St.joe（wan chai) or DBS

skywalker2007

兩間都係好學校，先恭喜媽媽同小朋友。每人情況不一様，但是歷史上兩間都好，冇細佬妺跟尾，錢問題不大，冇壓力。但是唔洗畀學費嘅錢可以留返讀大學，萬一在香港入唔到（資助大學入學率得18%），有筆錢可以有其他出路，錢多去英澳，錢少內地也有不少出色大學。冇錢唔洗諗。
學術似乎St Joe平均好D，DBS好出色，但是似乎只是部分學生較卓越，不過學生背景強勁，識人好過識字，你我都明，大公司有一半人係關係人士，純粹個人愚見。
返學遠係一個大問題，津校學校放3點，有時有活動坐唔到校車，要揾人湊放學。如果係出去學樂器運動，咁冇得休息，返家仲要做功課，名校生要有一技之長先保住自己。所以要選間近啲。
我都有同樣煩惱，話人容易，輪到自己就好難抉擇。對於我，留筆錢讀大學好重要。