點解band 2 成績會派去了band 3 尾學校 ?

hong_yau

剛剛聽聞一個朋友的兒子去年派去了band 3 尾學校, (但已經知道叩門成功去了 band 2 頭學校讀, 現在讀英文班) 但我覺得奇怪, 因為小朋友 4, 5, 6 年級都係讀精英班, 成績一直 ok. 估計佢唔係band 1, 都會係band 2. 就算第一輪 inteview 唔成功到要等第2 輛攪珠派學校. 都唔應該派去band 3 尾學校. 因我曾經聽人講, 要派哂成個 banding 組別的學生先會到下一個banding 的學生開始揀學校, 所以諗極都唔明點解band 2 成績會派去了band 3 尾學校 ? 究竟邊度出咗問題呢 ?

smallfoothk

之前在講,要有保險線,冇保險線band1學生派band3中學,例剌叭,英皇,皇仁最好排頭1,2,3.咁第4選band2較好,,,,

ohnono

通常精英班裡的同學就是估自己應是band 1，其實可能已是band 2。當整個選校過程，由自行開始都選band 1學校的話，到派到band 2時，因為你之前填晒band 1學校，將band 2學校填到好後，到你派時，已經派完。最後只剩下沒band 2生揀的band 3的學校。

第二個可能性是填錯號碼，將411寫成417，剛剛417就係band 3尾的學校，但你又將佢填第一位，咁就順理成章派第一志願的band 3中學。
第三個情形是家長將保險線寫得太前。若band 2學生將band 3的保險學校填得太前都有可能。之前都有家長話小朋友是band 1，但學校提議將第三志願填band 2，如是這樣，若第一、二志願派唔到就好容易派到band 2學校，情況跟band 2學生派band 3學校相似。

不過我覺得以第一個情形最有可能，就係估錯banding先最傷！

hong_yau

多謝指教 {:1_1:} 但請問點樣先確定自己係屬於那一個 banding 呢

onepiece

原帖由 hong_yau 於 12-11-03 發表
多謝指教  但請問點樣先確定自己係屬於那一個 banding 呢

只係靠估，無法確認。確認到就唔駛D邊緣人噤頭痛喇。這亦是遊戲的精妙之處。
其實確認到都未必有用。擧個例，有人放個女係深水埗最谷嘅私小，一心望著間上智同聖母玫瑰，點知原來如果放上智第一，抽唔到，第二放聖母玫瑰故然唔會得，就算放其他band1中學，由於男仔無得㨂上智同聖母玫瑰，所以其他band1中學就好易被D男仔第一志願揀哂，所以好可能第二志願都抽唔到，結果跌落band2的德雅，這樣苦讀6年就白費，就算妳是band1頭成績都可以得返間band2中學。
所以單單望著個區頭果兩間中學其實好危險！

ohnono

hong_yau 發表於 12-11-3 20:42
多謝指教  但請問點樣先確定自己係屬於那一個 banding 呢

可請教老師。老師可憑過往經驗推算出排列名次的banding。若學校有列出上年派位學校和人數，自己都可跟據所派到的所謂band 1學校數目，再乘以人數，就約略相等於學校的band 1人數。再將此數和老師的數互相印証一下。
但要留意每年升中人數的增減和調整分的採用年份都要加入考慮當中。想確定自己屬於那一個組別，除非教局正式向外公佈，否則，都係要估估下。估錯，就好似你朋友的情況！

yuyumon

ohnono 發表於 12-11-3 23:24
可請教老師。老師可憑過往經驗推算出排列名次的banding。若學校有列出上年派位學校和人數，自己都可跟據所 ...

好深奧的一門學問,又難玩的遊戲....好無安全感
其實,係咪請教老師排位最穩妥呢? 有人話學生NUMBERS前就好,係咩黎? 真係咁兒戲?

杰杰媽媽

派位遊戲就係咁兒戲, 一切從"估"開始, 就算老師都係睇返上年派位黎估

好似今年咁,會用前2年畢業生HKAT既分黎再分個間小學各banding既%, 冇人估得咁準D畢業生生生性性個HKAT考得好.

ohnono

yuyumon 發表於 12-11-4 16:44
好深奧的一門學問,又難玩的遊戲....好無安全感
其實,係咪請教老師排位最穩妥呢? 有人話學生NUMB ...

有人話學生NUMBERS前就好,係咩黎? 真係咁兒戲?>>>>>>>


那一個是隨機號碼，不是學生no.隨機號碼是由電腦在派位過程中隨意分發一個號碼給參與升中派位的學生，no越細在同組別中就越派先，一派完位就會燒毀，學校和學生都不會知自己的no.。


兒戲就見人見智喇，不過真的要看幸運程度，睇你好唔好彩！所以盡量在自行收生時爭取成功被取錄是為上策。

yuyumon

ohnono 發表於 12-11-4 23:38
有人話學生NUMBERS前就好,係咩黎? 真係咁兒戲?>>>>>>>

但點解有d人又話自己隨機號碼排得前,所以,派得好,佢地又知道既?

yuyumon

bb123321 發表於 12-11-5 09:15
凈係依靠某方面的意見好危險，一定要多硏究多問唔同的人呀！

THX! 會多d上黎問問

odelia_ho

回復 onepiece 的帖子

如果是Band 1頭, 派位雖然冇運, 但應該有好多直資會收, 結果她去了哪間?

onepiece

原帖由 odelia_ho 於 12-11-05 發表
回復 onepiece 的帖子

如果是Band 1頭, 派位雖然冇運, 但應該有好多直資會收, 結果她去了哪間? ...

