打氣區

nostradamus

回覆 garygary13 的帖子

當年我有個朋友，閙個女“蠢”，閙個女點解入唔到女拔second interview。我跟這位朋友說，莫講話不應該用入唔到女拔second interview來評定她是否“蠢”，就算退一百步講，女是你生的，她蠢也不是她想的， 鬼叫你生得佢咁蠢，就算蠢，你問題多D喔。

今年到我，基本上都是我帶阿仔去interview，面試前，我會同佢講現在要去某某小學面試，老師要睇你表現，你要同老師分享一下你平時所識嘅野，唔識答唔緊要，唔好唔開心，千奇唔好發脾氣，要有禮貌。去左幾次， 佢都明白面試是什麽一囘事，我都越講越少。

面試後，我只會問3 個問題。
1。呢次面試開唔開心？（通常答開心）
2。老師問的問題識唔識？ （通常答案是識，話好容易， 但我覺得佢有時吹水，不過我無係臉上表現懷疑）
3。咁考左D乜野啊？（通常答案是已經唔記得）

至此，我唔會再追問任何問題。

無論結果如何，千萬別怪責自己的孩子，也不用怪責自己。 考唔考到，除了實力外，幸運與“緣分”都好重要。有時真係同相親差不多。

大家加油努力 ！！！