直資小學 【國內交流團學生】 攪到屋企家人一肚氣

Lily2003

最近有無將軍澳家長, 接待【國內交流團小學學生】????

唉 ~~~~ 真係一肚氣, 受盡屈氣, 有無家長遇到同樣情況 ????

原本打算普通話交流, 對小朋友得益, 才做接待家庭, 點知佢地咁誇張 !!!!  佢地班小皇帝, 真係嚇我一跳。

Lily2003

全程到訪一個星期, 頭兩日就幾 OK, 第三日開始就原型畢露, 皇帝仔咁, 無大無細, 從不講 : 謝謝 / 多謝, 全程拿口拿面, 又狂打長途回家煲弱, 唉 ~~~  唔係唔比打, 但係煲弱, 仲要係好多時, 好多次。

用完部電腦又唔關機, 仲要安裝很多 programme 落部電腦, 唉 ~~~ 到唔知洗唔洗收費 !!!!!

講到普通話交流, 全程拿口拿面, 無笑容不在話下, 說話都唔講多句, 好似皇帝咁, 你問佢答 (是/不是) 要/ 不要, 鐘意 / 唔鐘意 。

我都唔期望會到他家交流, 今次當係買個經歷。

bk有無媽咪, 有無人有類似經歷 ????  

原帖由 Lily2003 於 11-3-28 11:55 發表
最近有無將軍澳家長, 接待【國內交流團小學學生】????

唉 ~~~~ 真係一肚氣, 受盡屈氣, 有無家長遇到同樣情況 ????

原本打算普通話交流, 對小朋友得益, 才做接待家庭, 點知佢地咁誇張 !!!!  佢地班小皇帝, 真係嚇我 ...

Lily2003

我講個間係將軍澳直資小學之一, 但不是真道小學。

咁啱大家都係今日 last day 回程。

原帖由 EYUNG 於 11-3-28 15:49 發表
直資小學 【國內交流團學生】 是否在將軍澳 ?  

是否與今天這則新聞同一所學校?
[住真道書院宿舍　回程日失蹤]

Lily2003

我唸西方人會有禮貌一些。

前兩天同佢去食 buffet, 個皇帝仔竟然Q埋雙手唔出去攞嘢食, 佢只是話 :我鐘意食　．．．．．．, 佢打算人地全程 serve 佢 ! 唔該都無聲,   真係一肚氣。

皇帝仔屋企只比幾佰元車費來到香港, 學校就包佢地 Disneyland Ocean Park 科學館 太空館, 有接待家庭優厚對待, 佢地就當正自己係皇帝, 唸住佢屋企比咗幾佰元就大晒, 洗到人盡, 當人地個小朋友係阿四。

今天送走皇帝, 學校仲 farewell 佢地, 係 metrocity 飲埋中午茶先走, 下次我要做被接待學生。

原帖由 lauerica 於 11-3-28 15:48 發表
下次接代西人學英文。

Lily2003

你甥女個 case 唔同呢個, 我們香港小學生有禮貌謙虛, 會懂講多謝唔該, 相信國內接待家庭不會遇到上述問題。

起碼, 我們香港兒童不會問國內接待家庭攞錢玩扭蛋呱。

easter 去完, 可否分享一下。

原帖由 dleelm 於 11-3-28 17:48 發表
係咪LHT? 我甥女easter會返大陸交流喎, 依家惡補香港歷史.

Lily2003

對著這樣的小朋友, 又怎可能忍到 ????

次次都有同佢講, 但係佢地毫不在乎, 仲要眼勵勵, 好以話得佢唔啱咁, 佢地覺得佢家長比晒錢, 當然要有呢種享受。  左耳告介完佢, 右耳就噴晒出來。

佢地皇帝食嘢好咀due, 比如當餐無 AAA, 佢就偏要話食 AAA, 到你明天煮 AAA, 佢竟然話唔鐘意食 AAA, 真係比佢激到彈彈彈, 攪到好似欠咗佢咁。

接待家庭唔想多事, 唔想同校方反影, 又不想太多口經常【鵝】小朋友, 唯有好辛苦地忍了一個星期, 好啦, 今天走晒啦。 佢地走後, 港生還在週記中寫到皇帝有咁好得咁好, 總是不想多事攪事。

由始到終, 校方無迫過任何人做接待家庭, 屬自願性質的, 所以相信無人企出來多多投訴。

話晒個小學生仲要係學校讀多幾年。

有無其他 bk 有相同經歷, 還是此唔好彩 ?????  唯一一個都遇到 !

