小一罰抄50句抄「我不會再說粗言穢語」

四隻貓

LL222 發表於 15-4-18 11:54
十萬分同意！我都係那些年比人罰抄的學生。但係我中學先比老師罰抄，小一就罰仲抄咁多句，對於6、7歳小朋友 ...

我都記得係小學被罰抄100次, 罰抄無用0架.  我記得我係同時用三支筆一齊抄, 抄係有抄, 但我完全唔會因罰抄有改過之心. 反而好記得, 有位老師同我好好地傾計, 動之以情, 之後自己就好慚愧.
所以我好反對罰抄, 如果同樓主同情況, 我會同佢好好地傾計, 講清佢錯既地方, 動之以情, 之後再教佢用三支筆一齊抄.

老師可以罰佢無小息,  無故事時間, 寫信俾老師講返發生咩事. 都好過罰抄.
不過好好彩,我女間學校一定無罰抄呢樣野, 多數係老師同佢傾完, 之後要寫信俾老師講返發生咩事同道歉.
聽過有同學係走廊追逐, 係罰每日小息去球場跑步一星期, 等佢知要跑步就去球場跑.

四隻貓

simonwan 發表於 15-7-3 02:22
系幾十年前，我讀小四時的英文老師。全年無教過英文，每日欏學生的名字開玩笑講甜故。第二年換了另一個盡責 ...

我都有類似經驗, band one 英中, 有位中文老師基本上無教書, 佢上堂係叫我地遂個起身讀課文, 之後叫我地自己做課後題目. 好多時心情唔好就借些少事鬧人罰人. 有位Bio男老師就會講黃色笑話, 不過佢教書係教得好好的.
我預科係讀band 2學校, 有位英文女老師就成日遲到早走, 成堂又係一味叫我地自己做練習, 佢就坐係度打瞌睡. 預科因為大個左又認真求學, 成班同學一齊找校長反映情況, 最後轉左位正常教書的老師.
我地班女仔最記得中學有位短髮女老師, 佢好憎女仔留長頭髮, 家長日分別同每位家長都講:「你女上堂成日掛住疏頭髮, 影響上課, 建議家長你幫佢剪左佢」, 於是星期一返校, 9成女同學都變成短髮.大家哭訴時就發現女老師係專登誣衊我地, 等家長逼我地剪成短髮...真係有點變態.到今時今日同學聚會, 不少女同學講起此事都好怨憤.

我都見好多hea 或講明無心教書的老師; 當然都有不少教得好又有心的好老師. 我本身操行好無咩影響, 但見同學遇上太多唔合理既訓導同針對, 影響到我都對香港D學校同老師質素好有意見.