赤提 SSC vs 蔡繼有CKY

lambeanmama

potato38 發表於 24-2-9 21:30
如地點不是考慮因素。兩間都係男女校，而兩間都有ib, 兩間都英普，兩間都活動教學，兩間學費都差唔多，相差 ...

最大分別，是一間要揀過合適的才俾考（近年想考IB的同學多啲），一間是人人有得考。如果一心只想考IB, 便無懸念揀CKY。起碼不用憂心點爭取入IB班。

兩家也是好學校，當年確有爭扎過，最後用此方法揀。So far無後悔的。

不過，如果有以下情況，那便認真考慮選SSCPS吧：
1. 計劃初中出國升學；SSC始終是傳統老牌學校，有歷史，有track record; 升學時多少有點優勢。
2. 對IB/DSE兩學制沒有強烈偏好，不抗拒多看幾年哪個更適合小朋友。

lambeanmama

補充幾句：

同意CKY 對學業有要求，但不是會Chur 成績的學校(起碼小學唔覺）。四五年級日常中英作文也沒有要求800字。如果是Project, 那是另一回事。

lambeanmama

potato38 發表於 24-2-14 22:38
多謝回覆。兩間我都是正選位，實在好難取捨。一間新校廿年，近年變了神校；一年過百年名校，校舍一流。兩間 ...

不如你講講，對你來說，選校的頭三個考慮點是甚麼？

lambeanmama

RainyRice 發表於 24-2-14 23:38
選校亦都需要根據小朋友的特質取向，是進取型、還是有自己時間表的小朋友。是自律自發self motivated型、 ...

我小朋友是一個「很快樂、很CHILL、沒大競爭心」的人。很愛閱讀、愛玩LEGO/模型，算是書不離手的人。他很喜歡學習，有求知求真的心；但不算有很大毅力，怕辛苦；不愛做重覆類的功課。
我小朋友幼稚園/初小期間也沒有外補學術；不懂的時候，他會問，我就教；無問我就當佢識；我相信如要谷，佢都係可以谷的人；不過，我們覺得小學階段，打好語文基礎、建立良好學習態度及能力更重要；所以平時都是開開心心打波游水玩音樂(不是勁個D)。

lambeanmama

potato38 發表於 24-2-15 00:45
本帖最後由 potato38 於 24-2-15 07:36 編輯

我大致咁樣排位

1. 兩間都真的是HAPPY LEARNING的。自己都有朋友子女讀SSCPS；大家都是開心愉快成長的。兩間都有Inquiry-based Projects；在我眼中，SSCPS的基礎學術 (如中文、數學等)，是教得比較有系統 (始終有課本)；不過CKY學生的寫作/表達能力真的普遍都唔錯。CKY的一個好處，就是學業較側重個人成長發展。每個人都是獨立的，要比較，也只是部份家長仍有「睇唔開」；小朋友一般也只是「和自己比較」。我記得Y1的時候，同一篇文章，有一個「達標」的基本要求；能力未到的，老師會手把手慢慢教，甚至放學會有額外指導(小組)；但如果是能力更好的，老師也會推一推小朋友，讓他學習掌握更高的要求。我覺得比較睇小朋友的「悟性」。

2. 「授人以魚，不若授人以漁」，這一點我是萬分同意的。兩家學校都不算是SPOON FEED的學校；也著重啟發及思考。不過，我理解是...... CKY會比較多PROJECT-BASED LEARNING。

3. SSCPS應該是從小一已是英普。CKY的一年班是粵教中，二年班起才是普教中。小息時，學校也會建議小朋友用英普對話。

4. Public Speaking 兩間都多機會要做。CKY會更多... 真係講到你完全唔怕為止...... 我小朋友不是口齒伶俐的人，但要佢表達自己想法、分享個人見聞；都算是能自信地完成的 (小一小二時表達能力稍弱, 然後慢慢也練出來了。)


就你以上四點期望，其實兩家學校多多少少都做到的。我同意兩家都很好。我當年的選擇.... 真的純粹是因為100%有得考IB。

lambeanmama

potato38 發表於 24-2-16 01:03
可以問你小朋友year 幾嗎？可否分享cky 咁多人出國，係因為要逃避考ib 嗎？定其實私家多較有錢家長，咁唔 ...

