優才書院家長分享站 (2011-2012年)

edea

歡迎各位優才家長繼續討論.

edea

hello phoenecyl!!

胡桃媽:
我希望可以帶動番個氣氛啦, 見到大家靜晒好可惜.
:loveliness:

edea

暑假轉眼間已經過左大半, 唔知小朋友們做晒暑期功課未

囡囡仲有睇raz kids, 其實raz kids幾好.

Mr. Leigh 返左美國渡假, 希望佢地呢個暑假玩得開開心心.

呢個暑假有一日地鐵站撞到馮主任同佢細BB, 可以親口同佢再一次道謝, 因為我一直都記住, 當日去學校面試, 馮主任好nice好nice
張sir同梁老師囡囡好標緻可愛, 呢D都係忙碌生活中一絲一絲既喜慰.

ngkf, 連我地既女都好快會升中學呢. 時日如飛啊.

[ 本帖最後由 edea 於 11-8-16 19:40 編輯 ]

edea

原帖由 SumSumBB 於 11-8-17 07:25 發表


多謝edea ！最近真的很靜，很懷念早兩年軍兄、中兄、跳跳虎、鎮痛貼...等前輩的熱鬧討論！

me 2! 佢地真係好肯幫人. 雖然佢地淡出, 但我認為如果低小家長有問題, 我地都可以繼續幫忙, 將一點溫暖既火薪火相傳下去!

edea

hello 歡迎各位準小一家長呀! 好快就開學, 由幼稚園進入另一個新階段啦!

edea

原帖由 phoebecyl 於 11-8-17 20:55 發表
多謝edea...
之前睇到有關優才的負面新聞重好擔心,但有你這留言令我有返信心,優才確實有班好好的老師~~

唔好擔心, 冇一間學校可以please全部家長, 一定有人不滿, 不過我覺得好多事係需要家校合作, 老師好努力去為小朋友付出, 但家長都需要努力配合.

我最欣賞學校賞罰分明. 順帶一提, 我亦好欣賞某家長, 佢對自己小朋友管教態度好好, 自己小朋友乖會讚賞, 自己小朋友做得唔好, 學校罰, 佢唔會盲目責怪學校, 會同學校溝通, 了解左事件再同學校合作教好自己小朋友. 呢種態度令我激賞.

除左成績, 德育都好重要, 我地都想自己子女除左有優異成績, 仲要有良好品格, 而且良好品格比成績更重要. 我自己好欣賞學校在德育上所做既教育, 做最好的自己, 學校教家長同學生拍掌"愛的鼓勵", 並唔係無聊, 係鼓勵家長用愛去教育同鼓勵小朋友, 以正面態度去面對.

仲好喜歡老師教小朋友"不恥下問", 呢四個字其實真係終生受用, 到今時今日, 工作上令我體會到, 就算係做左多年既前輩, 都一樣會不恥不問, 大家於工作上遇到唔同問題, 唔好怕冇面, 提出黎大家商量, 會有更多得著. 唔止小朋友, 大人一樣要不恥下問

即使外面風大雨大, 我都覺得, 用正面態度去面對, 用真理去說明一切.

edea

俾小朋友自己揀食邊個餐都好呀, 佢地會開心D

edea

針咭一般帶正本，帶定冇壞，但安全起見先影印留底，再俾小朋友帶返學校吧！

edea

早會walk in就可以，無需通知學校。

edea

NamB:

US$3.99 ，但都係好實用。我心動中。

如果免費，教育局網站如下：
http://www.edbchinese.hk/lexlist_en/

[ 本帖最後由 edea 於 11-10-3 22:46 編輯 ]

edea

<力量來自故事> 經濟日報 2011.09.29

... 年輕人不聽老人家說話，嫌他們長氣重複。政府搞舊區重建，也懶得解釋，反正老人家也聽不懂。於是一個個故事，隨舊區清拆、隨農地剷平建高鐵而消失在歲月中；但偏偏卻來了個收集故事的人——周綺薇（Maggie）。

