好難諗

ohnono

十分明白你這種苦況，好像身處熱鍋，萬般不是味，半點不由人。

上年我地有同學一樣你現在的處境。佢唔甘心小朋友花了六年的心血，於是唔聽老師的勸告，還將最熱門的band 1頭學校放第一，跟住放一間最熱門的band 2學校，再放其熱門的band 2學校左後。最後band 1學校派不到，因為佢應該真係band 2學生，並且錯過了第二、三、四.....的派位機會。後來知道佢派得不好，唯有四出叩門。

之後我地一班家長都有討論過這些問題，得出一些經驗就係，若是邊緣人的話，都唔緊要，你可將一間band 1學校放在第一位，因為始終係唔甘心。但請記住，這間band 1學校，最好係一些較次熱的學校，我會提議一些俗稱band 1尾的學校，因這類學校本質上仍是band 1的英中，但有機會因為某些band 1生提早放置保險線而有剩餘學位給band 2生去抽。所以就算自己真是band 2的學生，也有機會被抽中，咁如果自己係band 1的話，咁重大機會入番band 1啦。

第二志願請不要放其他band 2生的熱門放第一的學校。應考慮次熱的band 2學校，因你放了一間band 1學校在頭等如其他band 2生放一間熱門的band 2學校在頭一樣，人家搏band 2頭你搏band 1尾咁解。到了第二志願大家變成同等機會去爭取相同類別的學校，只有這樣，你才可避免骨牌效應。