所知的是她派了第三志願的德雅，最後可否叩門成功就不得而知。但如果是心怡的，當初應有考，會入的可能已入了而未必會玩大抽獎。所以抽得差，最後結果點就好差講。當然我都覺得band1頭成績要叩到間band1尾學校應該都得掛，但如果孩子成績是band1中或尾，那就更麻煩了。

所以選區和揀志願都要小心D。

ohnono

onepiece 發表於 12-11-5 11:48
所知的是她派了第三志願的德雅，最後可否叩門成功就不得而知。但如果是心怡的，當初應有考，會入的可能已入 ...

你這個例子都比較奇特。
正如上面的家長話，如果是band 1頭，好大機會在直資或自行時已被取錄，因此我估應該是band 1中至尾，所以自行時搏得太高有一定困難。到叩門時，band 1中尾的同學競爭好大，揀得太差不如留在德雅。

第二就係點解要咁快填德雅。深水埗除了上智、聖母玫瑰，你還可填黃隸珊和瑪利諾神父。如果你留意到深水埗三個組別的學額都幾平均，所以band 1同學唔需要太早填band 2學校。你太早填德雅，神仙都難救。

odelia_ho

回復 onepiece 的帖子

點解我會問, 因為我囝囝應該與你朋友的女兒同校, 舊年參加派位
小兒是band 1頭, 派了第一志願 band 1中 (因shamshuipo 區沒有band 1A)
後來叩門一間港島區band 1C直資, 收左, 但最後入左一間九龍區band 1A直資
過程可說是峰迴路轉, 所以我會覺得, 有band 1頭成績, 只要不放棄, 是會有好多變數的

onepiece

原帖由 ohnono 於 12-11-05 發表
你這個例子都比較奇特。
正如上面的家長話，如果是band 1頭，好大機會在直資或自行時已被取錄，因此我估應 ...

問題是瑪利諾神父是直屬學校，非保留位只有12個，而黃棣珊都係聯繫中學，非保留只有59個兩間相加都只有71個位，換句話説，女孩子如果首志願抽不到上智、聖母攻瑰，band1就只餘下這71個位。
另一點很易被忽略的是，深水埗是全港第二多私小的區，區內共有11間私小直資，所以學童數量其實不少。
如果抽深水埗，除知道其機會外，更要留意其風險。

ohnono

onepiece 發表於 12-11-5 17:46
問題是瑪利諾神父是直屬學校，非保留位只有12個，而黃棣珊都係聯繫中學，非保留只有59個兩間相加都只有71個 ...

如果你咁樣睇，淨係計嗰兩間又話得71個位就好容易出事，人地有聯繫中學，咁嗰d band 1學生升上聯繫中學的，咪又係小左人跟你爭出面的位。
不如我地睇睇夠竟區內有幾多band 1生去爭幾多band 1位先。

全個深水埗上年共有約1300個band 1同學，區內6間英中連同香島提供的band 1學額大約有1千多個。加上他區唔湯唔水的band 1學額加埋都有75個。即是深水埗1300個band 1同學去爭約1100個band 1學額，情況還比將軍澳的同學好。當然還得考慮自行收生時有部份學生流出和流入深水埗的問題。如果以深水埗幾間band 1中學來說，能吸引外區的學生來的，恐怕只有上智和銘賢小部份的學額，但他們同時亦係深水埗區內同學的至愛。

另一方面，正如你話區內幾間名私小，我覺得同學會以區外一些傳統名校或一些地區名校為目標，這點是深水埗區較弱的一環，不是說上智不好，亦不是說銘賢不好，但相對那些有能力向皇仁、華仁、BPS、MCS、林護、荃官和一些直資如SPCC、DGS、DBS等挑戰的同學，深水埗根本留不到他們，他們的心早已離區遠去。

外面的吸引力大過區內，自然跨出的同學一定比跨入的小，於是，深水埗的band 1同學欲取得一band 1席位，風險係有，但並不高，相信亦並不太難，我自己都覺得算好穩陣，視乎家長的選校心態。但你話將德雅放第三位，我覺得是自己太早投降了！

fion6406

原帖由 odelia_ho 於 12-11-05 發表
回復 onepiece 的帖子

點解我會問, 因為我囝囝應該與你朋友的女兒同校, 舊年參加派位

好奇一問，點解派位派去了Band1B，仲要山長水遠去叩港島區Band 1C直資？

odelia_ho

回復 fion6406 的帖子

其實SSP區那間band 1B 並不是我們的志願, 只是礙於小學本區, 冇得揀, 只好填它, 正如樓上家長講, 區內學校並不是我們的心頭好. 情願揀一間中西區的band 1C 直資, 而且路程也可接受, 又因為我們相信環境和學校配套, 師資等, 都會好些, 所以, 會選直資而不選那津校, 又可以留返個學位比有志入讀的同學, 利人利己