1月26日今日中學校長學校講完轉直資...有D意見...

芊芊bb

今日聽校長話銅鑼灣st paul轉直資後好成功為例，我想問：成功了什麼？又話佢間中學要校風持續良好，咁銅鑼灣st paul我又唔見得有良好校風；大家眾所週知，銅鑼灣st paul收生都以家庭背景為先，這個唔講，你地每在那間學校嘅lunch time 或放學時段去睇下那班中學生，絶大部分的校裙膝蓋以上,甚至短到大腿，頭髮到腰可以唔駛束,電染又得,頭夾大蝴蝶呀、夾夾石，五顔六色又得（甚至小學生我都經常見到）書包銀包都係名牌，手上飾物不在話下；事問一間學校連學生嘅儀容都可以放縱，那今日校長所講嘅如跑馬地st paul中學轉直資後，都會似銅鑼灣st paul一樣成功，係咪將我地比學費後會將我地d女會教成咁？？話跑馬地st paul不准名牌，要甚麼純樸校風好教學，我認為校長要以成功例子比較都要想清楚。

芊芊bb

回復 Rattie 的帖子

事先講明，我並唔係針對SPCS嘅學生，我在銅鑼灣返工，呢d全都係我眼見嘅事實,我冇指明係全部學生都係咁，我見到她們係咁嘅儀容並唔係我時運低，係唔係天生我相信我識分，我亦冇指定佢地係壞學生，呢個主題係有關spss轉直資，我只係將我嘅睇法講出黎，我之前所講spcs d學生嘅儀容身邊亦有其他家長都認同過，我,Rattie你好似講到我喺度攪事咁，我將我感受講出來有何不妥呀?

芊芊bb

佢地整份所謂嘅意見書，根本早有預謀，學校一早已預料到我地家長根本唔敢在點曬名的情況下反對，就算有家長已打算轉去其他中學的同我講，如填反對或一些佢地唔啱聽嘅意見，都驚學校在阿女成績表上報復，係咁以操行或一些成績我地冇卷check到的降下分，又或阿女在呢幾年間老師們唔比好日子佢過，令佢地心靈受挫，從而「隊冧」我地呢班比學校睇死嘅家長，攪到而家得出來嘅意見書結果，好讓佢地可以及早轉直資,學校呢招好高明，將我地「禁」住黎打！