我小朋友是高小。

點解咗多人出國？

出國是一個很個人的選擇，我覺得好難用有一個general的答案可以解釋到。不過我個人是咁樣睇的，出國的主要原因有三，其實不關讀咩學校事：
1. 一早計劃高中開始留學 - 留學除了升學考慮，本身也是一仲種學習/體驗。讀邊一間學校，也是計劃初中出國的。直白點講，計得掂條數，選擇固然多咗。
2. 目標為本，性價比考慮 - 有些小朋友目標很清晰，可能想讀牛劍長春藤、可能想讀醫；然後家長當然會考慮哪一個校制、哪些學校更加幫到小朋友。不同國家的不同學校也會有其優勢；目標訂得早，決定可以下得更快。
3. 長大後發現偏科問題很嚴重 - 十隻手指有長短，小朋友大大吓，發現數理十分優秀但語文持續中間浮沉。做家長便當然會諗辦法去幫小朋友揚長補短；轉跑道去英國考A Level 取3-4個A*, 總好過留低被語文科拖累。


IB難嗎？

呢個我不識答你。我自己也是會考加高考出身；勤勤力力，考A考B升本地大學的普通香港人。我覺得讀書無話難唔難、我甚至不太在乎合適不合適。我只是認為現今世代，讀書/學習真的不是只講學習知識。問吓ChatGPT, 上吓Google, 其實咩知識都搵到學到；反而是一些軟實力更要從小掌握；例如 Information consolidation, presentation, collaboration, summarisation….等。 我期望小朋友在小學階段愛上學習，享受校園生活；初中時考慮升學就業，尋找個人方向；高中時就努力公開試。

IB合適我自己小朋友嗎？
其實沒有小朋友不適合IB的。部分成績不理想的小朋友，我覺得只是沒有建立應有的學習態度；讀咩學制都唔咩運行。我也見過小學時期普普通通，但上到中學突飛猛進的師兄師姐。有時，做家長真是要俾點耐性去陪伴小朋友成長。不是人人都從小便飛得起的。當然，去到某一個位，真係覺得唔想考IB, 出國轉考其他學制也是可以的。

留低的人是更叻嗎？

我覺得不一定。出國和不出國真的是個人考慮。有些成績很好，但一心想行某一條路，覺得出國幫到自己，便早早走了。或IGCSE後走。

希望幫到你。有得選擇是一件開心事。

lambeanmama

貓頭鷹之家 發表於 24-2-18 11:20
CKY 是一間國際學校，大家認同嗎？

我不同意；因為某程度上，只是比傳統學校Open Minded 啲（而SCCPS都好開放開明）；學習過程相對靈活開心一點；但與國際學校分別其實好大。

不過，我同意你講，如一心想考IB, 就唔好煩；揀CKY, 有遲疑，就俾自己同小朋友一個退路，遲啲才考慮IB/DSE, 甚至出國讀書。

lambeanmama

貓頭鷹之家 發表於 24-2-18 13:09
我有一個奇怪的想法，一間不是國際學校（當local school多一點點），但最後所有學生都考IB ，其實是否有矛 ...

我不明白矛盾點在邊一個位？學習的方式不是一個二元對立的課題；在所謂傳統教學及國際學校之間的光譜其實很闊。點樣學習，是一個過程；公開試也只是一個標桿/工具而已。

lambeanmama

貓頭鷹之家 發表於 24-2-18 14:35
只是個人感覺，所以我會當CKY是一所國際學校。

當年考小，我自己簡單把所有目標學校在我自訂的學習模式光譜中分類。簡單畫一條線，一邊是傳統學習，另一邊是所謂國際/新派/愉快學習。

我個人睇法，是SSCPS 和CKY也是「過了中線」，偏向國際個邊；CKY是再近國際個邊一點；但與真正國際學校是仍有些距離。當然，這只是我個人睇法啦。

lambeanmama

Lightwriter 發表於 24-2-18 19:44
就連在校家長都講cky 係平價版國際學校，賣點係全ib。但往往問igcse之後既流失率時，都無正面回應。最多人 ...

