請問以小兒的成績,九龍城區有那些學校較有把握

annaCH

小兒現就讀（紅馬）六年級，第一次呈分試學校成績全級前五，全年全級前十，奧數比賽經常獲奬，但體育和音樂普通，但請問九龍城區有那些學校較有把握？小兒較喜歡喇沙書院，機會大嗎？謝謝！！！

longlokma

老師有否確實告訴你孩子是band1頭？如是，機會頗大的，但不是自行收生那一批

grace_xian

longlokma 發表於 12-11-27 13:27
老師有否確實告訴你孩子是band1頭？如是，機會頗大的，但不是自行收生那一批



  ...

紅馬全級前十唔晒老師講都係band1頭啦, 嘿

fion6406

原帖由 longlokma 於 12-11-27 發表
老師有否確實告訴你孩子是band1頭？如是，機會頗大的，但不是自行收生那一批



  ...

如果自行機會唔大，大抽獎要同所有band 1學生抽, band 1頭也沒優勢了，如何機會大呢？

ohnono

longlokma 發表於 12-11-27 13:27
老師有否確實告訴你孩子是band1頭？如是，機會頗大的，但不是自行收生那一批



  ...

喇沙大抽獎上年得16個非保留位用作抽獎，睇你夠唔夠膽乙部放第一位去搏。夠膽的又真係可能機會頗大，到時不是搏10幾個位，係搏人家唔夠膽！
講番正題，我就真係唔相信喇沙會在自行時在沒有特異功能的情況下，會收全級第10，雖然你地今年都有本事五個去左皇仁，勁到前廿幾都可以in伊中。我估紅馬應該頭五左右喇，除非你講的前十是前十中較前的位置，入唔入到都重要過面試呢一關架。

fion6406

原帖由 ohnono 於 12-11-27 發表
喇沙大抽獎上年得16個非保留位用作抽獎，睇你夠唔夠膽乙部放第一位去搏。夠膽的又真係可能機會頗大，到時不 ...

想請教下，以樓主case, 自行報喇沙為的是搏叩門時有機會考筆試又如何？

TCKTCK

請問樓主囝囝口才如何？如有辯論隊，面試表現好，有自信，都有機會。

ohnono

fion6406 發表於 12-11-27 16:49
想請教下，以樓主case, 自行報喇沙為的是搏叩門時有機會考筆試又如何？



  ...

好少band 1頭的學生會將叩門的條件列為考慮之列。這班同學可憑著自己的實力和優勢，比其他同學可較早掌握自己的路向，因為自行時失敗，統一不可依賴，寄望叩門較為危險！
如將喇沙排第一志願還好，因還有第二選擇，但你咁唔咁心派去第二志願！正如我之前話點解有人皇仁搭聖言、或保一，點解又有人用皇仁去搭喇沙呢。

sababy

原帖由 longlokma 於 12-11-27 發表
該帖被管理員或版主屏蔽，或作者被禁止/刪除

請問自行收生會收哪一批？

longlokma

因相信LS本身已收回自校大量band 1A生,所以會儘量利用自行收生收些top A,即band 1小學全級一，二或特異功能人士。樓主孩子再加把劲，如考全級前三名加奧數重要獎項會有幫助的

annaCH

多謝大家的寶貴意見，特別多謝ohnono & longlokma的分析！我已把大家的寶貴意見告知阿仔。明天阿仔開始考第二次呈分試，希望他繼續努力！等成績出來再向大家請教，謝謝您們！

sadsam

fion6406 發表於 12-11-27 14:36
如果自行機會唔大，大抽獎要同所有band 1學生抽, band 1頭也沒優勢了，如何機會大呢？



  ...

同意~

overview

今年喇沙書院收的外來生, 大多係自己學校考第一.  當然有些運動好勁的除外.