原帖由 aryee 於 11-3-28 18:54 發表
你對香港小朋友真係有信心！
被寵壞既小朋友，邊度都一樣！
但點解你要萬事相就佢﹖點解唔對佢say no﹖

Lily2003

接待家庭負責皇帝仔放學後的起居飲食, 包括星期六日的吃喝玩樂, 純粹自願性質, 在上學時間就由香港小學負責, 包括食, 玩等, 但因為兩地的小朋友學習進度形式不同, 故此, 學校安排他們去海洋公園等, 當中的消費, 全由小學負責。

校內學生有小小時間同皇帝仔交流下,  就是學生的裨益。

醒起上星期中, 同皇帝仔打邊爐, 他全程無放食物, 又無自己攞食物, 要人放到他的碗才食, 唔理他又不恰當, 服侍完佢家長條氣又唔順, 好似做咗人地的工人。

原帖由 vespa 於 11-3-28 22:08 發表
好想問一下, 豪華遊是否由學校埋單?
對校內學生有何裨益?
揍自己個件受氣就話無法子,
點解會收件國產金菠蘿返黎整蠱自己?

[ 本帖最後由 Lily2003 於 11-3-29 10:19 編輯 ]

Lily2003

接待家庭 唔係 虐待家庭, 如果咁做, 一定比國內小朋友, 其家長, 其校長老師, 齊齊投訴 咁點算 ????  你知佢地幾野蠻無理架啦。  付出咁多落到來, 竟然得不到厚待 ????  

係校長立場, 佢要攪交流團, 當然有佢道理, 就算你同佢講, 佢實話 : 小朋友係咁架啦 !!!! 慢慢來。

校長一定會對家長講 大愛說話, 有教無類 ....... 如果接待家長數出來, 倒比校長 '吋'反過來。

他們大陸人埋明車馬來享受豪華團, 唔係來聽教訓。

他們老師副校長校長等全部八人都黎齊嘆團華團, 全部都要講手段講關係講金講銀 才可以到香港來嘆豪華團架。

上述的個案已不算得甚麼了, 有位接待家長仲慘, 被國內交流小朋友家長及在港親人在電話中恐嚇, 聲稱 xxXXXXxxxx, 額外有多多要求, 攪到個家長不知所操, 即時 XXXXXX........

奉勸各位不要做國內學生的接待家庭。 今次唯一得益, 香港小學生的普通話流利很多。

原帖由 brianshe 於 11-3-29 11:09 發表
係你太遷就佢啦, 你其他家人無教你點做咩
定係你一向都同樣遷就你自己小朋友?

俾我...你唔食, 話之你.
出到街, 吱吱佐佐就俾兩蚊佢自己搭車; 轉身走入. ...

Lily2003

你上網都可以搵到, 可以睇到晒佢地所有相片, 所有香港學生姓名, 所有香港家長姓名,  每日行程, 接待家庭屋企都影埋, 真係無晒私穩, 全家大大細細比人放晒上學校個網頁, 學校的網頁好威架, 淨係交流團都有七、八個, 準家長見到個網頁, 一定讚嘆不已, 包括我在內, 一睇就覺得間學校好勁, 又澳洲, 又北京, 又上海, 又...... 行程好豐富。

唔知當中【接待家庭】家長知唔知佢屋企比人放晒上網 ???  她介意嗎 ????  學校有無問過她們嗎 ????? 前年或後往都無放人地屋企相片出來的。 我覺得學校好似利用咗d 家長 !

家長啞忍, 有幾多會企出來爆料呢 ????  或者該學校的家長全部都好大愛。只不過係我一個小氣, 睇唔過眼講出來啫。

有早知, 無白痴, 如果早預料到係咁, 我唸很少家長願意。

原帖由 Sumyeema1 於 11-3-30 16:30 發表
可唔可以透露邊間學校？

Lily2003

問過幾位接待家長, 佢地小朋友都係嫌國內小朋友不重禮儀, 小朋友之間, 頭兩日無事, 第三日開始有衝突, 有口角爭執, 有爭電腦及爭電視。

(1) 國內四年級是13歲, 港童四年級就得十歲左右, 論身型, 論思維, 佢地都會覺港童講幼稚, 玩幼稚, 做幼稚.....

(2) 國內小朋友個個都比香港高出大半個頭有多, 他們覺得港童好幼稚, 不屑同港童一起玩, 大家要玩的, 根本完全不同, 國內小朋友而家好鐘意玩電腦網上 QQ。

(3) 例如去海洋公園, 佢地原本是一個中同一個港童結伴, 但係一開始已經唔係, 港童同港童一黨, 國內同國內一黨, 佢地都唔想拖住港童。

原來兩地文化是很難相溶, 兩方要肯遷就。

我覺得中學交流可能好些。

原帖由 dleelm 於 11-3-31 14:23 發表
樓主, 你小朋友又點睇今次的交流? 佢同國內小朋友一起生活了幾天後有咩感受? 分享下.

Lily2003

年頭武漢招待的, 一樣係無禮儀,  校長又怎會不收到投訴呢 ?  年年都有投訴。

文化背景不同, 小朋友年紀細, 大家要互相包容。

學生交流一環, 是該小學特色, 網頁做得很詳細, 很吸引, 相信不會因此而停辦, 但要國內小朋友改善禮儀, 更加難上加難, 唯有我們自己去學會包容吧。

對香港小朋友都好, 活生生的反面教材, 上了寶貴的一課, 以此為鑑。