我自己，和身邊家長又無話當學校是「平價版國際學校」；身邊都不少朋友子女讀ESF、CIS、GSIS等國際學校；我自己就覺得兩者其實係有顯著不同。不過，坦白講，主打想考IB,、重視中文科但又想讀繁中的；坊間選擇都唔係多了。

至於點解考完IGCSE 後多心走。咁真係好難知道人家的真正原因的。我估，真係純估，早年學校成績未有Track Record, 部份家長信心不足，當然是寧願花錢買個安心。早幾年A Level 三個A* 就入讀醫科；理科強語文一般而又想讀醫的小朋友，不如出國兩年專心考好幾科理科，就理想達到。不用糾結兩科語文，家長何樂而不為呢？不過去年起，醫學院對A Level 收生又好像收緊了（純聽朋友講，自己無查證），或者未來幾年又會有變化。

自己一心想個小朋友考IB, 但如果再大少少發現佢考AL將更有利入讀心儀大學/學系，我當然會轉學制啦。做人最緊要是有選擇嘛。其實現今家長，人人都兩手準備。去到高小，身邊不同學校的家長朋友，即使讀大家公認的神校，傳統名校，也在不斷為小朋友考量前程安排。我覺得都是很正常的。

lambeanmama

lsllsl 發表於 24-2-18 23:54
呢排多咗好多非用家踩CKY。都唔知點解。

其實不用在意人家是讚或是踩學校。我的回覆也盡量以陳述事實為基礎。漁人飲水，冷暖自知。學校好與不好手，人間怎講也不重要；重要的，是我自己感覺良好；開開心心就夠。(emoji)(emoji)(emoji)

CKY 不是甚麼神校；我也很怕低年級家長有這種想法（近年被捧得過了）。不過，學校確是一間有心辦學，以小朋友發展成長為中心的好學校。

lambeanmama

potato38 發表於 24-2-19 00:01
咁我又無知一問，香港人喺國際校度讀，高中唔多出國嗎？應該都勁多吧，我估。唔好講外國人讀國際校先，佢地 ...

咁你最後揀好未呀？

lambeanmama

Lightwriter 發表於 24-2-19 09:07
近年cky 的確被追捧成神校，急促冒起自然引來一番研究，尤其ib條路點行，發覺唔岩讀ib點算，全民ib究竟有幾 ...

「全民」，是指你達到學校基本的要求(IGCSE的成績)，便可考IBDP。根據學校網上公開資料。在2023年，"Five students attained straight A* grades across all 11 of their subjects. The percentage of A* grades awarded to our students is 41.3%. Our percentage of A-A* grades is 74.3%, and 96.9% of our grades this year are C-A*. Out of 118 students, 89 of them, who attained 6As or above..... "
就我理解學校的要求，同目前學校考生的IGCSE成績，我相信每年最多都是只有1-2位同學有機會「唔達標」。而如果成績真的不達標，勉強升上去又是否一件好事呢? 就好像我讀書的年代，會考最少都要有14分才可升讀預科考高考。我覺得道理是一樣的。

然後，不論家長和年輕人，都會考慮下一步如何走才是對自己升學更有利。這是很正常的。就好像在中學討論區，我見到不少家長/學生在問自修考iAL的安排及升學的可能性。讀哪一個學制都一樣，資訊科技發達、家長教育水平高了；大家對小朋友的學業要求也不可能一樣。

所以，考咩學制都好，家長都只好stay flexible；幾手準備，幫到孩子多少便多少。盡做。

lambeanmama

potato38 發表於 24-2-21 13:39
可否請問咩叫PIS, EE, TOK? IB coordinator 係指全部學生定咩coordinator?

