男拔 vs 喇沙, 你會選哪一間?

akys

我讀名校出身，當年屬於津校，除了小學直上外都是派位。同學裏好多有錢人，名人後代。唔知點解派位部份都有唔少有錢仔。我個人信奉『王侯將相，寧有種乎』所以生活得好好，雖然因為買唔起『jocky』白內衣放棄了參加暑期排球集訓隊，等於半放棄校隊。當年午飯3元，件衫好似賣75元。我冇問阿媽攞，直接放棄唔玩算數。還有，為了多點零用錢會選擇每天行30分鐘上學而唔搭車。寫下寫下，記得自己曾經好不孝，係家裡最艱難時期，為咗一隻Casio手錶唔肯要嗰啲免費電子錶同爸爸嘈起上來。
不過，我從未見過有歧視存在，反而同學間會自動分開唔同團體，各自享受校園生活。有個住同一屋邨嘅同學就非常介意自己出身，叫我唔好提是同村和他父母職業。注意，這類對自身出身介懷嘅都唔少。
齋攞啲文件或者以為自己嘅諗法代表全部人係有問題的，自卑呢樣嘢自己冇唔代表其他人冇，等如我冇唔代表其他人冇，人人正面思維就冇咁多社會問題啦。
獎學金？唔好講笑，一級得幾個，電影，卡通裡嗰啲主人翁就可以靠呢啲力爭上游。中學生活就係讀書咩！去津校讀唔使煩，唔使級1，級10夠未？
我贊成讀到就讀，始終呢類學校會培養出唔同特質嘅人，不過個細路會唔會唔開心就因人而異了。