周綺薇在深水埗長大，她爸爸的老車房在元州街，那裏於 04 年被政府劃為 K20-23 重建項目。政府派人落區與街坊開會，房協的人愈說，街坊愈覺無助。事後 Maggie 在其書《推土機前種花》寫道：「他（房協經理）說的每個字我都懂，但組合成一個句子後，我就不懂了。」連後生的都不懂，更何況是公公婆婆。Maggie 與義工們逐家逐戶拍門，了解老街坊情況，又幫他們讀信，結果卻聽了很多故事（或秘密），「他們每一個都足夠寫一本書！」書，雖然最後只寫了一本，但 Maggie 就經此深明「講故事的力量」。

清拆前，老街坊每談到激動處便潸然淚下，愁眉深鎖，Maggie見狀便說了個「薯條 vs 梅菜蒸肉餅」的主流文化入侵故事。大意是指故事可以有不同的版本
，你可以天天埋怨世人忘了梅菜蒸肉餅的美味，但我卻可以日日向喜歡吃薯條的人宣揚梅菜蒸肉餅之美好。Maggie 鼓勵街坊談舊日的生活，講最自豪的往事，結果力量就在你一言我一語間凝聚。隨後還舉辦了一個「說故事嘉年華」，圖畫故事貼滿興華街，街坊站在屬於自己的圖畫前拍照，個個笑咪咪的。「他們每一個
都好獨特，例如花王潘伯唔識字，但就好鍾意講政治，而且講得頭頭是道，而天台婆婆則窮了 20 年的心力去拾神像。其實你去到舊區，就會發現好多得意的街坊。」
Maggie 說。有出版社邀請 Maggie 寫書，於是她便把抗爭的經歷和街坊的故事寫下來，出版了她的第一本書《推土機前種花》，「我不懂中文輸入法，我是用手寫出來的！」

舊街坊四散，原地將建每個單位約值 300 萬元的住宅，但故事卻跟着 Maggie 走。Maggie 早幾年搬入石崗，鄰居多是當地農民。一天農民們收到信件，說政府
要收地起高鐵，大夥兒一知半解，Maggie 竟又再一次擔當解信的角色，又陪他們奔走抗議。一晚大夥兒圍坐在菜園村生活館，Maggie 說：「喂，不如今晚傾心事！」公公婆婆聽到「傾心事」已經哈哈笑，有位嬸嬸即刻分享打風賣菜的經歷，笑言賺到的錢多到兩個牛仔褲袋都裝不完。Maggie 靈機一動，在其兼職任教的理大夜校設計班上向同學們說：「你們常說做設計無意義，現在有改變世界的機會，你們要來嗎？」結果有 40 多名同學報名，花了半年時間製成《青苗上河圖》，畫中展示了石崗村落農地的全貌和各戶農民的故事，除了舉辦過展覽，還出版成圖冊。

故事來到這裏，可還沒有完結的意思，Maggie 於本月辭去小學美術科教師的工作，每星期抽 3 至 4 天來明愛醫院當義工，專責聽老人家講故事。「我特別喜歡與老人家傾計，我好鍾意聽到混雜着口音的廣東話。」Maggie 本是你和我這樣的普通人，但卻做着不平凡的事。她穿梭於病床之間，收集老人家的故事，有時老人家無精神，便輪到她說故事，「他們每人的經歷都承載很多智慧。」或許不久將來，Maggie 會以說故事的形式，呈現公公婆婆的往事。

欄名:我在行動
撰文:周倩炘


[ 本帖最後由 edea 於 11-10-12 22:02 編輯 ]

edea

原帖由 muichujamie 於 11-10-13 01:04 發表
Maggie係我以前同學，舊年註冊果時見到佢先知原來佢喺優才教書，佢以前都好有愛心架，我以為今年開學可以同佢相認，點知走左。
可能我個女同佢無緣啦!


...

周老師走左係學校既損失, 周老師好有愛心, 小女有幸讀佢班有佢做過班主任, 後來縱使周老師冇再做班主任, 都偶爾會約小朋友一齊食午飯, 傾下計, 臨走前都特地去見多佢地一次, 我好感動, 一個好有heart既老師, 應嚴時會嚴厲, 應慈愛時慈愛, 佢唔係本住打份工而己既心態, 而係真心對小朋友好, 做家長會知道.

周老師離開學校, 但我願她會海濶天空, 生活得好, 找到她的理想.