PIS - Private Independent School
It’s a type of school offering ‘non local curriculum’, but it is not necessarily international school curriculum.

EE - Extended Essay
It is a piece of independent research on a topic chosen by the student in consultation with a supervisor in the school.

TOK - Theory of Knowledge
It is one of the components of the DP core and is mandatory for all students. The TOK requirement is central to the educational philosophy of the DP.

For more info, you may check out here: https://www.ibo.org/programmes/diploma-programme/curriculum/dp-core/theory-of-knowledge/what-is-tok/

lambeanmama

potato38 發表於 24-2-21 08:22
我自己其實好想小朋友ib, 但佢性格係好怕出嚟present 嗰隻，我唔知應該幫佢克服，要佢成日present, 講足12 ...

我很同意其他家長的分享，Presentation 不是只代表站起來演說，重點其實在整個邏輯思維的過程。

學校不會輕易改變到一個小朋友的性格，不過絕對可以幫助提升小朋友的能力。

我小朋友仍然不喜歡Project Presentation; 不過他能力上完全沒有問題。

lambeanmama

potato38 發表於 24-3-5 12:09
我應該係會簡cky. 因我自己想小朋友第日行ib, 我怕st stephen 非精英入唔到ib, 我個人覺得dse 不適合廿年 ...

關於補習：

其實真係好個人；有人咩都唔補，也是名列前茅；有人咩都要補，又唔見得是因為成績差。有時，有啲家長是「求個安心」所以去補習。如果小朋友中英文閱讀能力可以，跟學校課程，就唔覺得「有需要補習」。

我仔四年級開始補中文。其他科全靠學校老師。補中文不是因為成績差，事實是學校幫了很多，二三年級有大躍進。但貪心的媽媽我想進一步加強中文基礎能力，希望打好個底為中學課程作好準備。可能都是安心錢的一種。

去邊到補？小學部無咩話特定補習中心。聽返來都係坊間聽到的補習中心。如果學業有問題，學校有補底班，而部分家長會搵畢業師兄師姐幫手。IB去邊到補我唔清楚。有排未到我仔。唔好煩住。


關於弟妹：

真係無人答到你。但眼見這一兩年都真係收到絕大部份弟妹。有聽過個別一兩個唔收，當然無人會問點解。我哋聽返來的，Call Waiting都是弟妹有call 先。感覺上都是頗照顧弟妹。

下星期是開放日，準學生應會收到入場券。歡迎你到時再來了解吓學校。

lambeanmama

RainyRice 發表於 24-3-5 19:08
又話如果你擔心小朋友弟妹將來入不到，或者將來覺得IB唔適合，可以補本地課程方便將來插班.相信除了作文之 ...

除了數學科，其他科目不論教材、方法都頗有不同（沒有高低之分，只是不同）。如果諗住插班傳統名校所以補習，咁我建議不如揀另一間學校，免得自己插班不順而失望。

我自己真係無咩聽到有同學係咁。

lambeanmama

potato38 發表於 24-3-6 00:56
咁想問吓，大嘅入讀了cky, 咁家長有冇d 咩可以做去増加細嘅入讀機會？即參加好多學校家長活動/義工之類， ...

要參與學校活動機會有很多。很多義工服務機會；圖書館、小賣部、幫手學校outing等都得；不為細佬好考小，其實也很值得參加。可以認識不同級別的家長，大家也知更多校務事情。

如為考小，我建議還是裝備好細佬妹吧。不用學術超班；但敢講敢試有禮應對是必須的。

其他的，也只是錦上添花而已。

lambeanmama

potato38 發表於 24-3-6 19:00
同意，裝備就係一定會裝備好，但5 歲未必場場面試都表現一致穩定地好。所以只係睇吓家長仲有冇嘢on top 可 ...

無人知咩會幫到弟妹考小；但多參與學校活動、在老師面前留個好印象、哥哥在學校乖巧受教；一定不是壞事。