如冇任何體藝, 全級排第十真係機會唔大, 但只要面試表演outstanding, 英文流利, 因校長係西人, 咁一樣有可能. 據悉蔡x有都有學生考入, 咁咪因為英文talk得咯.

sukitelfold

原帖由 annaCH 於 12-11-27 發表
小兒現就讀（紅馬）六年級，第一次呈分試學校成績全級前五，全年全級前十，奧數比賽經常獲奬，但體育和音樂 ...

若樓主仔仔係紅馬奧數隊第一、二人的校隊成員，再加這校內名次，夠膽話自行階段，喇記十拿九穩，紅馬上年奧數成績數一數二，與SFA叮噹馬頭，樓主請放心啦

ohnono

sukitelfold 發表於 12-11-28 13:36
若樓主仔仔係紅馬奧數隊第一、二人的校隊成員，再加這校內名次，夠膽話自行階段，喇記十拿九穩，紅馬上年奧 ...

這兩年參與奧數的人實在太多，奧數的獎項已不足以成為保証入好的英中的保証，只可說是沒有他又唔得。皇仁已經是小數好重視奧數的學校。所以紅馬之對於皇仁有特別優勢在此，但過份依賴這類獎項而忽略學業成績和選校策略，只會打亂自己陣腳。今日的紅馬，每年都只得一個同學能進入喇沙，揀皇仁是得還是揀喇沙是得，熟得熟失，自己去判斷！

sukitelfold

樓主自己收風，前兩年入喇記的同學，是否奧數同路人，便知一、二。奧數近年的確予人有豬肉的感覺，但三、兩個高認受性比賽，相信行內人一定知道的，所以得到這些獎項，並不同意已失去競爭力。

ohnono

sukitelfold 發表於 12-11-28 16:32
樓主自己收風，前兩年入喇記的同學，是否奧數同路人，便知一、二。奧數近年的確予人有豬肉的感覺，但三、兩 ...

我不是說奧數的獎項沒有用，而只是你要放在甚麼位置，發揮怎樣的效用，才是致勝之道。
我斷不會相信紅馬的奧數隊是得一個同學維持，但每年得一個同學可以入喇沙就正正是要點，點出左喇沙在自行收人的要求，亦點出了皇仁跟喇沙在這方要的分別。前者沒有其他負擔，考慮的因素較正面，相反喇沙在收人方要較進取，又要兼顧運動方面，又要兼顧學業方面，明年收幾多這類的，幾多個那一類的，單是叫家長們去找那個平衡點已相當困難。

慶幸的是紅馬的老師已深明這個遊戲規則，雖然明知皇仁收生每間學校都唔會多，仍強行鼓勵同學去報讀，今日有咁多同學被取錄已絕非僥倖，相比起喇沙，成功率之高，怎不教人心動！坦白說，如果家長的小朋友又是奧數隊成員，又有特別獎項，成績又好，若無其他任何宗教、交通等等的原因的話，我一定以皇仁為先，看看程德永同學一年內三次在國際賽中奪金，並連續兩年在國際奧數賽事中第一。皇仁的經驗吸引了無數奧數的同學，奧數的同學亦將在皇仁得以發光發熱！

sukitelfold

你說的以全局觀點分析，絕對同意，亦很宏觀。而我針對的是以樓主兒子較＂喜歡＂喇沙作出發點，以上年為例，認識一間九龍城二線小學，學業中上，只有奧數突出，為校隊主力，全港十八區解難比賽亦屈居紅馬，此子亦順利入了喇記，此例可予樓主參考。

一家的太陽

阿仔前數年紅馬畢業,當年有一位同學入了喇沙.
據我所知,該同學成績保持優秀,但絕非排前5名.估計在10名左右.
是參加奧數比賽,但非主力得獎者.
也不覺得有何體育強項.
致於有何人所不知的特長,就不是太清楚.
樓主兒子喜歡喇沙,大可一試.

當年有2位入到皇仁,成績在前20-30名,但羽毛球(紅馬強項)打得好..

yovin

伊利沙伯中学,又有联繫