請問華英旅港開平你地選邊間呢?比D意見

ohnono

hayamama 發表於 13-7-10 14:16
我地由將軍澳'轉會' 到Kowloon City, 派到旅港 (第9志願)....!　甲部首３志願：寶血會上智, 籃田聖保 ...

第九志願都派到旅港！
你自行有冇揀旅港？(都應該唔會，都唔係你杯茶)

不過都要恭喜你先。

ohnono

khmama 發表於 13-7-12 16:20
又可能自行第二志願或甲部揀咗鄧鏡波？

如果band 1中的同學我估唔會於自行放鄧鏡波。睇返這位同學的排法第三已經放陳瑞祺，正常如係band 1同學應該唔會咁快放陳瑞祺，係都放晒丘佐榮、銀禧先。就算真係放陳瑞祺都唔緊要，咁就會好大機會派陳瑞祺，應該唔會派到鄧鏡波。但如果係band 2同學的話，如果放陳瑞祺第一都應該重會有機會，但這位同學又放在第三志願。所以好大機會係band 1尾2頭的同學而自己唔知實則是band 2。

ohnono

khmama 發表於 13-7-12 17:20
呢個假設要建基於鄧鏡波放到第四志願或以後都仲有位派。我覺得呢個可能性只係五十五十，所以懷疑會唔會又多 ...

今年九龍城男同學應該有這個好處，如果band 2男同學，除了自行因減了升中人口後，出現倍數效應，我覺得變得較容易成功了。餘下的band 2男同學第一志願搏陳瑞祺，始終是男校，沒有女同學的競爭，已有優勢。搏多間何官或胡兆熾，我諗剩下的男生已冇咁一截。再搏多個鄧鏡波，鄧鏡波出名多位又淨收男同學，因此又冇咁一大截。好大機會到第三輪之後連鄧鏡波都仍然有位剩下給第四輪去抽。情況有點像今年的旅港一樣，第四志願都可派得到！

ohnono

redkoni 發表於 13-7-12 18:43
今年有九龍城校網Band2生，第2志願抽不到胡兆熾，第3志願抽不到鄧鏡波，我不相信是由於Band1位唔夠，咁你話 ...

我事後孔明架窄。
有三個可能性，

1.自行時已經成功在，冇得玩大抽獎。
2.甲部抽獎已經成功。
3.估錯band。

估錯band係九龍城和油尖旺區內最容易發生的情形。較早時我已經不停提醒區內的家長小心學校太進取，尤其是九龍城區內某d小學特別進取的，當年小兒升中時已經發覺有這種情形。今年就不在話下，老師唔搏，家長都會搏。所以估錯band係最大可能。以往錯band多數集中在band 1尾band 2頭這類邊緣的同學的情況，今年擴展到去其他位置，而且多左發生在band 1中、band 2中的位置。

ohnono

redkoni 發表於 13-7-12 18:43
今年有九龍城校網Band2生，第2志願抽不到胡兆熾，第3志願抽不到鄧鏡波，我不相信是由於Band1位唔夠，咁你話 ...

我諗最關鍵的問題的不是怎樣去填表，填表的方法和選校次序我諗這裡已經大把專家。我想講既係當我地知道有咁既情形就要好小心去處理，處理既並唔係選校而係先攪清楚自己的banding。
因為位多過學生而攪亂了banding跟學校的正常配對的問題而發展至好唔正常的階段，老師可以將band 2學生，就是因為上年相同名次的學生派了去band 1學校而推算為band 1，又因為之後還有band 2同學派band 1學校而將這同學推算前d，判斷為band 1中，band 3學生推算為band 2學生的情形已出現！

ohnono

講開華英叩門的情況，其實唔可以用叩門來判斷同學的真正banding。到了叩門階段，中學唔會再有教局的banding或排名次序，只能參考學校的成績或甚至叩門舉行的筆試。只要同學在六年級有一張好的成績表，有時，真係比banding更重要。但成績表靚，未必就可代表banding高，有d學校同學可易拿取全A，但banding或名次不高。相反成績不太亮麗的，有出現B的，但又不能代表banding不高。試看看林護的叩門條件，其中一樣係只要是全級五名之內，那管只係街坊學校，有興趣的更係叩左先算啦，起碼都獲得一張叩門報名表！

我對派得唔好的同學身同感受，但我更加痛恨的就是這個升中遊戲，實在有太多陷阱，甚麼相差0.0幾分就名次可以相差好遠；成績好的banding又未必是一定好過或績差的同學；最要命而又足以令同band同學但派到天與地的結果就是你地獲得既隨機號碼。防不勝防！