 15-06-28 發表
雖然插二年級是可行，但睇我仔今年考得咁唔掂，而且又入了間我唔心儀既學校，一年後我估佢唔會進步到好多， ...

如果真系冇選擇，就唔好諗得太多，俾心機讀好所派學校先至去考慮進一步計劃再作打算，無論系唔系為咗將來插班轉校都一樣要努力讀書，所以系冇分別。我唔知貴子弟派咗去邊間學校，但希望您唔好先入為主，認定所派嘅系一間好差嘅學校。學校可能喺升中派位數據唔理想，喺其他人眼中唔多起眼，但唔代表對貴子弟唔系一間好好嘅學校。當年阿仔所派嘅都系一間唔起眼嘅學校，但讀落其實都有好多值得欣賞嘅地方。兩年過去，老師亦好鼓勵阿仔嘗試轉到條件及資源較好嘅學校，如果唔喺能夠插入有Band1A中學嘅附屬小學，我系願意俾阿仔讀到小六畢業而唔會轉去其他冇B1A中學嘅學校。

Soundervolt

原帖由 hkpapa852 於 15-06-29 發表
讀緊二線私小去重考名校小一都大有人在, 有咩咁出奇?

其實小一考包尾再去考番直資/私立小學既小一都得嫁

理論上當然可以，但成功嘅機會率就不敢想象。